Ivyo Vingatovwira Kuti Tiŵe Ŵaluso mu Uteŵeti—Ivyo Tingachita Kuti Tizakawelereko

Chifukwa Wuli Nkhwakuzirwa: Para tasanga munthu uyo wakukhumba kumanya vinandi, tikuwelerako kuti tikathilire mbuto yaunenesko iyo tikapanda. (1 Kor. 3:6) Ntheura pambere tindafumepo, tikupangana nayo kuti tikizeso. Ntchiwemi kumufumba fumbo lakuti tizakazgore para tizaso. Ivi vingawovwira kuti wanweke. Usange zgoro lili mu buku ilo tamupa, mbwenu waŵazgenge payekha. Para tamufumba fumbo lakuti tizakazgore, chikuŵa chipusu kwizaso chifukwa nkhani iyo tamudumbiskana tikuyimanya kale. Para tizaso tingamuphalira kuti tiza kuti tizgore fumbo ilo tikamufumbani.

Umo Mungachitira:

Para mukunozgekera upharazgi wakunyumba na nyumba mukweneraso kunozgekera fumbo lakuti mukazgore ulendo wakulondezgapo. Fumbo lingafuma mu magazini iyo mwamugaŵira, panji mu mabuku ghithu ghanyake agho tikusambizgira ŵanthu Baibolo.
Para munthu wakukhumba kumanya vinandi, mungamupempha kuti mukizeso mwakuti muzakadumbiskane fumbo ilo mwamufumba. Mu vigaŵa vinyake ŵanthu mbakutangwanika chomene ndipo chikuŵa chakusuzga kuzomera kuti mukawereso. Usange vili nthena mungamufumba kuti: “Kasi mukusangika nyengo wuli panyumba? [Mulekani wazgore.] Ningatemwa kuti sabata yikwiza, nizakazgore fumbo ili . . . Usange muzamuŵa ŵakutangwanika muzamuniphalira.”
Ntchiwemi kufiska para mwapangana na munthu kuti mwamuweraso, ndipo mukwenera kuluta pa nyengo iyo mukapangana. (Mat. 5:37) Para mwawelerako, mungamufumba fumbo linyake kuti muzakazgore ulendo wakulondezgapo.

Yezgani Sachizgo Ili Mwezi Uno:

Para mukunozgekera upharazgi, mukweneraso kunozgekera fumbo lakuti mukazgore ulendo wakulondezgapo. Phaliraniko uyo mwenda nayo fumbo ilo mwanozgekera.