Maliferensi gha “Uteŵeti na Umoyo Wachikhristu—Kabuku ka Maungano”

Maliferensi gha Uteŵeti na Umoyo Wachikhristu—Kabuku ka Maungano

NOVEMBALA 6-12

Ivyo Tasambira

it-1-E 191

Vyoto

Vyoto vikimirangaso chinthu chawaka panji chambura ntchito. Mwachiyelezgero, Abrahamu wakayowoya kwa Yehova kuti, “nili fuvu na vyoto.” (Ge 18:27; wonaniso Yes 44:20; Yob 30:19.) Yobu wakayaniska ivyo ŵasanguluski ŵake ŵapusikizgi ŵakayowoyanga na “ntharika zavyoto.”—Yob 13:12.

DISEMBALA 11-17

MAZGU GHA CHIUTA MBUSAMBAZI | YOBU 25-27

“Kuŵa Wakunyoloka Kukukhumbikwira Kuŵa Dankha Wakufikapo Yayi”

it-1-E 1210 ¶4

Kunyoloka

Yobu. Ukaboni ukulongora kuti Yobu wakaŵako mu nyengo ya pakatikati pakuti Yosefe wafwa na nyengo ya Mozesi, iyo wakuyowoyeka kuti wakaŵa munthu “wambura kabanga [Heb., tam] na wakufikapo, wakopa Chiuta na kugega icho ntchiheni.” (Yob 1:1; wonani JOB.) Nkhani ya kugomezgeka kwa ŵanthu njakuzirwa chomene. Ivi vikuwonekera makora mu chidumbirano icho chikaŵapo pakati pa Yehova Chiuta na Satana. Panyengo iyi, ŵana ŵa Chiuta kuchanya ŵakiza kuzakawonekera kwa iyo, ndipo Chiuta wakafumba mulwani wake Satana za kugomezgeka kwa muteŵeti wake Yobu. Satana wakakayikira vilato ivyo Yobu wakasoperanga Chiuta, iyo wakayowoya kuti Yobu wakusopa Chiuta chifukwa cha uryezi, chifukwa chakuti wakumutemwa yayi. Iyo wakakayikira usange Yobu ngwakugomezgeka nadi kwa Chiuta. Yehova wakamuzomerezga Satana kuti wapoke katundu wa Yobu kweniso ŵana ŵake. Kweni Satana wakatondeka kupangiska Yobu kutaya kunyoloka kwake. (Yob 1:6–2:3) Pamanyuma, Satana wakayowoya kuti Yobu wakaŵa wakunozgeka kuzizipizga kutayika kwa ŵana ŵake kweniso vinthu vyake, chifukwa chakuti iyo thupi lake likaŵa makora waka. (Yob 2:4, 5) Kufuma apo wakamutimba Yobu na nthenda yakuŵinya ya mapumba, ndipo wakapangiska muwoli wake kuti wamunyozenge. Kweniso wakapangiska ŵabwezi ŵa Yobu kuyowoya vinthu vyautesi vyakukhwaskana na fundo za Chiuta kweniso vilato vyake (Yob 2:6-13; 22:1, 5-11), Yobu wakayowoya kuti walekengepo yayi kuŵa wakugomezgeka. Iyo wakati “Nitayengepo chara kunyoloka kwane m’paka nifwe! Urunji wane niwukorenge nganganga ndipo niwutayenge chara. Mtima wane unisuskengepo chara umoyo wane wose.” (Yob 27:5, 6) Pakuti iyo wakataya yayi kunyoloka kwake, wakalongora kuti ivyo mulwani wa Chiuta wakayowoya vikaŵa vyautesi.

DISEMBALA 18-24

MAZGU GHA CHIUTA MBUSAMBAZI | YOBU 28-29

“Kasi Muli na Lumbiri nga lwa Yobu?”

it-1-E 655 ¶10

Laya

Mu Baibolo malaya ghakwimira vinthu vinandi. Yunifomu na malaya ghanyake ghapadera ghakulongora kuti munthu wali mu gulu linyake panji wakukhozgera wupu unyake. Mwakuyana waka, malaya mu Baibolo ghakulongora ivyo munthu wakugomezga na vyakuchita vyake, nga umo ntharika ya Yesu ya laya la nthengwa yikulongolera. (Mt 22:11, 12; wonani HEADDRESS; SANDAL.) Pa Chivumbuzi 16:14, 15, Fumu Yesu Khristu yikachenjezga za kugona tulo twauzimu na kupokeka malaya ghakuwaro agho ghakwimira kuŵa kaboni wakugomezgeka wa Chiuta waunenesko. Kuchita nthena nkhwakofya chomene apo “nkhondo ya zuŵa likuru la Chiuta Wankhongonozose” yaneng’enera.