Mafumbo Ghakusambilira Buku Lane la Nkhani za mu Baibolo

Nkhani Nambara 1

Ciuta Wakamba Kulenga Vinthu

1. Kasi vinthu viwemi vyose vili kufuma nkhu, kasi mungayowoya ciyelezgero cimoza?

2. Nchinthu wuli cakwamba ico Ciuta wakalenga?

3. Nchifukwa wuli mungelo wakwamba wakaŵa wapadera?

4. Longosorani umo caru cikaŵira pakwamba. (Wonani cithuzithuzi.)

5. Ni mwauli umo Ciuta wakacitira kuti caru ciŵe malo ghawemi ghakuti vinyama na ŵanthu ŵakhalengemo?

Mafumbo ghanyake:

1. Ŵazgani Yeremiya 10:12.

   Ni mikhaliro wuli ya Ciuta iyo yikumanyikwa kwizira mu ivyo wali kulenga? (Yes. 40:26; Rom. 11:33)

2. Ŵazgani Ŵakolose 1:15-17.

   Kasi Yesu wakacitangaci apo vinthu vikalengekanga, ndipo ni mwauli umo tikwenera kumuwonera? (Ŵakolose 1:15-17)

3. Ŵazgani Genizesi 1:1-10.

   1. Kasi caru cili kufuma nkhu? (Gen. 1:1)

   2. Nchivici cikacitika pa zuŵa lakwamba la kulenga? (Gen. 1:3-5)

   3. Longosorani ico cikacitika pa zuŵa laciŵiri la kulenga. (Gen. 1:7, 8)

Nkhani Nambara 2

Munda Wakutowa

1. Ni mwauli umo Ciuta wakacitira kuti caru ciŵe ciwemi cakuti tikhalengemo?

2. Longosorani nyama zakupambanapambana izo Ciuta wakalenga. (Wonani cithuzithuzi.)

3. Nchifukwa uli munda wa Edeni ukaŵa wapadera?

4. Kasi Ciuta wakakhumbanga kuti caru cose ciŵe wuli?

Mafumbo ghanyake:

1. Ŵazgani Genizesi 1:11-25.

   1. Kasi Ciuta wakalenga vici pa zuŵa lacitatu la kulenga? (Gen. 1:12)

   2. Nchivici cikacitika pa zuŵa lacinayi la kulenga? (Gen. 1:16)

   3. Kasi ni nyama za mtundu wuli izo Ciuta wakalenga pa zuŵa la nambara fayivi na sikisi? (Gen. 1:20, 21, 25)

2. Ŵazgani Genizesi 2:8, 9.

   Ni makuni ghaŵiri wuli ghapadera agho Ciuta wakamezga mu munda, kasi ghakayimilanga vici?

Nkhani Nambara 3

Mwanalume na Mwanakazi Wakwamba

1. Kasi cithuzithuzi ca Nkhani Nambara 3 cikupambana wuli na cithuzithuzi ca Nkhani Nambara 2?

2. Kasi ninjani uyo wakalenga mwanalume wakwamba, ndipo zina lake wakaŵa njani?

3. Kasi ni nchito wuli iyo Ciuta wakapa Adamu?

4. Nchifukwa wuli Ciuta wakapangiska Adamu kugona tulo twakufwa nato?

5. Kasi Adamu na Heva ŵakeneranga kukhala ŵamoyo kwa utali wuli, ndipo Yehova wakakhumbanga kuti ŵagwire nchito wuli?

Mafumbo ghanyake:

1. Ŵazgani Salmo 83:18.

   Kasi Ciuta zina lake ninjani, ndipo ni mazaza wuli agho wali nagho pa caru? (Yer. 16:21; Dan. 4:17)

2. Ŵazgani Genizesi 1:26-31.

   1. Nchinthu wuli capadera ico Ciuta wakalenga pa zuŵa la nambara sikisi, ndipo cilengiwa ici cikaŵa cakupambana wuli na nyama? (Gen. 1:26)

   2. Kasi Yehova wakapeleka vici kwa munthu na nyama? (Gen. 1:30)

3. Ŵazgani Genizesi 2:7-25.

   1. Kasi Adamu wakeneranga kucita vici pambere wandathye nyama mazina? (Gen. 2:19)

   2. Ni mwauli umo lemba la Genizesi 2:24 likutovwilira kumanya umo Yehova wakuwonera nthengwa, kulekana na kupatana? (Mat. 19:4-6, 9)

Nkhani Nambara 4

Cifukwa Ico Ŵakatayira Cikaya Cawo

1. Pa cithuzithuzi apa, nchivici cikucitikira Adamu na Heva?

2. Nchifukwa wuli Yehova wakaŵapa cilango?

3. Kasi njoka yikamuphalira vici Heva?

4. Ninjani wakapangiska njoka kuti yiyowoye na Heva?

5. Nchifukwa wuli Adamu na Heva ŵakata cikaya cawo ca Paradiso?

Mafumbo ghanyake:

1. Ŵazgani Genizesi 2:16, 17 na 3:1-13, 24.

   1. Kasi njoka yikapusikizgira wuli Yehova na fumbo ilo yikafumba Heva? (Gen. 3:1-5; 1 Yoh. 5:3)

   2. Ni mwauli umo kacitiro ka Heva kaliri cenjezgo kwa ise? (Fil. 4:8; Yak. 1:14, 15; 1 Yoh. 2:16)

   3. Ni mwauli umo Adamu na Heva ŵakakanira kuti ŵandabude? (Gen. 3:12, 13)

   4. Kasi ŵakerubi awo ŵakaŵikika ku mafumiro gha dazi gha munda wa Edeni ŵakakhozgera wuli muwuso wa Yehova? (Gen. 3:24)

2. Ŵazgani Civumbuzi 12:9.

   Ni mwauli umo Satana wakupatuskira ŵanthu ŵanandi kuti ŵaleke kukhozgera muwuso wa Ciuta? (1 Yohane 5:19)

Nkhani Nambara 5

Umoyo wa Masuzgo Ukamba

1. Kasi umoyo wa Adamu na Heva ukaŵa wuli kuwaro kwa munda wa Edeni?

2. Nchivici cikayamba kucitikira Adamu na Heva, ndipo cifukwa wuli?

3. Nchifukwa wuli ŵana ŵa Adamu na Heva ŵakeneranga kucekura na kufwa?

4. Usange Adamu na Heva ŵapulikirenge Yehova, kasi mphanyi umoyo wawo na wa ŵana ŵawo ukaŵa wuli?

5. Kasi Heva wakasuzgika wuli cifukwa ca kuleka kupulikira?

6. Kasi mazina gha ŵana ŵanalume ŵaŵiri ŵakwambilira ŵa Adamu na Heva ghakaŵa njani?

7. Kasi ŵana ŵanyake awo ŵakuwoneka pa cithuzithuzi apa mbanjani?

Mafumbo ghanyake:

1. Ŵazgani Genizesi 3:16-23 na 4:1, 2.

   1. Kasi umoyo wa Adamu ukakhwaskika wuli apo caru cikatembeka? (Gen. 3:17-19; Rom. 8:20, 22)

   2. Nchifukwa wuli zina lakuti Heva, ilo likung’anamura “Wamoyo,” ndakwenelera? (Gen. 3:20)

   3. Ni mwauli umo Yehova wakalongolera citemwa kwa Adamu na Heva ŵati ŵananga? (Gen. 3:7, 21)

2. Ŵazgani Civumbuzi 21:3, 4.

   Kasi ni vinthu wuli “vyakudanga” ivyo mukukhumba kuti kuzakaŵavye?

Nkhani Nambara 6

Mwana Muwemi na Muheni

1. Kasi Kayini na Abelu ŵakagwiranga nchito wuli?

2. Kasi ni vyawanangwa wuli ivyo Kayini na Abelu ŵakapeleka kwa Yehova?

3. Nchifukwa wuli Yehova wakakondwa na cawanangwa ca Abelu, ndipo nchifukwa wuli wakakondwa yayi na cawanangwa ca Kayini?

4. Kasi Kayini wakaŵa wa nkharo ya mtundu wuli, ndipo ni mwauli umo Yehova wakamunyololera kuti wasinthe nkharo yake?

5. Kasi Kayini wakacitaci apo ŵakaŵa ŵekha mu munda na munung’una wake?

6. Longosorani ico cikacitikira Kayini wati wakoma munung’una wake.

Mafumbo ghanyake:

1. Ŵazgani Genizesi 4:2-26.

   1. Kasi Yehova wakalongosora wuli ukhaliro uheni uwo Kayini wakaŵamo? (Gen. 4:7)

   2. Kasi Kayini wakavumbura wuli ivyo vikaŵa mu mtima wake? (Gen. 4:9)

   3. Kasi Yehova wakuwona wuli ŵanthu ŵawemi awo ŵakukomeka? (Gen. 4:10; Yes. 26:21)

2. Ŵazgani 1 Yohane 3:11, 12.

   1. Nchifukwa wuli Kayini wakakaripa comene, ndipo kacitiro aka kakupeleka nchenjezgo wuli kwa ise? (Gen. 4:4, 5; Zinth. 14:30; 28:22)

   2. Ni mwauli umo Baibolo likulongolera kuti nangauli ŵanthu ŵa mu mbumba yithu ŵangakana kusopa Yehova, ise tingalutilira kuŵa ŵakugomezgeka? (Sal. 27:10; Mat. 10:21, 22)

3. Ŵazgani Yohane 11:25.

   Nchisimikizgo wuli ico Yehova wakupeleka ku awo ŵakufwira urunji? (Yoh. 5:24)

Nkhani Nambara 7

Mwanalume Wacikanga

1. Kasi Enoki wakaŵa wakupambana wuli na ŵanyake?

2. Nchifukwa wuli ŵanthu ŵa mu nyengo ya Enoki ŵakacitanga vinthu viheni vinandi?

3. Ni vinthu wuli viheni ivyo ŵakacitanga? (Wonani cithuzithuzi.)

4. Nchifukwa wuli Enoki wakeneranga kuŵa wacikanga?

5. Kasi kale ŵanthu ŵakakhalanga ŵamoyo kwa utali wuli, ndipo Enoki wakakhala wamoyo vilimika vilinga?

6. Nchivici cikacitika apo Enoki wakati wafwa?

Mafumbo ghanyake:

1. Ŵazgani Genizesi 5:21-24, 27.

   1. Kasi Enoki wakaŵa paubwezi wa mtundu wuli na Yehova? (Gen. 5:24)

   2. Mwakuyana na Baibolo, kasi ni munthu nju uyo wakakhala wamoyo vilimika vinandi comene, ndipo wakafwa na vilimika vilinga? (Gen. 5:27)

2. Ŵazgani Genizesi 6:5.

   Ni mwauli umo vinthu vikahenipira pano pasi apo Enoki wakati wafwa, ndipo lero mukhaliro wuli mbu? (2 Tim. 3:13)

3. Ŵazgani Ŵahebere 11:5.

   Kasi ni ukhaliro wuli wa Enoki uwo ‘ukakondweska Ciuta,’ ndipo nchivici ico cikacitika pamanyuma pake? (Gen. 5:22)

4. Ŵazgani Yuda 14, 15.

   Ni mwauli umo Ŵakhristu lero ŵangalondezgera cikanga ca Enoki para ŵakucenjezga ŵanthu za nkhondo iyo yikwiza ya Haramagedoni? (2 Tim. 4:2; Heb. 13:6)

Nkhani Nambara 8

Vinkhara pa Caru

1. Nchivici cikacitika apo ŵangelo ŵanyake ŵa Ciuta ŵakapulikira Satana?

2. Nchifukwa wuli ŵangelo ŵanyake ŵakaleka nchito yawo kucanya na kwiza pano pa caru?

3. Nchifukwa wuli cikaŵa ciheni kuti ŵangelo ŵize pano pasi na kuvwara mathupi gha ŵanthu?

4. Kasi ŵana ŵa ŵangelo ŵakaŵa ŵakupambana wuli na ŵanthu wose?

5. Nga ni umo mukuwonera pa cithuzithuzi, ni vici ivyo ŵana ŵa ŵangelo ŵakacitanga apo ŵakazgoka vinkhara?

6. Enoki wakati wafwa, kasi ni njani uyo wakaŵa pano pasi, nchifukwa wuli Ciuta wakamutemwa munthu uyu?

Mafumbo ghanyake:

1. Ŵazgani Genizesi 6:1-8

   Ni mwauli umo lemba la Genizesi 6:6 likuvumbulira kuti nkharo yithu yikumukhwaska Yehova? (Sal. 78:40, 41; Zinth. 27:11)

2. Ŵazgani Yuda 6.

