SAMBIRO 28

Longorani Kuti Mukuwonga Ivyo Yehova na Yesu Ŵali Kumuchitirani

Madododo

Kasi mukujipulika wuli usange munyinu wamupani chawanangwa chiwemi chomene? Mukwenera kuti mukukondwa chomene, ndipo mukuchita vyose ivyo mungafiska kuti mulongore kuwonga. Yehova na Yesu ŵali kutipa chawanangwa chapadera chomene kuluska chawanangwa chilichose icho munthu wangatipa. Kasi ntchawanangwa wuli, ndipo tingalongora wuli kuti tikuwonga?

1. Kasi tingalongora wuli kuti tikuwonga ivyo Chiuta na Khristu ŵali kutichitira?

Baibolo likulayizga kuti “waliyose uyo wakupulikana mwa [Yesu]” wangakhala kwamuyirayira. (Yohane 3:16) Kasi kuŵa na chipulikano chikung’anamura vichi? Tikwenera kuchita vinandi padera pa kugomezga waka mwa Yesu. Ivyo tikusankha na kuchita vikwenera kulongora kuti tili na chipulikano. (Yakobe 2:17) Para tikulongora chipulikano mu ivyo tikuchita na kuyowoya, tikukhozga ubwezi withu na Yesu kweniso Adada ŵake, Yehova.—Ŵazgani Yohane 14:21.

2. Kasi mpha chakuchitika wuli chapadera icho tingalongolera kuwonga ivyo Chiuta na Yesu ŵali kutichitira?

Pa usiku wakuti machero wafwenge, Yesu wakaphalira ŵalondezgi ŵake ivyo ŵangachita kuti ŵalongore kuwonga sembe yake. Iyo wakaŵaphalira kuti ŵachitenge chakuchitika chapadera, icho Baibolo likuti “Mugonero wa Fumu.” Chakuchitika ichi chikumanyikwaso kuti Chikumbusko cha nyifwa ya Yesu. (1 Ŵakorinte 11:20) Yesu wakakhumbanga kuti ŵapositole kweniso Ŵakhristu wose ŵaunenesko ŵakumbukirenge nyifwa yake. Iyo wakaŵaphalira kuti: “Lutilirani kuchita ichi kuti munikumbukenge.” (Luka 22:19) Para mwasangikapo pa Chikumbusko, mukulongora kuti mukuwonga chitemwa chikuru icho Yehova na Yesu ŵali kumulongorani.

MANYANI VINANDI

Wonani vinthu vinyake ivyo mungachita kuti mulongore kuwonga ivyo Yehova na Yesu ŵali kumuchitirani. Wonaniso chifukwa chinyake icho tikuyowoyera kuti nyifwa ya Khristu njakuzirwa chomene.

3. Kasi tingachita wuli kulongora kuti tikuwonga?

Tiyelezgere kuti mwabiranga mu nyanja, mbwenu munthu munyake wamuponoskani, kasi mungaluwa ivyo munthu uyu wamuchitirani? Mungasanga nthowa yakuti mulongore kuwonga pa ivyo wamuchitirani, asi nthe?

Tikwenera kulongora kuti tikumutemwa Yehova. Ŵazgani 1 Yohane 4:8-10, kufuma apo dumbiskanani mafumbo agha:

Chifukwa wuli sembe ya Yesu ntchawanangwa chapadera chomene?
Kasi mukujipulika wuli na ivyo Yehova na Yesu ŵali kumuchitirani?

Kasi tingalongora wuli kuti tikuwonga ivyo Yehova na Yesu ŵali kutichitira? Ŵazgani 2 Ŵakorinte 5:15 na 1 Yohane 4:11; 5:3, kufuma apo dumbiskanani fumbo ili:

Kuyana na ivyo mwaŵerenga, kasi tingalongora wuli kuti tikuwonga?

4. Yezgani Yesu

Nthowa yinyake iyo tingalongolera kuwonga ni para tikuyezga Yesu. Ŵazgani 1 Petrosi 2:21, kufuma apo dumbiskanani fumbo ili:

Kasi mungachita wuli kuti mulondezge mendero gha Yesu mwakugomezgeka?

