MUTU 8

Kasi Nyifwa ya Yesu Yingamovwirani Wuli?

Yesu wakafwa mwakuti ise tisange umoyo. Yohane 3:16

Ŵanakazi ŵakulingizga mu dindi la Yesu, kweni mulije munthu

Mazuŵa ghatatu kufuma apo Yesu wakafwira, ŵanakazi ŵanyake ŵakaluta ku dindi lake ndipo ŵakasanga lili mwazi. Yehova wakamuwuska Yesu ku ŵakufwa.

Yesu wakuwonekera ku ŵapositole ŵake, pamanyuma wakukwera kuchanya

Pamasinda Yesu wakawonekera ku ŵapositole ŵake.

Yehova wakawuska Yesu ndipo wakaŵa chilengiwa chankhongono chauzimu, ndipo wangafwaso chara. Ŵasambiri ŵake ŵakamuwona apo wakakweranga kuchanya.

Chiuta wakawuska Yesu na kumwimika kuŵa Themba la Ufumu wake. Daniyeli 7: 13, 14

Yesu wali pa chitengo chake kuchanya, wakuwusa ŵanthu awo ŵali mu paradiso pa charu

Yesu wakapeleka umoyo wake kuŵa sembe m’malo mwa ŵanthu. (Mateyu 20:28) Na sembe iyi, Chiuta wakujura nthowa yakuti tizakaŵe ŵamoyo muyirayira.

Yehova wali kwimika Yesu kuŵa Themba lakuti liwuse charu chapasi. Wazamuwusa pamoza na ŵanthu ŵakugomezgeka ŵakukwana 144,000 awo ŵakuwuskika ku ŵakufwa pa charu kuya kuchanya. Yesu pamoza na ŵa 144,000 ŵazamuwusa mu boma laurunji kuchanya, ilo Mbufumu wa Chiuta.—Chivumbuzi 14:1-3.

Ufumu wa Chiuta uzamuzgora charu kuŵa paradiso. Kuzamuŵavya nkhondo, uchigeŵenga, ukavu, na njara. Ŵanthu ŵazamuŵa ŵakukondwa nadi.—Salimo 145:16.