   Ni cenjezgo wuli ilo tikutorapo kufuma ku ŵangelo awo ‘ŵakasida malo ghawo’ mu nyengo ya Nowa? (1 Kor. 3:5-9; 2 Pet. 2:4, 9, 10)

Nkhani Nambara 9

Nowa Wakazenga Cingalaŵa

1. Kasi ŵanthu ŵakaŵa ŵalinga mu mbumba ya Nowa? Zunurani mazina gha ŵana ŵatatu ŵa Nowa.

2. Nchinthu wuli cacilendo ico Ciuta wakaphalira Nowa kuti wacite, ndipo cifukwa wuli?

3. Kasi ŵanthu ŵa mu nyengo ya Nowa ŵakacita wuli apo wakaŵaphalira za cingalaŵa?

4. Kasi Ciuta wakaphalira Nowa kuti wacite vici na nyama?

5. Ciuta wakati wajara cijaro ca cingalaŵa, kasi Nowa na mbumba yake ŵakeneranga kucitaci?

Mafumbo ghanyake:

1. Ŵazgani Genizesi 6:9-22.

   1. Nchivici cikapangiska Nowa kuŵa musopi wapadera wa Ciuta waunenesko? (Gen. 6:9, 22)

   2. Kasi Yehova wakuwona wuli ciwawa, ndipo fundo iyi yingatovwilira wuli pakusankha vyakusanguluska? (Gen. 6:11, 12; Sal. 11:5)

   3. Ni mwauli umo tingalondezgera Nowa para tapokera ulongozgi mu gulu la Yehova? (Gen. 6:22; 1 Yoh. 5:3)

2. Ŵazgani Genizesi 7:1-9

   Ni mwauli umo tikukhuŵilizgikira lero na fundo yakuti Yehova wakawona Nowa, munthu uyo wakaŵa wambura kufikapo, kuŵa murunji? (Gen. 7:1; Zinth. 10:16; Yes. 26:7)

Nkhani Nambara 10

Cigumula Cikuru

1. Nchifukwa wuli cikaŵa cambura macitiko kuti munthu wanjire mu cingalaŵa apo vura yikati yayamba?

2. Kasi Yehova wakapangiska vura kuwa kwa mazuŵa ghalinga muhanya na usiku, ndipo maji ghakaŵa ghanandi wuli?

3. Nchivici cikacitikira cingalaŵa apo maji ghakamba kubenekelera caru?

4. Kasi vinkhara vikapona pa Cigumula, nchivici cikacitikira ŵawiskewo ŵa vinkhara?

5. Nchivici cikacitikira cingalaŵa pati pajumpha myezi yinkhondi?

6. Nchifukwa wuli Nowa wakatuma cihoŵi kuwaro kwa cingalaŵa?

7. Ni mwauli umo Nowa wakamanyira kuti maji ghakamuka pa caru?

8. Kasi Ciuta wakayowoyaci kwa Nowa pamanyuma pakuti iye na mbumba yake ŵakhala mu cingalaŵa kwa nyengo yakujumpha cilimika cimoza?

Mafumbo ghanyake:

1. Ŵazgani Genizesi 7:10-24.

   1. Nchivici cikacitikira vyamoyo vyose pano pa caru? (Gen. 7:23)

   2. Kasi maji ghakamba kukamuka pamanyuma pa mazuŵa ghalinga? (Gen. 7:24)

2. Ŵazgani Genizesi 8:1-17.

   Ni mwauli umo lemba la Genizesi 8:17 likulongolera kuti cilato cakwambilira ca Yehova cakukhwaskana na caru cindasinthe? (Gen. 1:22)

3. Ŵazgani 1 Petrosi 3:19, 20.

   1. Apo ŵangelo ŵakugaruka ŵakati ŵawelera kucanya, kasi ŵakapokera ceruzgo wuli? (Yuda 6)

   2. Ni mwauli umo nkhani ya Nowa na mbumba yake yikutipira cigomezgo cikuru cakuti Yehova wakuthaska ŵanthu ŵake? (2 Pet. 2:9)

Nkhani Nambara 11

Ciŵingavura Cakwamba

1. Nga ni umo mukuwonera pa cithuzithuzi, kasi cakwamba Nowa wakacitaci wati wafuma mu cingalaŵa?

2. Kasi Ciuta wakaphalira Nowa na mbumba yake kuti ŵacite vici cigumula cati camara?

3. Kasi Ciuta wakalayizga vici?

4. Para tawona ciŵingavura, kasi cikwenera kutikumbuska vici?

Mafumbo ghanyake:

1. Ŵazgani Genizesi 8:18-22.

   1. Ni mwauli umo nase tingapelekera “sungu liwemi” kwa Yehova? (Gen. 8:21; Heb. 13:15, 16)

   2. Kasi Yehova wakumanya vici za mtima wa munthu, ndipo ise tingasambirapo vici? (Gen. 8:21; Mat. 15:18, 19)

2. Ŵazgani Genizesi 9:9-17.

   1. Kasi ni phangano wuli ilo Yehova wakayowoya pakukhwaskana na vilengiwa vyose vya pa caru? (Gen. 9:10, 11)

   2. Nkhwa utali wuli uwo phangano la ciŵingavura liŵenge likugwira nchito? (Gen. 9:16)

Nkhani Nambara 12

Ŵanthu Ŵakazenga Gongwe Likuru

1. Kasi Nimurodi wakaŵa njani, ni mwauli umo Ciuta wakamuwonera?

2. Mwakuyana na cithuzithuzi ici, nchifukwa wuli ŵanthu ŵakawumbanga njerwa?

3. Cifukwa wuli Yehova wakakondwa yayi na nchito ya kuzenga iyi?

4. Ni mwauli umo Ciuta wakalekeskera ŵanthu kuzenga gongwe?

5. Kasi zina la msumba uwu likaŵa vici, ndipo zina ili likung’anamuraci?

6. Nchivici cikacitikira ŵanthu apo Ciuta wakatimbanizga ciyowoyero cawo?

Mafumbo ghanyake:

1. Ŵazgani Genizesi 10:1, 8-10.

   Kasi ni nkharo wuli iyo Nimurodi wakalongora, ndipo tikusambirapo vici lero? (Zinth. 3:31)

2. Ŵazgani Genizesi 11:1-9.

   Kasi ni cilato wuli ico ŵakaŵa naco pakuzenga gongwe, nchifukwa wuli nchito yawo yikatondeka? (Gen. 11:4; Zinth. 16:18; Yoh. 5:44)

Nkhani Nambara 13

Abrahamu—Bwezi la Ciuta

1. Kasi ni ŵanthu wuli awo ŵakakhalanga mu msumba wa Uri?

2. Kasi munthu uyo wali pa cithuzithuzi apa ninjani, wakababika pawuli, ndipo wakakhalanga nkhu?

3. Kasi Ciuta wakaphalira Abrahamu kuti wacite vici?

4. Nchifukwa wuli Abrahamu wakacemekanga bwezi la Ciuta?

5. Kasi mbanjani awo ŵakaluta na Abrahamu kufuma mu Uri?

6. Kasi Ciuta wakaphalira vici Abrahamu wati wafika mu caru ca Kenani?

7. Ni layizgano wuli ilo Ciuta wakaphalira Abrahamu apo wakaŵa na vilimika 99?

Mafumbo ghanyake:

1. Ŵazgani Genizesi 11:27-32.

   1. Kasi Abrahamu na Loti pakaŵa pauvici? (Gen. 11:27)

   2. Nangauli Tera wakuyowoyeka kuti ndiyo wakaluta na mbumba yake ku Kenani, kweni ni mwauli umo tikumanyira kuti wakaŵa Abrahamu uyo wakapangiska ulendo uwu kuti uŵepo, ndipo nchifukwa wuli wakacita nthena? (Gen. 11:31; Mil. 7:2-4)

2. Ŵazgani Genizesi 12:1-7.

   Ni mwauli umo Yehova wakapelekera cimanyisko cakusazgikira ca phangano ilo wakapanga na Abrahamu apo iyo wakafika mu caru ca Kenani? (Gen. 12:7)

3. Ŵazgani Genizesi 17:1-8, 15-17.

   1. Ni zina wuli liphya ilo Abramu wakapokera apo wakaŵa na vilimika 99, ndipo cifukwa wuli? (Gen. 17:5)

   2. Ni vitumbiko wuli ivyo Yehova wakalayizga Sara? (Gen. 17:15, 16)

4. Ŵazgani Genizesi 18:9-19.

   1. Mwakuyana na lemba la Genizesi 18:19, ni udindo wuli uwo dada waliyose wali nawo? (Dute. 6:6, 7; Efe. 6:4)

   2. Nchivici ico Sara wakacita ico cikulongora kuti tingamubisira kanthu yayi Yehova? (Gen. 18:12, 15; Sal. 44:21)

Nkhani Nambara 14

Ciuta Wakayezga Cigomezgo ca Abrahamu

1. Kasi Ciuta wakamulayizga vici Abrahamu, ni mwauli umo Ciuta wakasungira layizgano lake?

2. Nga ni umo pakuwonekera pa cithuzithuzi, ni mwauli umo Ciuta wakayezgera cigomezgo ca Abrahamu?

3. Kasi Abrahamu wakacitaci nangauli wakamanya yayi cifukwa ico Ciuta wakamutumira kucita cinthu ici?

4. Nchivici cikacitika apo Abrahamu wakatora cimayi kuti wakome mwana wake?

5. Kasi cigomezgo ca Abrahamu mwa Yehova cikaŵa cikuru wuli?

6. Nchivici ico Ciuta wakapeleka kwa Abrahamu kuti wapeleke sembe, ndipo mwauli?

Mafumbo ghanyake:

1. Ŵazgani Genizesi 21:1-7.

   Nchifukwa wuli Abrahamu wakakotora mwana wake pa zuŵa la nambara eyiti? (Gen. 17:10-12; 21:4)

2. Ŵazgani Genizesi 22:1-18.

   Ni mwauli umo Yisake wakapulikira awiske ŵake, Abrahamu, ndipo ni mwauli umo ici cikapelekera cithuzithuzi ca cinthu cakuzirwa ico cikenelanga kuzakacitika kunthazi? (Gen. 22:7-9; 1 Kor. 5:7; Fil. 2:8, 9)

Nkhani Nambara 15

Muwoli wa Loti Wakalaŵiska Kumanyuma

1. Nchifukwa wuli Abrahamu na Loti ŵakapatukana?

2. Nchifukwa wuli Loti wakasankha kukhala mu Sodomu?

3. Kasi ŵanthu ŵa mu Sodomu ŵakaŵa ŵa nkharo wuli?

4. Ni nchenjezgo wuli iyo ŵangelo ŵaŵiri ŵakapeleka kwa Loti?

5. Nchifukwa wuli muwoli wa Loti wakazgoka ciduli ca mucere?

6. Tikusambirapo vici pa nkhani ya muwoli wa Loti?

Mafumbo ghanyake:

1. Ŵazgani Genizesi 13:5-13.

   Pa nkhani ya kumazga mphindano pa ŵanthu, kasi tikusambirapo vici pa umo Abrahamu wakacitira? (Gen. 13:8, 9; Rom. 12:10; Fil. 2:3, 4)

2. Ŵazgani Genizesi 18:20-33.

   Kasi kumanya umo Yehova wakacitira na Abrahamu kukutipa wuli nkhongono kuti Yehova na Yesu ŵazamweruzga ŵanthu mwaurunji? (Gen. 18:25, 26; Mat. 25:31-33)

3. Ŵazgani Genizesi 19:1-29.

   1. Kasi lemba ili likulongora kuti Ciuta wakuwona wuli kugonana kwa ŵanalume pera panji ŵanakazi pera? (Gen. 19:5, 13; Lev. 20:13)

   2. Ni mphambano wuli iyo yilipo umo Abrahamu na Loti ŵakacitira na ulongozgi wa Ciuta, ndipo ise tikutorapo sambiro wuli? (Gen. 19:15, 16, 19, 20; 22:3)

4. Ŵazgani Luka 17:28-32.

