Kasi Mungalongosora Chipulikano Chinu?

Usange munyake wamufumbani chifukwa icho mukugomezgera kuti Chiuta ndiyo wakalenga vinthu vyose, kasi mungazgora wuli? Kuti muzgore makora, mukwenera kuchita vinthu viŵiri: Chakwamba, mukwenera kuŵa na ukaboni wakukwana wakuti vinthu vikachita kulengeka. (Ro 12:1, 2) Kufuma apo, ghanaghanirani umo mungalongosolera chipulikano chinu ku ŵanji.—Zi 15:28.

KUTI MUWONE VIFUKWA IVYO ŴANJI ŴAKUGOMEZGERA KUTI VINTHU VIKACHITA KULENGEKA, WONELERANI VIDIYO YA MUTU WAKUTI DOKOTALA WA VIWANGWA WAKULONGOSORA VYA CHIPULIKANO CHAKE NA YAKUTI NKHWANTHA YAKUSANDA VINYAMA YIKULONGOSORA VYA CHIPULIKANO CHAKE, NDIPO PAMASINDA ZGORANI MAFUMBO GHAKULONDEZGAPO AGHA:

• 

  Chifukwa wuli Irène Hof wakugomezga kuti vinthu vikachita kulengeka m’malo mwa kugomezga kuti vikachita kusintha kufuma ku vinyake?

• 

  Chifukwa wuli Yaroslav Dovhanych wakugomezga kuti vinthu vikachita kulengeka m’malo mwa kugomezga kuti vikachita kusintha kufuma ku vinyake?

• Kasi mungamulongosolera wuli munthu chifukwa icho mukugomezgera kuti vinthu vikachita kulengeka?

• Kasi ni vinthu wuli ivyo vilipo mu chiyowoyero chinu ivyo gulu latipa ivyo vingamovwirani imwe kweniso ŵanji kugomezga kuti Chiuta ndiyo wakalenga vinthu vyose?