FUMBO 7
Kasi Baibolo likati ntchivichi chichitikenge mazuŵa ghano?
“Mtundu uzamuwukirana na mtundu unyake, ufumu na ufumu unyake . . . Vinthu vyose ivi nkhwamba kwa masuzgo.”
“Ntchimi zitesi zinandi zizamuwuka na kupuluska ŵanandi. Chifukwa cha kwandana kwa vinthu viheni, chitemwa cha ŵanandi chizamuzizima.”
“Para mukupulika vya zinkhondo na malumbiri gha zinkhondo, kopa chara. Vinthu ivi vikwenera kuchitika, kweni umaliro uchali undize.”
“Kuzamuŵa vindindindi vikuru, kweniso njara na nthenda zakwambukira mu malo na malo. Kuzamuwoneka vyakofya na vimanyikwiro vikuru kufuma kuchanya.”
“Mu mazuŵa ghaumaliro kuzamuŵa nyengo zinonono na zakusuzga. Pakuti ŵanthu ŵazamuŵa ŵakujitemwa, ŵakutemwa ndalama, ŵakujiŵikamo, ŵakujikuzga, ŵakuyuyura Chiuta, ŵambura kupulikira ŵapapi, ŵambura kuwonga, ŵambura kugomezgeka, ŵambura chitemwa, ŵanonono, ŵakusesa, ŵambura kujikora, ŵakofya, ŵambura kutemwa uwemi, ŵakwendera mphiska, ŵakajilangi, ŵakujitukumura na kunotha, ŵakutemwa vyakusanguluska m’malo mwa kutemwa Chiuta, ŵakuwoneka nga ŵakusopa Chiuta mwakujipeleka kweni ŵakukana nkhongono zake.”