   Kasi muwoli wa Loti wakawonanga wuli vinthu vyakuthupi, ndipo ni cenjezgo wuli ilo tikutorapo? (Luka 12:15; 17:31, 32; Mat. 6:19-21, 25)

5. Ŵazgani 2 Petrosi 2:6-8.

   Kuti tilondezge Loti, kasi ŵanthu awo ŵakuleka kusopa Ciuta tikwenera kuŵawona wuli? (Ezek. 9:4; 1 Yoh. 2:15-17)

Nkhani Nambara 16

Yisake Wakatora Mwanakazi Muwemi

1. Kasi mwanalume na mwanakazi awo ŵali pa cithuzithuzi apa mbanjani?

2. Kasi Abrahamu wakacitaci kuti wasangile mwana wake mwanakazi, cifukwa wuli?

3. Ni mwauli umo lurombo lwa muteŵeti wa Abrahamu lukazgolekera?

4. Kasi Rabeka wakazgora vici apo wakafumbika kuti watorane na Yisake?

5. Nchivici cikapangiska Yisake kuti waŵeso wakukondwa?

Mafumbo ghanyake:

1. Ŵazgani Genizesi 24:1-67.

   1. Ni mikhaliro wuli yiwemi iyo Rabeka wakalongora apo wakakumana na muteŵeti wa Abrahamu pa cisimi? (Gen. 24:17-20; Zinth. 31:17, 31)

   2. Kasi ni sambiro wuli ilo Ŵakhristu ŵakutorapo pa manozgero agho Abrahamu wakapangira Yisake? (Gen. 24:37, 38; 1 Kor. 7:39; 2 Kor. 6:14)

   3. Nchifukwa wuli tikwenera kupatura nyengo yakuti tilangulukire nga ni umo wakacitira Yisake? (Gen. 24:63; Sal. 77:12; Fil. 4:8)

Nkhani Nambara 17

Ŵana Ŵamuleza Awo Ŵakaŵa Ŵakupambana

1. Kasi Esau na Yakobe ŵakaŵa njani, ndipo ŵakaŵa ŵakupambana wuli?

2. Kasi Esau na Yakobe ŵakaŵa na vilimika vilinga apo asekuru ŵawo Abrahamu ŵakafwira?

3. Nchivici ico Esau wakacita ico cikakwiyiska anyina na awiske?

4. Nchifukwa wuli Esau wakakwiyira comene munung’una wake, Yakobe?

5. Mbulongozgi wuli uwo Yisake wakapeleka kwa mwana wake Yakobe?

Mafumbo ghanyake:

1. Ŵazgani Genizesi 25:5-11, 20-34.

   1. Kasi Yehova wakayowoya ucimi wuli wakukhwaskana na ŵana ŵaŵiri ŵa Rabeka? (Gen. 25:23)

   2. Ni mphambano wuli iyo yikaŵapo pakati pa Esau na Yakobe pa nkhani ya umo ŵakawoneranga uŵere panji ulara? (Gen. 25:31-34)

2. Ŵazgani Genizesi 26:34, 35; 27:1-46; 28:1-5..

   1. Ni mwauli umo Esau wakalongolera kuti wakuzirwiska yayi vinthu vyauzimu? (Gen. 26:34, 35; 27:46)

   2. Kuti Yakobe wapokere vitumbiko kwa Ciuta, Kasi Yisake wakamuphalira kuti wacite vici? (Gen. 28:1-4)

3. Ŵazgani Ŵahebere 12:16, 17.

   Mwakuyana na umo Esau wakacitira, nchivici ico cikucitika para munthu wakuyuyura vinthu vyakupatulika?

Nkhani Nambara 18

Yakobe Wakaluta ku Harani

1. Kasi msungwana uyo wali pa cithuzithuzi apa ninjani, kasi Yakobe wakamucitiraci?

2. Kasi Yakobe wakanweka kucitaci kuti watorane na Rakelo?

3. Kasi Labani wakacitaci apo nyengo yakuti Yakobe watorane na Rakelo yikakwana?

4. Kasi Yakobe wakazomera kucitaci kuti watore Rakelo kuŵa muwoli wake?

Mafumbo ghanyake:

1. Ŵazgani Genizesi 29:1-30.

   1. Nangauli Labani wakamupusika, ni mwauli umo Yakobe wakalongolera kuti ngwakuzika, ndipo tingatorapo sambiro wuli apa? (Gen. 25:27; 29:26-28; Mat. 5:37)

   2. Ni mwauli umo ciyelezgero ca Yakobe cikulongolera mphambano ya citemwa canadi na ca kuyegheka waka mtima? (Gen. 29:18, 20, 30; Sum. 8:6)

   3. Kasi mbanakazi mbani ŵanayi awo ŵakazgoka mbumba ya Yakobe ndipo pamanyuma pake ŵakamubabira ŵana? (Gen. 29:23, 24, 28, 29)

Nkhani Nambara 19

Yakobe Wakaŵa na Mbumba Yikuru

1. Kasi mazina gha ŵana ŵanalume ŵankhondi na yumoza ŵa Yakobe awo wakababa kwa muwoli wake wakwamba, Leya, ŵakaŵa njani?

2. Zunulani mazina gha ŵana ŵanalume ŵaŵiri ŵa Zipa, muteŵeti wa Leya uyo wakamupeleka kwa Yakobe.

3. Kasi mazina gha ŵana ŵanalume ŵa Biliha, muteŵeti wa Rakelo uyo wakamupeleka kwa Yakobe, ŵakaŵa njani?

4. Zunulani mazina gha ŵana ŵaŵiri ŵa Rakelo, kweni kasi cikacitika nchivici apo mwana mwanalume waciŵiri wakababika?

5. Nga ni umo mukuwonera pa cithuzithuzi, kasi Yakobe wakaŵa na ŵana ŵanalume ŵalinga, ndipo nchivici cikafuma mwa iwo?

Mafumbo ghanyake:

1. Ŵazgani Genizesi 29:32-35; 30:1-26; 35:16-19.

   Nga ni umo vyalongolekera na ŵana ŵanalume 12 ŵa Yakobe, ni mwauli umo ŵanyamata Ŵacihebere kale ŵakathyikiranga mazina?

2. Ŵazgani Genizesi 37:35.

   Nangauli ni Dina pera uyo wakuzunulika mu Baibolo, tikumanya wuli kuti Yakobe wakaŵa na ŵana ŵasungwana ŵanandi? (Gen. 37:34, 35)

Nkhani Nambara 20

Dina Wakanjira mu Suzgo

1. Nchifukwa wuli Abrahamu na Yisake ŵakatemwa yayi kuti ŵana ŵawo ŵatorane na ŵanthu ŵa caru ca Kenani?

2. Kasi Yakobe wakazomerezga kuti ŵana ŵake ŵasungwana ŵakorane ubwezi na ŵasungwana ŵa ku Kenani?

3. Kasi zina la mwanalume uyo wakulaŵiska Dina pa cithuzithuzi apa ninjani, nchivici ciheni ico wakacita?

4. Nchivici ico ŵadumbu ŵa Dina, Simiyoni na Levi, ŵakacita ŵakati ŵapulika ico cikacitika?

5. Kasi Yakobe wakakolerana na ivyo Simiyoni na Levi ŵakacita?

6. Ni mwauli umo masuzgo agho ghakawira mbumba iyi ghakayambira?

Mafumbo ghanyake:

1. Ŵazgani Genizesi 34:1-31.

   1. Kasi Dina wakacezga na ŵana ŵanakazi ŵa mu caru ca Kenani kamoza pera? Longosorani. (Gen. 34:1)

   2. Nchifukwa wuli tingayowoya kuti Dina wakawunangira dala umwali wake? (Gal. 6:7)

   3. Kasi ŵawukirano lero ŵakusambirapo nchenjezgo wuli pa ivyo Dina wakacita? (Zinth. 13:20; 1 Kor. 15:33; 1 Yoh. 5:19)

Nkhani Nambara 21

Yosefe Wakatinkhika na Ŵakuru Ŵake

1. Nchifukwa wuli ŵakuru ŵa Yosefe ŵakamucitiranga sanji, ndipo ŵakacitaci?

2. Kasi ŵakuru ŵa Yosefe ŵakakhumbanga kumucitiraci, kweni Rubeni wakayowoyaci?

3. Nchivici cikacitika apo ŵanthu ŵamalonda, Ŵaishimayeli, ŵakajumphanga?

4. Nchivici ico ŵakuru ŵa Yosefe ŵakacita kuti awiskewo ŵaghanaghane kuti Yosefe wafwa?

Mafumbo ghanyake:

1. Ŵazgani Genizesi 37:1-35.

   1. Ni mwauli umo Ŵakhristu ŵangalondezgera ivyo Yosefe wakacita mwakuphara ku mpingo kacitiro kaheni? (Gen. 37:2; Lev. 5:1; 1 Kor. 1:11)

   2. Nchifukwa wuli ŵakuru ŵa Yosefe ŵakamucitira ciŵembu? (Gen. 37:11, 18; Zinth. 27:4; Yak. 3:14-16)

   3. Nkhacitiro wuli ako Yakobe wakacita ako kanandi ŵanthu ŵakucita pakulira? (Gen. 37:35)

Nkhani Nambara 22

Yosefe Wakaŵikika mu Jere

1. Kasi Yosefe wakaŵa na vilimika vilinga apo wakatolekera ku Egupto, nchivici cikacitika wati wafika?

2. Ni mwauli umo Yosefe wakaŵikikira mu jere?

3. Ni udindo wuli uwo Yosefe wakapika mu jere?

4. Apo wakaŵa mu jere, nchivici ico Yosefe wakacitira wakupelekera nkhombo na wakuphika wa Faro?

5. Nchivici cikacitika apo wakupelekera nkhombo wati wafumiskika mu jere?

Mafumbo ghanyake:

1. Ŵazgani Genizesi 39:1-23.

   Pakuti pa nyengo ya Yosefe kukaŵavya dango lakulembeka la Ciuta lakukanizga uleŵi, nchivici cikamupangiska kuti wacimbire muwoli wa Potifara? (Gen. 2:24; 20:3; 39:9)

2. Ŵazgani Genizesi 40:1-23.

   1. Longosorani mwakudumura maloto gha wakupelekera nkhombo na ng’anamuro lake ilo Yehova wakapeleka kwa Yosefe. (Gen. 40:9-13)

   2. Kasi wakuphika wakalota vici, ndipo ng’anamuro lake likaŵa vici? (Gen. 40:16-19)

   3. Ni mwauli umo gulu la muzga wamagomezgeko na wa vinjeru lalondezgera kacitiro ka vinthu ka Yosefe? (Gen. 40:8; Sal. 36:9; Yoh. 17:17; Mil. 17:2, 3)

   4. Ni mwauli umo lemba la Genizesi 40:20 likovwilira Ŵakhristu umo ŵakwenera kuwonera vikondwelero vya mazuŵa ghakubabikira? (Muph. 7:1; Mrk. 6:21-28)

Nkhani Nambara 23

Maloto gha Faro

1. Nchivici cikacitikira Faro usiku unyake?

2. Nchifukwa wuli wakupelekera nkhombo wakakumbukira Yosefe pakati pajumpha nyengo yitali?

3. Nga ni umo mukuwonekera pa cithuzithuzi, ni maloto wuli ghaŵiri agho Faro wakalota?

4. Kasi Yosefe wakati maloto ghakang’anamuranga vici?

5. Ni mwauli umo Yosefe wakaŵira munthu wakuzirwa comene mu Egupto mwakuti waŵe waciŵiri kwa Faro?

6. Nchifukwa wuli ŵakuru ŵa Yosefe ŵakiza ku Egupto, ndipo ŵakatondekeraci kumumanya?

7. Ni loto wuli ilo Yosefe wakakumbukira, ndipo likamovwira kumanya vici?

Mafumbo ghanyake:

1. Ŵazgani Genizesi 41:1-57.

   1. Ni mwauli umo Yosefe wakazirwiskira Ciuta, ndipo ni mu nthowa wuli iyo Ŵakhristu lero ŵangalondezgera ciyelezgero cake? (Gen. 41:16, 25, 28; Mat. 5:16; 1 Pet. 2:12)

   2. Ni mwauli umo vilimika vya vyakurya vinandi ndipo pamanyuma pake vilimika vya njala ku Egupto vikuwoneskera mphambano iyo yili pa umoyo wauzimu wa ŵanthu ŵa Yehova lero na Cikhristu cautesi? (Gen. 41:29, 30; Am. 8:11, 12)

2. Ŵazgani Genizesi 42:1-8 na 50:20.