Yesu wakuŵerenga Mazgu gha Chiuta. — Yesu wakatemwanga chomene Mazgu gha Chiuta, kupharazga makani ghawemi, na kovwira ŵanthu

Yesu wakuyowoya na mwanakazi Musamariya pa chisimi. — Yesu wakatemwanga chomene Mazgu gha Chiuta, kupharazga makani ghawemi, na kovwira ŵanthu

5. Musangikengepo pa Chikumbusko cha nyifwa ya Khristu

Kuti mumanye ivyo vikachitika pa Mugonero wa Fumu wakwamba, ŵazgani Luka 22:14, 19, 20. Kufuma apo dumbiskanani mafumbo agha:

Kasi ntchivichi chikachitika pa Mugonero wa Fumu?
Kasi chingwa na vinyo vikwimira vichi?—Wonani vesi 19 na 20.

Yesu wakaphalira ŵasambiri ŵake kuti ŵakumbukirenge Mugonero wa Fumu kamoza pa chaka pa zuŵa ilo wakafwira. Lekani Ŵakaboni ŵa Yehova ŵakuwungana pamoza chaka chilichose kuti ŵakumbukirenge nyifwa ya Khristu, nga umo mweneko wakayowoyera. Kuti mumanye vinandi vyakukhwaskana na kukumbukira nyifwa ya Yesu, wonelerani VIDIYO. Kufuma apo dumbiskanani fumbo ili.

VIDIYO: Kukumbukira Nyifwa ya Yesu (1:41)

Chithuzi cha mu vidiyo yakuti ‘Kukumbukira Nyifwa ya Yesu.’ Ŵakaboni ŵa Yehova ŵawungana kuti ŵakumbukire Mugonero wa Fumu.

Kasi pa Chikumbusko pakuchitika vichi?

Mbale ya chingwa chambura nthukumusi na tambulara ya vinyo.

Chingwa na vinyo vikwimira waka vinthu vinyake. Chingwa chikwimira thupi la Yesu lambura zakwananga ilo wakalipeleka sembe. Vinyo likwimira ndopa zake

Ŵanthu ŵakwendeska vinyo pa Mugonero wa Fumu.

IVYO ŴANYAKE ŴAKUYOWOYA: “Kuti munthu wazakaponoskeke wakwenera kugomezga waka mwa Yesu.”

Kasi lemba la Yohane 3:16 na Yakobe 2:17 likulongora wuli kuti pali vinyakeso ivyo munthu wakwenera kuchita?

MWAKUDUMURA

Tikulongora kuti tikuwonga ivyo Yesu wali kuchitira para tikuŵa na chipulikano mwa iyo na kusangikapo pa Chikumbusko cha nyifwa yake.

Kuweleramo

Kasi kuŵa na chipulikano mwa Yesu chikung’anamura vichi?
Kasi imwe mukuwona kuti mungachita wuli kuti mulongore kuwonga ivyo Yehova na Yesu ŵali kumuchitirani?
Chifukwa wuli ntchakuzirwa kuti musangikengepo pa Chikumbusko cha nyifwa ya Khristu?

Zuŵa ilo tamalira kusambira:

Vyakuti Muchite

Muzakalute ku Chikumbusko cha nyifwa ya Khristu. Fumbani uyo wakumusambizgani Baibolo vya deti na nyengo iyo chizamuchitikira na kulilemba pa kalendara yinu.

Vinyake:

Your other goal

SANGANI FUNDO ZAKUSAZGIKIRA

Kasi nyifwa ya Khristu yikutichiska kuchita vichi?

Wakagwiliskira Ntchito Thupi Lake Kuti Walumbe Yehova (9:28)

Manyani vinandi vyakukhwaskana na chipulikano kweniso umo tingachilongolera.

“Ŵani na Chipulikano mu Malayizgo gha Yehova” (Gongwe la Mulinda, Okutobala 2016)

Ŵazgani nkhani yakuti “Nkhujiwonaso Kuti Ndine Wakufipirwa Yayi, Wakufwa Nesi Wakukwenyelera,” kuti mumanye umo sembe yakuwombora yikawovwilira mwanakazi munyake.

“Baibolo Likusintha Umoyo wa Ŵanthu” (Gongwe la Mulinda, Ogasiti 1, 2011)

Wonani chifukwa icho ŵanthu ŵachoko waka ndiwo ŵakurya vimanyikwiro pa Chikumbusko.

“Chifukwa Wuli Ŵakaboni ŵa Yehova Ŵakupanga Mugonero wa Fumu Mwakupambana na Matchalitchi Ghanyake?” (Nkhani ya pa Intaneti)