Chinthu icho chikuwoneka chomene pa nyanja ya Nicaragua ni chirwa cha Ometepe, icho chili na vyakumera vyakubiliŵira kweniso tumapiri tuŵiri uto tuli kupangika chifukwa cha kuphulika kwa charu
VYARU NA ŴANTHU
Charu cha Nicaragua
MU CHARU cha Nicaragua muli nyanja zinandi ndipo kanandi charu ichi chikuphulika (vokano). Mu charu ichi muli nyanja ya Nicaragua, iyo njikuru chomene ku Central America. Ŵanthu ŵa ku malo agha ŵakuchema nyanja iyi kuti Cocibolca, kung’anamura “Nyanja Yiwemi.” Mu nyanja iyi muli virwa vinandi chomene. Mu nyanja iyi muli somba izo zikutemwa kusangika mu nyanja zikuruzikuru pera nga ni shaki, swordfish, na tarpon.
Luŵa la sacuanjoche (frangipani) ku Nicaragua
Ku Nicaragua kuli chigaŵa chakuchemeka Mosquito Coast. Chigaŵa ichi ntchisani makilomita 65 ndipo chili mumphepete mwa nyanja kumafumiro gha dazi, ndipo chikumalira ku charu cha Honduras. Ŵanthu ŵakuchemeka Miskito (panji kuti Mosquito) mbamoza mwa ŵenekaya ŵa ku Nicaragua. Ŵanthu aŵa ŵakamba kukhala mu charu ichi kale chomene pambere ŵanthu ŵa ku Europe ŵandize m’ma 1500 C.E.
Ŵamiskito ŵakutemwa kuchezga ndipo ŵali na mitheto yawo na yawo. Pakuchemana ŵakuchindikana chomene. Ŵana ŵachoko ŵakuchema munthu mulara kuti “sibweni” panji “nkhazi” nanga wangaŵa kuti ni mubali wawo yayi. Mwakuyana na kaluso kakale, para ŵanakazi ŵalara ŵakutawuzgana na ŵabwezi panji ŵabali ŵawo ŵakukhwaskana matama. Kufuma apo, mwanakazi uyo wangwamba kutawuzga munyake wakupungizga mphepo.
Ŵanthu ŵa ku Nicaragua
Mabuku ghakulongosora Baibolo mu Chimayangna na Chimiskito, ghakupharazgika na Ŵakaboni ŵa Yehova