   Kasi nchiheni kuti ŵateŵeti ŵa Yehova ŵasindamirenge munthu cifukwa ca udindo uwo wali nawo usange mutheto wa caru ndimo wuliri? (Gen. 42:6)

Nkhani Nambara 24

Yosefe Wakayezga Ŵabali Ŵake

1. Nchifukwa wuli Yosefe wakaphalira ŵakuru ŵake kuti ni mphaci?

2. Nchifukwa wuli Yakobe wakazomerezga Benjamini, mwana wake mucoko comene, kuti walute ku Egupto?

3. Ni mwauli umo nkhombo ya Yosefe yikasangikira mu thumba la Benjamini?

4. Kasi Yuda wakayowoya vici kuti Benjamini waleke kuŵikika mu gadi?

5. Kasi ŵakuru ŵa Yosefe ŵakasintha nadi nkharo yawo?

Mafumbo ghanyake:

1. Ŵazgani Genizesi 42:9-38.

   Ni mwauli umo mazgu agho Yosefe wakayowoya pa Genizesi 42:18 ghaliri ciyelezgero ciwemi ku ŵanthu awo ŵali na udindo mu gulu la Yehova lero? (Neh. 5:15; 2 Kor. 7:1, 2)

2. Ŵazgani Genizesi 43:1-34.

   1. Nangauli Rubeni ndiyo wakaŵa wakwamba kubabika, nchifukwa wuli Yuda ndiyo wakayowoyeranga ŵabali ŵake? (Gen. 43:3, 8, 9; 44:14, 18; 1 Mid. 5:2)

   2. Ni mwauli umo Yosefe wakayezgera ŵakuru ŵake, ndipo cifukwa wuli? (Gen. 43:33, 34)

3. Ŵazgani Genizesi 44:1-34.

   1. Pakuti wakacita njomba kuti ŵakuru ŵake ŵaleke kumumanya, ni mwauli umo Yosefe wakajivumbulira? (Gen. 44:5, 15; Lev. 19:26)

   2. Ni mwauli umo ŵakuru ŵa Yosefe ŵakalongolera kuti ŵasintha mtima uheni uwo ŵakaŵa nawo pakwamba kulazga kwa munung’una wawo? (Gen. 44:13, 33, 34)

Nkhani Nambara 25

Mbumba Yikasamukira ku Egupto

1. Nchivici cikacitika apo Yosefe wakajivumbura?

2. Nchivici ico Yosefe wakalongosora mwacitemwa ku ŵabali ŵake?

3. Kasi Faro wakayowoyaci apo wakapulika kuti ŵabali ŵa Yosefe ŵiza?

4. Kasi mbumba ya Yakobe yikaŵa yikuru wuli apo yikasamukiranga ku Egupto?

5. Kasi mbumba ya Yakobe yikacemekanga vici, ndipo cifukwa wuli?

Mafumbo ghanyake:

1. Ŵazgani Genizesi 45:1-28.

   Ni mwauli umo nkhani ya mu Baibolo ya Yosefe yikulongolera kuti Yehova wangasintha ulwani wa ŵateŵeti ŵake na kuzgoka cinthu ciwemi? (Gen. 45:5-8; Yes. 8:10; Fil. 1:12-14)

2. Ŵazgani Genizesi 46:1-27.

   Kasi Yehova wakamusimikizgira wuli Yakobe apo wakalutanga ku Egupto? (Gen. 46:1-4)

Nkhani Nambara 26

Yobu Wakaŵa Wakugomezgeka kwa Ciuta

1. Kasi Yobu wakaŵa njani?

2. Nchivici ico Satana wakayezga kumucitira, kweni kasi wakafiska cilato cake?

3. Kasi Yehova wakazomerezga Satana kuti waciteci, ndipo cifukwa wuli?

4. Nchifukwa wuli muwoli wa Yobu wakamuphalira kuti “tuka Ciuta, ufwe”? (Wonani cithuzithuzi.)

5. Nga ni umo mukuwonera pa cithuzithuzi caciŵiri, ni mwauli umo Yehova wakatumbikira Yobu, ndipo cifukwa wuli?

6. Usange nase tingaŵa ŵakugomezgeka kwa Yehova nga ni umo wakacitira Yobu, kasi ni vitumbiko wuli ivyo tizamupokera?

Mafumbo ghanyake:

1. Ŵazgani Yobu 1:1-22.

   Ni mwauli umo Ŵakhristu lero ŵangalondezgera Yobu? (Yobu 1:1; Fil. 2:15; 2 Pet. 3:14)

2. Ŵazgani Yobu 2:1-13.

   Ni mu nthowa wuli ziŵiri izo Yobu wakapambanirana na muwoli wake pa nthambuzgo iyo Satana wakiziska? (Yobu 2:9, 10; Zinth. 19:3; Mika 7:7; Mal. 3:14)

3. Ŵazgani Yobu 42:10-17.

   1. Nkhuyana wuli uko kulipo pa vyawanangwa ivyo Yobu na Yesu ŵakapokera cifukwa ca kugomezgeka kwawo? (Yobu 42:12; Fil. 2:9-11)

   2. Kasi tikukhozgeka wuli na vitumbiko ivyo Yobu wakapokera cifukwa ca kugomezgeka kwa Ciuta? (Yobu 42:10, 12; Heb. 6:10; Yak. 1:2-4, 12; 5:11)

Nkhani Nambara 27

Fumu Yiheni Yikawusa Egupto

1. Pa cithuzithuzi apa, ni njani uyo wali na luswazu, ndipo wakuthyapula njani?

2. Yosefe wati wafwa, nchivici cikacitikira Ŵaisrayeli?

3. Nchifukwa wuli Ŵaeguputo ŵakacita wofi na Ŵaisrayeli?

4. Ni dango wuli ilo Faro wakapeleka ku ŵanakazi awo ŵakovwilanga ŵanakazi Ŵaciisrayeli pakubaba ŵana?

Mafumbo ghanyake:

1. Ŵazgani Ekisodo 1:6-22.

   1. Ni mwauli umo Yehova wakayambira kufiska phangano lake kwa Abrahamu? (Eks. 1:7; Gen. 12:2; Mil. 7:17)

   2. Ni mwauli umo ŵanakazi Ŵacihebere awo ŵakovwilanga ŵanyawo pa kubaba ŵana ŵakazirwiskira umoyo? (Eks. 1:17; Gen. 9:6)

   3. Ni mwauli umo Yehova wakatumbikira ŵanakazi awo ŵakawovwiranga ŵanyawo pa kubaba cifukwa ca kugomezgeka kwawo? (Eks. 1:20, 21; Zinth. 19:17)

   4. Ni mwauli umo Satana wakati watimbanizgire cilato ca Yehova cakukhwaskana na Mphapu ya Abrahamu iyo yikalayizgika? (Eks. 1:22; Mat. 2:16)

Nkhani Nambara 28

Umo Mozesi Wakaponera Apo Wakaŵa Bonda

1. Kasi bonda uyo wali pa cithuzithuzi apa ninjani, ndipo wavumbatira munwe wa njani?

2. Nchivici ico anyina Mozesi ŵakacita kuti ŵamuthaske?

3. Kasi kasungwana ako kali pa cithuzithuzi apa nkhanjani, ndipo kakacitaci?

4. Apo mwana mwanakazi wa Faro wakati wawona bonda, kasi Miriyamu wakasacizgaci?

5. Kasi mwana mwanakazi wa Faro wakaphalira vici anyina Mozesi?

Mafumbo ghanyake:

1. Ŵazgani Ekisodo 2:1-10.

   Ni mwaŵi wuli wakusambizga uwo anyina Mozesi ŵakaŵa nawo, kasi kacitiro aka kakupeleka ciyelezgero wuli ku ŵapapi lero? (Eks. 2:9, 10; Dute. 6:6-9; Zinth. 22:6; Efe. 6:4; 2 Tim. 3:15)

Nkhani Nambara 29

Cifukwa Ico Mozesi Wakacimbilira

1. Kasi Mozesi wakakulira nkhu, ndipo wakamanya vici za ŵapapi ŵake?

2. Kasi Mozesi wakacitaci apo wakaŵa na vilimika 40?

3. Kasi Mozesi wakayowoyaci kwa mwanalume Muisrayeli uyo wakatimbanga munyake, kasi mwanalume yura wakazgoraci?

4. Nchifukwa wuli Mozesi wakacimbira ku Egupto?

5. Kasi Mozesi wakacimbilira nkhu, ndipo wakakumana na njani uko wakaluta?

6. Kasi Mozesi wakacitangaci mu nyengo ya vilimika 40 wati wacimbira ku Egupto?

Mafumbo ghanyake

1. Ŵazgani Ekisodo 2:11-25.

   Nangauli wakasambizgika vinjeru vya Ŵaeguputo, ni mwauli umo Mozesi wakalongolera kugomezgeka kwa Yehova na ku ŵanthu ŵakwake? (Eks. 2:11, 12; Heb. 11:24)

2. Ŵazgani Milimo 7:22-29.

   Ni sambiro wuli ilo tingatorapo pa umo Mozesi wakayezgera mwa iyo yekha kuponoska Ŵaisrayeli ku wuzga wakucitika na Ŵaeguputo? (Mil. 7:23-25; 1 Pet. 5:6, 10)

Nkhani Nambara 30

Civwati Ico Cikagolera Moto

1. Kasi zina la phiri ilo liri pa cithuzithuzi apa ni vici?

2. Longosorani cinthu cakuzizwiska ico Mozesi wakawona apo wakaŵa ku phiri na mberere zake.

3. Kasi ni mazgu wuli agho ghakafuma mu Chivwati ico cikagoleranga moto, ndipo ghakaŵa gha njani?

4. Kasi Mozesi wakazgora vici apo Ciuta wakamutuma kuti wafumiske ŵanthu ŵa Ciuta mu Egupto?

5. Kasi Ciuta wakaphalira Mozesi kuti wakayowoye vici usange ŵanthu ŵamufumbenge kuti watumika na njani?

6. Ni mwauli umo Mozesi wakeneranga kulongolera kuti watumika nadi na Ciuta?

Mafumbo ghanyake:

1. Ŵazgani Ekisodo 3:1-22.

   Ni mwauli umo ivyo Mozesi wakakumana navyo vikutipira nkhongono kuti nangauli tingajiwona ŵakupeleŵera kucita milimo ya Ciuta, kweni Yehova watovwirenge? (Eks. 3:11, 13; 2 Kor. 3:5, 6)

2. Ŵazgani Ekisodo 4:1-20.

   1. Ni mwauli umo kawonero ka vinthu ka Mozesi kakasinthira mu vilimika 40 ivyo wakakhala ku Midiyani, ndipo ni sambiro wuli ilo ŵanalume awo ŵakunweka kuŵa na maudindo mu mpingo ŵangasambirapo? (Eks. 2:11, 12; 4:10, 13; Mika 6:8; 1 Tim. 3:1, 6, 10)

   2. Nangauli tingapokera cilango kwa Yehova kwizira mu gulu lake, tingaŵa na cisimikizgo wuli kwizira mu ciyelezgero ca Mozesi? (Eks. 4:12-14; Sal. 103:14; Heb. 12:4-11)

Nkhani Nambara 31

Mozesi na Aroni Ŵakawonana na Faro

1. Kasi Ŵaisrayeli ŵakacita wuli ŵati ŵawona minthondwe iyo Mozesi na Aroni ŵakacita?

2. Kasi Mozesi na Aroni ŵakamuphaliraci Faro, ndipo wakaŵazgora vici?

3. Nga ni umo cithuzithuzi cikulongolera, kasi cikacitika nchivici apo Aroni wakaponya pasi ndodo yake?

4. Ni mwauli umo Yehova wakasambizgira Faro, ndipo Faro wakacitapoci?

5. Nchivici cikacitika pamanyuma pa cilengo ca nambara 10?

Mafumbo ghanyake:

1. Ŵazgani Ekisodo 4:27-31 na 5:1-23.

   Kasi Faro wakang’anamurangaci apo wakati: ‘Nkhumumanya Yehova cara’? (Eks. 5:2; 1 Sam. 2:12; Rom. 1:21)

2. Ŵazgani Ekisodo 6:1-13, 26-30.

   1. Ni mwauli umo Yehova wakalekera kujivumbura kwa Abrahamu, Yisake na Yakobe? (Eks. 3:13, 14; 6:3; Gen. 12:8)

   2. Kasi tikujipulika wuli kumanya kuti Yehova wakatuma Mozesi nangauli Mozesi wakajiwona kuŵa wambura kwenelera kucita mulimo uwo wakapika? (Eks. 6:12, 30; Luka 21:13-15)

3. Ŵazgani Ekisodo 7:1-13.

   1. Apo Mozesi na Aroni ŵakayowoya mwacikanga ivyo Yehova wakaŵatuma kwa Faro, kasi nchiyelezgero wuli ico ŵakapeleka ku ŵateŵeti ŵa Ciuta lero? (Eks. 7:2, 3, 6; Mil. 4:29-31)

   2. Ni mwauli umo Yehova wakalongolera nkhongono zake zikuru pa ŵaciuta ŵa Egupto? (Eks. 7:12; 1 Mid. 29:12)

Nkhani Nambara 32

Vilengo 10

1. Mwakulaŵiska vithuzithuzi ivyo vili apa, longosorani vilengo vitatu vyakwambilira ivyo Yehova wakiziska mu Egupto.

2. Ni mphambano wuli iyo yikaŵapo pakati pa vilengo vitatu vyakwambilira na vinyake vyose?

3. Kasi cilengo cacinayi, cacinkhondi na cinkhondi na cimoza cikaŵa vici?

4. Longosorani cilengo cacinkhondi na ciŵiri, cacinkhondi na citatu na cacinkhondi na cinayi.

5. Kasi Yehova wakaphalira Ŵaisrayeli kuti ŵacite vici pambere cilengo ca nambara 10 cikaŵa cindacitike?

6. Kasi cilengo ca nambara 10 cikaŵa vici, ndipo nchivici cikacitika pamanyuma pake?

Mafumbo ghanyake:

1. Ŵazgani Ekisodo 7:19–8:23.

   1. Nangauli ng’anga panji ŵanthu ŵavinjeru ŵa ku Egupto nawo ŵakacita minthondwe yiŵiri yakwambilira, kweni pamanyuma pa cilengo cacitatu ŵakamanya vici? (Eks. 8:18, 19; Mat. 12:24-28)

   2. Ni mwauli umo cilengo cacinayi cikalongolera kuti Yehova wali na nkhongono zakuvikilira ŵanthu ŵake, ndipo kasi ŵanthu ŵa Ciuta ŵakwenera kujipulika wuli kumanya fundo iyi peneapo ŵakumanenge na “cisuzgo cikuru”? (Eks. 8:22, 23; Chiv. 7:13, 14; 2 Mid. 16:9)

2. Ŵazgani Ekisodo 8:24; 9:3, 6, 10, 11, 14, 16, 23-25; na 10:13-15, 21-23.

   1. Ni magulu ghaŵiri ngani agho vyakucita vyawo vikamanyikwa na Vilengo Khumi vira, ndipo ni mwauli umo ise tikwenera kuwonera magulu agha lero? (Eks. 8:10, 18, 19; 9:14)

   2. Ni mwauli umo lemba la Ekisodo 9:16 likutovwilira kumanya cifukwa ico Yehova wazomelezgera Satana kuŵapo mupaka sono? (Rom. 9:21, 22)

3. Ŵazgani Ekisodo 12:21-32.

   Ni mwauli umo Paska yikaponoskera ŵanthu ŵanandi, ndipo Paska yira yikaŵa cithuzithuzi ca vici? (Eks. 12:21-23; Yoh. 1:29; Rom. 5:18, 19, 21; 1 Kor. 5:7)

Nkhani Nambara 33

Kwambuka Nyanja Yiswesi

1. Kasi pakaŵa ŵanalume, ŵanakazi na ŵana ŵalinga Ŵaisrayeli awo ŵakafuma mu Egupto, ndipo mbanjaniso awo ŵakafuma?

2. Kasi Faro wakajipulika wuli apo wakazomerezga Ŵaisrayeli kuluta, ndipo wakacitaci?

3. Kasi Yehova wakacitaci kuti watondeske Ŵaegupto kutimba ŵanthu ŵake?

4. Nchivici cikacitika apo Mozesi wakanyoloskera ndodo yake pa Nyanja Yiswesi, ndipo Ŵaisrayeli ŵakacitaci?

5. Nchivici cikacitika apo Ŵaegupto ŵakanjira luŵiroluŵiro mu nyanja apo Ŵaisrayeli ŵakati ŵambuka?

6. Ni mwauli umo Ŵaisrayeli ŵakalongolera kuti ŵakondwa na kuwonga kuti Yehova waŵaponoska?

Mafumbo ghanyake:

1. Ŵazgani Ekisodo 12:33-36.

   Ni mwauli umo Yehova wakacitira kuti ŵanthu ŵake ŵalipirike kwa vilimika vyose ivyo ŵakaŵa ŵazga ŵa Ŵaegupto? (Eks. 3:21, 22; 12:35, 36)

2. Ŵazgani Ekisodo 14:1-31.

   Ni mwauli umo mazgu gha Mozesi agho ghakusangika pa Ekisodo 14:13, 14 ghakukhwaskira ŵateŵeti ŵa Yehova lero peneapo ŵakulindizga nkhondo ya Haramagedoni? (2 Mid. 20:17; Sal. 91:8)

3. Ŵazgani Ekisodo 15:1-8, 20, 21.

   1. Nchifukwa wuli ŵateŵeti ŵa Yehova ŵakwenera kumwimbira sumu zamalumbo? (Eks. 15:1, 2; Sal. 105:2, 3; Chiv. 15:3, 4)

   2. Nchiyelezgero wuli ca kupeleka malumbo kwa Yehova ico Miriyamu na ŵanakazi ŵanyake ŵakacita pa Nyanja Yiswesi ico ŵanakazi Ŵacikhristu ŵangasambirako lero? (Eks. 15:20, 21; Sal. 68:11)

Nkhani Nambara 34

Mtundu Wuphya wa Cakurya

1. Nchivici ico ŵanthu ŵakusora pa cithuzithuzi apa, ndipo cikucemeka Chivici?

2. Ni ulongozgi wuli uwo Mozesi wakapeleka wakukhwaskana na kasolero ka mana?

3. Nchivici ico Yehova wakaphalira ŵanthu kuti ŵacite pa zuŵa la cinkhondi na cimoza (6), ndipo cifukwa wuli?

4. Ni munthondwe wuli uwo Yehova wakacita para mana ghasungika mupaka pa zuŵa la cinkhondi na ciŵiri?

5. Nkhwa utali wuli uwo Yehova wakaryeska ŵanthu mana?

Mafumbo ghanyake:

1. Ŵazgani Ekisodo 16:1-36 na Maŵazgo 11:7-9.

   1. Ni mwauli umo lemba la Ekisodo 16:8 likulongolera kukhumbikwa kwa kucindika ŵanthu ŵakwimikika mu mpingo wa Cikhristu? (Heb. 13:17)

   2. Ni mwauli umo mu mapopa Ŵaisrayeli ŵakakumbuskikira mwakuwelezgawelezga kuti zuŵa lililose ŵagomezgenge Yehova? (Eks. 16:14-16, 35; Dute. 8:2, 3)

   3. Kasi Yesu wakati mana ghakwimira vici, ndipo ni mwauli umo tikwandulira na “cingwa cakufuma kucanya”? (Yoh. 6:31-35, 40)

2. Ŵazgani Joshua 5:10-12.

   Kasi Ŵaisrayeli ŵakarya mana kwa vilimika vilinga, ni mwauli umo ici cikaŵira ciyezgo kwa iwo, ndipo tikusambirapoci pa nkhani iyi? (Eks. 16:35; Maŵa. 11:4-6; 1 Kor. 10:10, 11)

Nkhani Nambara 35

Yehova Wakapeleka Malango Ghake

1. Pakati pajumpha myezi yiŵiri ŵati ŵafuma mu Egupto, kasi Ŵaisrayeli ŵakafika mphani?

2. Kasi Yehova wakakhumba kuti ŵanthu ŵacite vici, ndipo iwo ŵakazgora wuli?

3. Nchifukwa wuli Yehova wakapa Mozesi malibwe ghakupapatara ghaŵiri?

4. Kupatura pa Malango Khumi, ni malango wuli ghanyake agho Yehova wakapeleka ku Ŵaisrayeli?

5. Ni malango ghaŵiri ngani agho Yesu wakati ngakuru comene?

Mafumbo ghanyake:

1. Ŵazgani Ekisodo 19:1-25; 20:1-21; 24:12-18; na 31:18.

   Ni mwauli umo lemba la Ekisodo 19:8 likutovwilira kupulikiska ng’anamuro la kujipatulira kwa Cikhristu? (Mat. 16:24; 1 Pet. 4:1-3)

2. Ŵazgani Duteronome 6:4-6; Leviticus 19:18; na Mateyu 22:36-40.

   Ni mwauli umo Ŵakhristu ŵakulongolera citemwa kwa Ciuta na ku ŵanyawo? (Mrk. 6:34; Mil. 4:20; Rom. 15:2)

Nkhani Nambara 36

Tholi la Golide

1. Kasi ŵanthu ŵakucitaci pa cithuzithuzi apa, ndipo cifukwa wuli?

2. Nchifukwa wuli Yehova wakakwiya, ndipo Mozesi wakacitaci apo wakati wawona ico ŵanthu ŵakacitanga?

3. Kasi Mozesi wakaphalira ŵanalume ŵanyake kuti ŵaciteci?

4. Tikusambiramo vici mu nkhani iyi?

Mafumbo ghanyake:

1. Ŵazgani Ekisodo 32:1-35.

   1. Ni mwauli umo Yehova wakuwonera kusazga cisopo cautesi na caunenesko? (Eks. 32:4-6, 10; 1 Kor. 10:7, 11)

   2. Kasi Ŵakhristu ŵakwenera kucenjera na vici apo ŵakusankha vyakusanguluska, vya nga ni kwimba na kuvina? (Eks. 32:18, 19; Efe. 5:15, 16; 1 Yoh. 2:15-17)

   3. Kasi mtundu wa Levi ukalongora ciyelezgero ciwemi wuli pakucita urunji? (Eks. 32:25-28; Sal. 18:25)

Nkhani Nambara 37

Cihema Cakusopelamo

1. Kasi cithuzithuzi ico cili apa nchivici, ndipo nchito yake yikaŵa vici?

2. Nchifukwa wuli Yehova wakaphalira Mozesi kuti wapange cihema cakuti ciyeyekenge mwambura kusuzga?

3. Kasi bokosi ilo liri mu cipinda cicoko ico cili kuumaliro wa cihema likucemeka vici, ndipo mukati mwake muli vici?

4. Kasi Yehova wakasankha njani kuŵa musofi mukuru, ndipo nchito yake yikaŵa vici?

5. Zunurani vinthu vitatu ivyo vikaŵa mu cipinda cikuru ca mu cihema.

6. Ni vinthu wuli viŵiri ivyo vili mu luŵaza lwa cihema, ndipo nchito yake yikaŵa vici?

Mafumbo ghanyake:

1. Ŵazgani Ekisodo 25:8-40; 26:1-37; 27:1-8; na 28:1.

   Kasi ŵakerubi awo ŵakaŵa pa “likasa la ukaboni” ŵakimilanga vici? (Eks. 25:20, 22; Maŵa. 7:89; 2 Mathe. 19:15)

2. Ŵazgani Ekisodo 30:1-10, 17-21; 34:1, 2; na Ŵahebere 9:1-5.

   1. Nchifukwa wuli Yehova wakazirwiska comene dango lakuti ŵasofi awo ŵakateŵeteranga pa cihema ŵakeneranga kugeza, ndipo fundo iyi yikwenera kutikhwaska wuli lero? (Eks. 30:18-21; 40:30, 31; Heb. 10:22)

   2. Ni mwauli umo mpositole Paulosi wakalongolera kuti cihema na phangano la Dango vikaŵa vyaleka kugwira nchito pa nyengo iyo wakaŵalemberanga kalata Ŵakhristu Ŵacihebere? (Heb. 9:1, 9; 10:1)

Nkhani Nambara 38

Mphaci 12

1. Kasi mukungwi wa mpheska uwo wuli pa cithuzithuzi apa ukuwoneka mbu, ndipo wafuma nkhu?

2. Nchifukwa wuli Mozesi wakatuma mphaci 12 kuti zilute ku caru ca Kenani?

3. Kasi mphaci 10 zikati zawerako zikamuphalira vici Mozesi?

4. Ni mwauli umo mphaci ziŵiri zikalongolera kuti zikugomezga Yehova, ndipo mazina ghawo ghakaŵa njani?

5. Nchifukwa wuli Yehova wakakwiya, ndipo wakamuphaliraci Mozesi?

Mafumbo ghanyake:

1. Ŵazgani Maŵazgo 13:1-33.

   1. Kasi mbanjani awo ŵakasankhika kukawona caru, ndipo ŵakaŵa na mwaŵi wuli? (Maŵa. 13:2, 3, 18-20)

   2. Nchifukwa wuli kawonero ka vinthu ka Yoswa na Kalebi kakaŵa kakupambana na mphaci zinyake, ndipo ici cikutisambizga vici? (Maŵa. 13:28-30; Mat. 17:20; 2 Kor. 5:7)

2. Ŵazgani Maŵazgo 14:1-38.

   1. Nchifukwa wuli tikwenera tileke kunyunyutira panji kudinginyikira ŵanthu awo Yehova waŵasankha? (Maŵa. 14:2, 3, 27; Mat. 25:40, 45; 1 Kor. 10:10)

   2. Ni mwauli umo lemba la Maŵazgo 14:24 likulongolera kuti Yehova wakukondweskeka na muteŵeti wake waliyose? (1 Mathe. 19:18; Zinth. 15:3)

Nkhani Nambara 39

Ndodo ya Aroni Yikazota Maluŵa

1. Mbanjani ŵakagalukira Mozesi na Aroni, ndipo ŵakayowoyaci kwa Mozesi?

2. Kasi Mozesi wakaphalira vici Kora na ŵanthu awo ŵakakolerana nayo ŵakukwana 250?

3. Kasi Mozesi wakaŵaphalira vici ŵanthu, ndipo nchivici cikacitika wakati wamara waka kuyowoya?

4. Nchivici cikacitikira Kora na awo ŵakakolerana nayo ŵakukwana 250?

5. Nchivici ico Eliyazara, mwana wa Aroni, wakacita na mbale zakusunkhizgiramo za ŵanalume ŵara, ndipo cifukwa wuli?

6. Nchifukwa wuli Yehova wakapangiska ndodo ya Aroni kuzota maluŵa? (Wonani cithuzithuzi.)

Mafumbo ghanyake:

1. Ŵazgani Maŵazgo 16:1-49.

   1. Nchivici ico Kora na ŵabwezi ŵake ŵakacita, ndipo nchifukwa wuli kacitiro kawo kakaŵa kakugarukira Yehova? (Maŵa. 16:9, 10, 18; Lev. 10:1, 2; Zinth. 11:2)

   2. Nkhawonero wuli kaheni ka vinthu ako Kora na ŵanthu ŵakukwana 250 awo ŵakaŵa “ŵakaronga ŵa ciwuru” ŵakaŵa nako? (Maŵa. 16:1-3; Zinth. 15:33; Yes. 49:7)

2. Ŵazgani Maŵazgo 17:1-11 na 26:10.

   1. Kasi kuzota maluŵa uko ndodo ya Aroni yikacita kukalongoraci, ndipo nchifukwa wuli Yehova wakalangura kuti yiŵikike mu cihema? (Maŵa. 17:5, 8, 10)

   2. Ni sambiro wuli lakuzirwa ilo tingasambirapo pa cimanyikwiro ca ndodo ya Aroni? (Maŵa. 17:10; Mil. 20:28; Fil. 2:14; Heb. 13:17)

Nkhani Nambara 40

Mozesi Wakatimba Jarawe

1. Ni mwauli umo Yehova wakapwelelera Ŵaisrayeli apo ŵakaŵa mu mapopa?

2. Kasi Ŵaisrayeli ŵakadandawura vici apo ŵakaŵa pa Kadeshi?

3. Ni mwauli umo Yehova wakapelekera maji ku ŵanthu na viŵeto?

4. Ninjani uyo wakujilongora pa cithuzithuzi apa, ndipo nchifukwa wuli wakucita nthena?

5. Nchifukwa wuli Yehova wakakwiyira Mozesi na Aroni, ndipo ŵakapika cilango wuli?

6. Nchivici cikacitika pa Phiri la Horu, ndipo ninjani uyo sono wakaŵa musofi mukuru wa Israyeli?

Mafumbo ghanyake:

1. Ŵazgani Maŵazgo 20:1-13, 22-29 na Duteronome 29:5.

   1. Kasi tikusambirapo vici pa umo Yehova wakapwelelera Ŵaisrayeli mu mapopa? (Dute. 29:5; Mat. 6:31; Heb. 13:5; Yak. 1:17)

   2. Ni mwauli umo Yehova wakawonera kutondeka kwa Mozesi na Aroni kuti ŵamucindike pamaso pa Ŵaisrayeli? (Maŵa. 20:12; 1 Kor. 10:12; Chiv. 4:11)

   3. Ni sambiro wuli ilo tikutorapo pa umo Mozesi wakacitira na cilango ico wakapokera kwa Yehova? (Maŵa. 12:3; 20:12, 27, 28; Dute. 32:4; Heb. 12:7-11)

Nkhani Nambara 41

Njoka ya Mkuŵa

1. Pa cithuzithuzi apa, nchivici ico cazingilizga khuni, nchifukwa wuli Yehova wakaphalira Mozesi kuti wayiŵike apa?

2. Ni mwauli umo ŵanthu ŵakalongolera kuti ŵakuwonga yayi vyose ivyo Ciuta wakaŵacitiranga?

3. Kasi ŵanthu ŵakamuphaliraci Mozesi apo Yehova wakati watuma njoka kuti ziŵalume?

4. Nchifukwa wuli Yehova wakaphalira Mozesi kuti wapange njoka ya mkuŵa?

5. Ni sambiro wuli ilo tingatorapo mu nkhani yino?

Mafumbo ghanyake:

1. Ŵazgani Maŵazgo 21:4-9.

   1. Ni cenjezgo wuli ilo ise tikutorapo pa kudinginyika kwa Ŵaisrayeli cifukwa ca vinthu ivyo Yehova wakaŵapa? (Maŵa. 21:5, 6; Rom. 2:4)

   2. Vilimika vinandi vikati vyajumphapo, ni mwauli umo Ŵaisrayeli ŵakagwiliskiranga nchito njoka ya mkuŵa, ndipo kasi Fumu Hezekiya wakacita nayo vici? (Maŵa. 21:9; 2 Mathe. 18:1-4)

2. Ŵazgani Yohane 3:14, 15.

   Ni mwauli umo kuŵika njoka ya mkuŵa pa khuni kukacitira cithuzithuzi kupayikika kwa Yesu Khristu pa khuni? (Gal. 3:13; 1 Pet. 2:24)

Nkhani Nambara 42

Mbunda Yikayowoya

1. Kasi Balaki wakaŵa njani, ndipo cifukwa wuli wakatuma Balamu?

2. Nchifukwa wuli mbunda ya Balamu yikagona pasi mu nthowa?

3. Kasi mbunda yikayowoya vici kwa Balamu?

4. Kasi mungelo wakayowoyaci kwa Balamu?

5. Nchivici cikacitika apo Balamu wakayezga kutemba Ŵaisrayeli?

Mafumbo ghanyake:

1. Ŵazgani Maŵazgo 21:21-35.

   Nchifukwa wuli Ŵaisrayeli ŵakatheleska Fumu Sihoni ya Ŵaamori na Fumu Ogi ya ku Bashani? (Maŵa. 21:21, 23, 33, 34)

2. Ŵazgani Maŵazgo 22:1-40.

   Kasi cilato ca Balamu cikaŵa Chivici apo wakakhumbanga kutemba Ŵaisrayeli, ndipo tikusambirapo vici pa nkhani iyi? (Maŵa. 22:16, 17; Zinth. 6:16, 18; 2 Pet. 2:15; Yuda 11)

3. Ŵazgani Maŵazgo 23:1-30

   Nangauli Balamu wakayowoya nga ni para wakaŵa musopi wa Yehova, ni mwauli umo vyakucita vyake vikapambanirana na kayowoyero kake? (Maŵa. 23:3, 11-14; 1 Sam. 15:22)

4. Ŵazgani Maŵazgo 24:1-25.

   Ni mwauli umo nkhani za mu Baibolo zikukhozgera cipulikano cithu peneapo vilato vya Yehova vikufiskika? (Maŵa. 24:10; Yes. 54:17)

Nkhani Nambara 43

Yoswa Wakaŵikika Kuŵa Mulongozgi

1. Pa cithuzithuzi apa, kasi ŵanalume awo ŵali na Mozesi mbanjani?

2. Kasi Yehova wakamuphalira vici Yoswa?

3. Nchifukwa wuli Mozesi wakakwera pacanya pa Phiri la Nebo, ndipo Yehova wakamuphaliraci?

4. Kasi Mozesi wakaŵa na vilimika vilinga apo wakafwira?

5. Nchifukwa wuli ŵanthu ŵakaŵa na citima, kweni nchivici cikaŵakondweska?

Mafumbo ghanyake:

1. Ŵazgani Maŵazgo 27:12-23.

   Ni udindo wuli ukuru uwo Yehova wakapeleka kwa Yoswa, ni mwauli umo Yehova wakulongozgera ŵanthu ŵake lero? (Maŵa. 27:15-19; Mil. 20:28; Heb. 13:7)

2. Ŵazgani Duteronome 3:23-29.

   Nchifukwa wuli Yehova wakakana kuti Mozesi na Aroni ŵanjire mu caru ca layizgano, ndipo tikusambirapo vici? (Dute. 3:25-27; Maŵa. 20:12, 13)

3. Ŵazgani Duteronome 31:1-8, 14-23.

   Ni mwauli umo mazgu agho Mozesi wakayowoya apo wakalayilananga na Ŵaisrayeli ghakulongolera kuti wakazomera mwakujiyuyura cilango cakufuma kwa Yehova? (Dute. 31:6-8, 23)

4. Ŵazgani Duteronome 32:45-52.

   Ni mwauli umo Mazgu gha Ciuta ghakwenera kukhwaskira umoyo withu? (Dute. 32:47; Lev. 18:5; Heb. 4:12)

5. Ŵazgani Duteronome 34:1-12.

   Nangauli Mozesi wakamuwona nadi Yehova maso na maso yayi, kasi lemba la Duteronome 34:10 likuvumbura vici za ubwezi uwo wakaŵa nawo na Yehova? (Eks. 33:11, 20; Maŵa. 12:8)

Nkhani Nambara 44

Rahabi Wakabisa Mphaci

1. Kasi Rahabi wakakhalanga nkhu?

2. Kasi ŵanalume ŵaŵiri awo ŵali pa cithuzithuzi apa mbanjani, nchifukwa wuli ŵali mu Yeriko?

3. Nchivici ico fumu ya Yeriko yikalangura Rahabi kucita, ndipo Rahabi wakazgoraci?

4. Ni mwauli umo Rahabi wakawovwilira ŵanalume ŵaŵiri ŵara, ndipo wakalomba vici kwa iwo?

5. Kasi mphaci ziŵiri zira zikamulayizgaci Rahabi?

Mafumbo ghanyake:

1. Ŵazgani Joshua 2:1-24.

   Ni mwauli umo layizgo la Yehova ilo lili pa Ekisodo 23:28 likafiskikira apo Ŵaisrayeli ŵakafika kuti ŵapoke Yeriko? (Josh. 2:9-11)

2. Ŵazgani Ŵahebere 11:31.

   Ni mwauli umo ivyo Rahabi wakacita vikulongolera kukhumbikwa kwa cipulikano? (Rom. 1:17; Heb. 10:39; Yak. 2:25)

Nkhani Nambara 45

Kwambuka Mronga wa Yorodani

1. Ni munthondwe wuli uwo Yehova wakacita kuti Ŵaisrayeli ŵayambuke Mronga wa Yorodani?

2. Kasi Ŵaisrayeli ŵakenera kucitaci kuti ŵalongore cipulikano cawo apo ŵakaŵa ŵandayambuke Mronga wa Yorodani?

3. Nchifukwa wuli Yehova wakaphalira Yoswa kuti watore malibwe 12 kufuma mu mronga?

4. Nchivici cikacitika apo ŵasofi ŵakafumamo mu Yorodani?

Mafumbo ghanyake:

1. Ŵazgani Joshua 3:1-17.

   1. Nga ni umo nkhani iyi yalongolera, kasi tikwenera kucitaci kuti tipokere wovwiri na thumbiko kwa Yehova? (Josh. 3:13, 15; Zinth. 3:5; Yak. 2:22, 26)

   2. Kasi Mronga wa Yorodani ukaŵa wuli pa nyengo iyo Ŵaisrayeli ŵakayambukiranga kuluta mu Caru ca Layizgano, ndipo ni mwauli umo ici cikathuwuskira zina la Yehova? (Josh. 3:15; 4:18; Sal. 66:5-7)

2. Ŵazgani Joshua 4:1-18.

   Kasi nchivici ico cikaŵa cilato ca malibwe 12 agho ghakatoleka mu Yorodani na kughawunjika ku Giligala? (Josh. 4:4-7)

Nkhani Nambara 46

Viliŵa vya Yeriko

1. Kasi Yehova wakaŵaphalira vici ŵanalume ŵankhondo na ŵasofi kuti ŵacite kwa mazuŵa ghankhondi na limoza?

2. Kasi ŵanalume ŵakeneranga kucita vici pa zuŵa lacinkhondi na ciŵiri?

3. Nga ni umo mukuwonera pa cithuzithuzi, nchivici cikucitikira viliŵa vya Yeriko?

4. Nchifukwa wuli cingwe ciswesi cikulendera pa windo?

5. Kasi Yoswa wakaphalira ŵanalume ŵankhondo kuti ŵacite vici na ŵanthu ndiposo msumba, kweni nchivici cikeneranga kucitikira siliva, golide, mkuŵa na cisulo?

6. Kasi mphaci ziŵiri zikaphalirika kucitaci?

Mafumbo ghanyake:

1. Ŵazgani Joshua 6:1-25.

   1. Ni mwauli umo kwenda na kuzingilira Yeriko uko Ŵaisrayeli ŵakacita pa zuŵa lacinkhondi na ciŵiri kukuyanira na mulimo wa kupharazga wa Ŵakaboni ŵa Yehova mu mazuŵa gha ku umaliro agha? (Josh. 6:15, 16; Yes. 60:22; Mat. 24:14; 1 Kor. 9:16)

   2. Ni mwauli umo ucimi uwo wuli pa Joshua 6:26 ukafiskikira vilimika 500 vyati vyajumphapo, ndipo kufiskika uku kukutisambizga vici za mazgu gha Yehova? (1 Mathe. 16:34; Yes. 55:11)

Nkhani Nambara 47

Munkhungu mu Israyeli

1. Pa cithuzithuzi apa, ninjani uyo wakuwundira pasi vinthu ivyo vyatoleka mu Yeriko, ndipo mbanjani awo ŵakumovwira?

2. Nchifukwa wuli ivyo wakacita Akani na mbumba yake kukaŵa kwananga kukuru?

3. Kasi Yehova wakayowoyaci apo Yoswa wakafumbanga cifukwa ico Ŵaisrayeli ŵakatheleskekera ku nkhondo ku Ai?

4. Nchivici cikacitikira Akani na mbumba yake apo ŵakiza nawo kwa Yoswa?

5. Kasi ceruzgo ico Akani wakapokera cikutisambizga vici?

Mafumbo ghanyake:

1. Ŵazgani Joshua 7:1-26.

   1. Kasi lurombo ulo Yoswa wakapeleka likuvumbura vici za ubwezi wake na Mlengi? (Josh. 7:7-9; Sal. 119:145; 1 Yoh. 5:14)

   2. Kasi ivyo wakacita Akani vikulongora vici, ndipo vikuticenjezga wuli? (Josh. 7:11, 14, 15; Zinth. 15:3; 1 Tim. 5:24; Heb. 4:13)

2. Ŵazgani Joshua 8:1-29.

   Ni udindo wuli uwo munthu waliyose lero wali nawo mu mpingo? (Josh. 7:13; Lev. 5:1; Zinth. 28:13)

Nkhani Nambara 48

Ŵagibiyoni Ŵavinjeru

1. Ni mwauli umo ŵanthu ŵa ku Gibiyoni ŵakaŵira ŵakupambana na Ŵakenani awo ŵakakhalanga mu misumba yapafupi?

2. Nga ni umo cithuzithuzi cikulongolera, kasi Ŵagibiyoni ŵakucitaci, ndipo cifukwa wuli?

3. Ni phangano wuli ilo Yoswa na ŵalongozgi ŵa Israyeli ŵakacita na Ŵagibiyoni, kweni nchivici ico ŵakamanya pati pajumpha mazuŵa ghatatu?

4. Nchivici cikacitika apo mafumu gha mu misumba yinyake ghakapulika kuti Ŵagibiyoni ŵacita phangano la mtende na Ŵaisrayeli?

Mafumbo ghanyake:

1. Ŵazgani Joshua 9:1-27.

   1. Pakuti Yehova wakaphalira mtundu wa Israyeli kuti ‘uparanye wose awo ŵakakhalanga mu caru,’ ni mikhaliro wuli yinyake ya Ciuta iyo tikusambira cifukwa ca kuleka kukoma Ŵagibiyoni? (Josh. 9:22, 24; Mat. 9:13; Mil. 10:34, 35; 2 Pet. 3:9)

   2. Mwakulondezga phangano ilo wakacita na Ŵagibiyoni, kasi nkhacitiro wuli kawemi ako Yoswa wakacita kuti Ŵakhristu ŵasambireko lero? (Josh. 9:18, 19; Mat. 5:37; Efe. 4:25)

2. Ŵazgani Joshua 10:1-5.

   Ni mwauli umo mzinda ukuru lero ukulondezgera Ŵagibiyoni, ndipo nchivici cikuŵacitikira? (Josh. 10:4; Zek. 8:23; Mat. 25:35-40; Chiv. 12:17)

Nkhani Nambara 49

Dazi Likayimilira

1. Pa cithuzithuzi apa, kasi Yoswa wakuyowoya vici, ndipo cifukwa wuli?

2. Ni mwauli umo Yehova wakawovwilira Yoswa na ŵanalume ŵake ŵankhondo?

3. Ni mafumu ghalinga agho Yoswa wakathereska, ndipo kukamutolera nyengo yitali wuli?

4. Nchifukwa wuli Yoswa wakagaŵa caru ca Kenani?

5. Kasi Yoswa wakafwa na vilimika vilinga, ndipo nchivici cikacitikira ŵanthu apo iyo wakati wafwa?

Mafumbo ghanyake:

1. Ŵazgani Joshua 10:6-15.

   Pakuti tamanya kuti Yehova wakacitiska zuŵa na mwezi kuyima cifukwa ca Ŵaisrayeli, kasi tili na cigomezgo wuli lero? (Josh. 10:8, 10, 12, 13; Sal. 18:3; Zinth. 18:10)

2. Ŵazgani Joshua 12:7-24.

   Kasi ninjani uyo wakathereska nadi mafumu 31 gha ku Kenani, ndipo nkhani iyi njakuzirwa wuli kwa ise lero? (Josh. 12:7; 24:11-13; Dute. 31:8; Luka 21:9, 25-28)

3. Ŵazgani Joshua 14:1-5.

   Ni mwauli umo caru cikagaŵikira ku mafuko gha Israyeli, ndipo kacitiro aka kakulongora vici pa nkhani ya kuzakakhala mu paradiso? (Josh. 14:2; Yes. 65:21; Ezek. 47:21-23; 1 Kor. 14:33)

4. Ŵazgani Ŵeruzgi 2:8-13.

   Nga ni umo wakacitira Yoswa mu Israyeli, kasi mbanjani awo ŵakukanirathu kusopa kwautesi? (Ŵeru. 2:8, 10, 11; Mat. 24:45-47; 2 Tes. 2:3-6; Tito 1:7-9; Chiv. 1:1; 2:1, 2)

Nkhani Nambara 50

Ŵanakazi Ŵaŵiri Ŵacikanga

1. Kasi ŵeruzgi ŵakaŵa anjani, ndipo ghanyake mwa mazina ghawo ni nga?

2. Ni udindo wuli wapadera uwo Debora wakaŵa nawo, ndipo ukasazgapo vici?

3. Apo Ŵaisrayeli ŵakawofyeka na Fumu Jabini na mulongozgi wake wa nkhondo, Sisera, ni uthenga wuli wakufuma kwa Yehova uwo Debora wakaphalira Mweruzgi Baraki, ndipo Debora wakati ninjani uyo wamuthereska nadi ŵalwani?

4. Kasi Yayeli wakacita vici ico cikalongora kuti ni mwanakazi wacikanga?

5. Nchivici cikacitika apo Fumu Jabini yikati yakomeka?

Mafumbo ghanyake:

1. Ŵazgani Ŵeruzgi 2:14-22.

   Nchivici ico Ŵaisrayeli ŵakacita kuti ŵakwiyiske Yehova, ndipo ise tikusambirapo vici? (Ŵeru. 2:20; Zinth. 3:1, 2; Ezek. 18:21-23)

2. Ŵazgani Ŵeruzgi 4:1-24.

   Ni masambiro wuli ghakukhwaskana na cipulikano na cikanga agho ŵanakazi Ŵacikhristu ŵangasambirako kwa Debora na Yayeli? (Ŵeru. 4:4, 8, 9, 14, 21, 22; Zinth. 31:30; 1 Kor. 16:13)

3. Ŵazgani Ŵeruzgi 5:1-31.

   Ni mwauli umo sumu iyo Baraki na Debora ŵakimba apo ŵakathereska ŵalwani, tingayizgora lurombo lwakuyowoya za nkhondo ya Haramagedoni iyo yikwiza? (Ŵeru. 5:3, 31; 1 Mid. 16:8-10; Chiv. 7:9, 10; 16:16; 19:19-21)

Nkhani Nambara 51

Rute na Naomi

1. Nchivici cikacitika kuti Naomi wasangike mu caru ca Moabu?

2. Kasi Rute na Oripa ŵakaŵa njani?

3. Kasi Rute na Oripa ŵakacita wuli apo Naomi wakaŵaphalira kuti ŵawelere kukwawo?

4. Kasi Boazi wakaŵa njani, ndipo wakawovwira wuli Rute na Naomi?

5. Kasi zina la mwana wa Boazi na Rute likaŵa njani, ndipo nchifukwa wuli tikwenera kumukumbukiranga?

Mafumbo ghanyake:

1. Ŵazgani Ruth 1:1-17.

   1. Ni mazgu wuli agho Rute wakayowoya ghakulongora citemwa cake cikuru? (Ruth 1:16, 17)

   2. Ni mwauli umo kacitiro ka Rute kakuyanira na “mberere zinyake” kulazga ku ŵakuphakazgika na mzimu utuŵa lero? (Yoh. 10:16; Zek. 8:23)

2. Ŵazgani Ruth 2:1-23.

   Ni mwauli umo Rute wakupelekera ciyelezgero ciwemi ku ŵasungwana lero? (Ruth 2:17, 18; Zinth. 23:22; 31:15)

3. Ŵazgani Ruth 3:5-13.

   1. Kasi Boazi wakawona wuli kukhumbisiska kwa Rute kuti watorane nayo, m’malo mwa kutengwa ku munyamata?

   2. Kawonero ka vinthu ka Rute kakutisambizga vici pa nkhani ya citemwa canadi? (Ruth 3:10; 1 Kor. 13:4, 5)

4. Ŵazgani Ruth 4:7-17.

   Ni mwauli umo ŵanalume Ŵacikhristu lero ŵangacitira vinthu nga ni Boazi? (Ruth 4:9, 10; 1 Tim. 3:1, 12, 13; 5:8)

Nkhani Nambara 52

Gidiyoni na Ŵanalume Ŵake 300

1. Ni mwauli ndiposo nchifukwa wuli Ŵaisrayeli ŵakaŵa mu suzgo?

2. Nchifukwa wuli Yehova wakaphalira Gidiyoni kuti wakaŵa na ŵanalume ŵa nkhondo ŵanandi comene?

3. Kasi Gidiyoni wakaŵa na ŵanalume ŵalinga pamanyuma pa kuphalira ŵanalume ŵawofi kuti ŵawelere ku nyumba?

4. Nga ni umo mukuwonera pa cithuzithuzi, longosorani umo Yehova wakacitira kuti ciŵelengero ca ŵasilikari ŵa Gidiyoni cicepe kufika pa ŵanalume 300.

5. Ni pulani wuli iyo Gidiyoni wakacita na ŵanalume ŵake 300, ndipo Ŵaisrayeli ŵakaluska wuli nkhondo?

Mafumbo ghanyake:

1. Ŵazgani Ŵeruzgi 6:36-40.

   1. Ni mwauli umo Gidiyoni wakacitira khumbo la Yehova?

   2. Ni mwauli umo lero tikumanyira khumbo la Yehova? (Zinth. 2:3-6; Mat. 7:7-11; 2 Tim. 3:16, 17)

2. Ŵazgani Ŵeruzgi 7:1-25.

   1. Ni sambiro wuli ilo tingatorapo pa nkhani ya ŵanalume 300 awo ŵakawonanga ico cikacitikanga, mwakupambana na awo ŵakalekanga kuwona? (Ŵeru. 7:3, 6; Rom. 13:11, 12; Efe. 5:15-17)

   2. Nga ni umo ŵanalume 300 ŵakasambizgika mwakulaŵiska Gidiyoni, ni mwauli umo ise tikusambilira mwakulaŵiska Gidiyoni Mukuru, Yesu Khristu? (Ŵeru. 7:17; Mat. 11:29, 30; 28:19, 20; 1 Pet. 2:21)

   3. Ni mwauli umo lemba la Ŵeruzgi 7:21 likutovwilira kuti tikhorwenge na mulimo wuliwose uwo taphalirika kucita mu gulu la Yehova? (1 Kor. 4:2; 12:14-18; Yak. 4:10)

3. Ŵazgani Ŵeruzgi 8:1-3.

   Pa nkhani ya kumazga mphindano pa mbali panji mudumbu, kasi tingasambirapo vici pa umo Gidiyoni wakamazgira mphindano na Ŵaefurayimu? (Zinth. 15:1; Mat. 5:23, 24; Luka 9:48)

Nkhani Nambara 53

Phangano la Yefita

1. Kasi Yefita wakaŵa njani, ndipo wakaŵako pa nyengo wuli?

2. Kasi Yefita wakayowoya phangano wuli kwa Yehova?

3. Nchifukwa wuli Yefita wakacita citima apo wakawelanga kufuma uko wakathereska Ŵaamori?

4. Nchivici ico mwana msungwana wa Yefita wakayowoya apo wakapulika phangano la awiske?

5. Nchifukwa wuli ŵanthu ŵakatemwa mwana msungwana wa Yefita?

Mafumbo ghanyake:

1. Ŵazgani Ŵeruzgi 10:6-18.

   Kasi tikwenera kusambirapo vici pa nkhani ya kuleka kugomezgeka kwa Ŵaisrayeli? (Ŵeru. 10:6, 15, 16; Rom. 15:4; Chiv. 2:10)

2. Ŵazgani Ŵeruzgi 11:1-11, 29-40.

   1. Tikumanya wuli kuti nangauli Yefita wakapeleka mwana wake msungwana kuŵa “sembe yakocha,” kuti cikang’anamura kumuwocha nadi pa moto kuŵa sembe yayi? (Ŵeru. 11:31; Lev. 16:24; Dute. 18:10, 12)

   2. Ni mwa ng’anamuro wuli ilo Yefita wakapeleka mwana wake msungwana kuŵa sembe?

   3. Kasi tingasambirapo vici pa umo Yefita wakacitira na cilapo ico wakayowoya kwa Yehova? (Ŵeru. 11:35, 39; Muph. 5:4, 5; Mat. 16:24)

   4. Ni mwauli umo mwana msungwana wa Yefita waliri ciyelezgero ciwemi ku ŵawukirano Ŵacikhristu pa nkhani ya kucita uteŵeti wa nyengo zose? (Ŵeru. 11:36; Mat. 6:33; Fil. 3:8)

Nkhani Nambara 54

Mwanalume Wankhongono Comene

1. Kasi zina la mwanalume uyo wakaŵa wankhongono comene kuluska ŵanthu wose ninjani, ndipo ninjani uyo wakamupa nkhongono izi?

2. Nga ni umo mukuwonera pa cithuzithuzi apa, nchivici ico zuŵa linyake Samusoni wakacitira nkharamu yikuru?

3. Nchisisi wuli ico Samusoni wakuphalira Delila pa cithuzithuzi apa, ndipo ni mwauli umo kacitiro aka kakapangiska kuti wakoleke na Ŵafilisiti?

4. Ni mwauli umo Samusoni wakakomera Ŵafilisiti 3,000 pa zuŵa ilo wakafwira?

Mafumbo ghanyake:

1. Ŵazgani Ŵeruzgi 13:1-14.

   Nchiyelezgero wuli ciwemi ico Manowa na muwoli wake ŵakupeleka ku ŵapapi pakulera ŵana ŵawo? (Ŵeru. 13:8; Sal. 127:3; Efe. 6:4)

2. Ŵazgani Ŵeruzgi 14:5-9 na 15:9-16.

   1. Kasi nkhani ya Samusoni ya umo wakakomera nkharamu, kudosora vingwe ivyo ŵakamukaka navyo, na kukoma ŵanalume 1,000 na ciwanga ca mbunda yikuvumbura vici za umo mzimu utuŵa wa Yehova ukugwilira nchito?

   2. Kasi mzimu utuŵa ukutovwira wuli lero? (Ŵeru. 14:6; 15:14; Zek. 4:6; Mil. 4:31)

3. Ŵazgani Ŵeruzgi 16:18-31.

   Kasi Samusoni wakasuzgika wuli cifukwa ca kucezga na munthu muheni? (Ŵeru. 16:18, 19; 1 Kor. 15:33)

Nkhani Nambara 55

Musepuka Mucoko Wakateŵeteranga Ciuta

1. Kasi zina la musepuka mucoko uyo wali pa cithuzithuzi apa ninjani, ndipo ŵanyake awo mbanjani?

2. Kasi Hana wakalomba vici zuŵa linyake apo wakiza pa cihema ca Yehova, ndipo Yehova wakazgora wuli lurombo lwake?

3. Kasi Samuyeli wakaŵa na vilimika vilinga apo wakayamba kuteŵetera Yehova pa cihema, ndipo anyina ŵakamucitiranga vici cilimika cilicose?

4. Kasi ŵana ŵa Eli mazina ghawo ghakaŵa njani, ndipo ŵakaŵa na nkharo wuli?

5. Ni mwauli umo Yehova wakacemera Samuyeli, ndipo ni uthenga wuli uwo Wakamuphalira?

6. Kasi Samuyeli wakati wakura wakaŵa njani, ndipo nchivici cikacitika apo wakacekura?

Mafumbo ghanyake:

1. Ŵazgani 1 Samuyeli 1:1-28.

   1. Nkhacitiro wuli kawemi ako Elikana wakupeleka ku mitu ya mbumba pa nkhani ya kusopa? (1 Sam. 1:3, 21; Mat. 6:33; Fil. 1:10)

   2. Ni sambiro wuli ilo tikutorapo pa kacitiro ka Hana pakulimbana na suzgo ilo likutihangayiska? (1 Sam. 1:10, 11; Sal. 55:22; Rom. 12:12)

2. Ŵazgani 1 Samuyeli 2:11-36.

   Ni mwauli umo Eli wakacindikira comene ŵana ŵake kuluska Yehova, ndipo ni cenjezgo wuli ilo tikutorapo? (1 Sam. 2:22-24, 27, 29; Dute. 21:18-21; Mat. 10:36, 37)

3. Ŵazgani 1 Samuyeli 4:16-18.

   Ni mauthenga ghanayi ngani gha soka agho ghakiza kufuma ku nkhondo, ndipo Eli wakacita wuli na mauthenga agha?

4. Ŵazgani 1 Samuyeli 8:4-9.

   Ni mwauli umo Ŵaisrayeli ŵakamukwiyiskira comene Yehova, ndipo tingakhozgera wuli mwakugomezgeka Ufumu wake lero? (1 Sam. 8:5, 7; Yoh. 17:16; Yak. 4:4)

Nkhani Nambara 56

Sauli—Fumu Yakwamba ya Israyeli

1. Pa cithuzithuzi apa, kasi Samuyeli wakucita vici, ndipo cifukwa wuli?

2. Nchifukwa wuli Yehova wakatemwa Sauli, kasi wakaŵa munthu wankharo wuli?

3. Kasi zina la mwana wa Sauli likaŵa njani, ndipo mwana uyu wakacitaci?

4. Nchifukwa wuli Sauli wakapeleka sembe mu malo mwa kulindizga Samuyeli kuti ndiyo wapeleke?

5. Tikusambirapo vici pa nkhani ya Sauli?

Mafumbo ghanyake:

1. Ŵazgani 1 Samuyeli 9:15-21 na 10:17-27.

   Kasi kujiyuyura kukamovwira wuli Sauli apo ŵanthu ŵanyake ŵakamuyuyura? (1 Sam. 9:21; 10:21, 22, 27; Zinth. 17:27)

2. Ŵazgani 1 Samuyeli 13:5-14.

   Kasi Sauli wakacita kwananga wuli ku Giligala? (1 Sam. 10:8; 13:8, 9, 13)

3. Ŵazgani 1 Samuyeli 15:1-35.

   1. Pa nkhani ya Agagi, fumu ya Ŵaamaleki, ni zakwananga zikuru wuli izo Sauli wakacita? (1 Sam. 15:2, 3, 8, 9, 22)

   2. Sauli wakajikhungulufya wuli na ivyo wakacita, ndipo wakati mbanjani awo mbabudi? (1 Sam. 15:24)

   3. Kasi tikwenera kucita wuli para tapika ulongozgi? (1 Sam. 15:19-21; Sal. 141:5; Zinth. 9:8, 9; 11:2)

Nkhani Nambara 57

Ciuta Wakasankha Davide

1. Kasi zina la musepuka uyo wali pa cithuzithuzi apa ninjani, ndipo tikumanya wuli kuti ngwacikanga?

2. Kasi Davide wakakhalanga nkhu, ndipo adada na asekuru ŵake ŵakaŵa anjani?

3. Nchifukwa wuli Yehova wakaphalira Samuyeli kuluta ku nyumba ya Jese ku Betelehemu?

4. Nchivici cikacitika apo Jese wakiza na ŵana ŵake ŵankhondi na ŵaŵiri kwa Samuyeli?

5. Apo Davide wakati wiza, kasi Yehova wakamuphaliraci Samuyeli?

Mafumbo ghanyake:

1. Ŵazgani 1 Samuyeli 17:34, 35.

   Kasi nkhani iyi yikulongolera wuli kuti Davide wakaŵa wacikanga ndiposo wakathembanga Yehova? (1 Sam. 17:37)

2. Ŵazgani 1 Samuyeli 16:1-14.

   1. Kasi mazgu gha Yehova agho ghakusangika pa 1 Samuyeli 16:7 ghakutovwira wuli kuti tileke kutemwera ndiposo kupusikika na kawonekero ka kuwaro? (Mil. 10:34, 35; 1 Tim. 2:4)

   2. Kasi ivyo vikacitikira Sauli vikulongora wuli kuti para Yehova wafumya mzimu wake utuŵa mwa munthu, mbwenu mzimu uheni ndiwo ukunjira mu malo ghake, panji khumbo la kucita uheni? (1 Sam. 16:14; Mat. 12:43-45; Gal. 5:16)

Nkhani Nambara 58

Davide na Goliyati

1. Ni mwauli umo Goliyati wakahoyeranga ŵasilikari ŵa Israyeli?

2. Kasi Goliyati wakaŵa mukuru wuli, ndipo nchawanangwa wuli ico Sauli wakalayizga kuti wapenge munthu uyo wakomenge Goliyati?

3. Kasi Davide wakayowoya vici apo Sauli wakamuphalira kuti wangatimbana nayo yayi Goliyati cifukwa Davide wakaŵa mwana mucoko?

4. Pakuzgora Goliyati, kasi Davide wakalongora wuli kuti wakugomezga Yehova?

5. Nga ni umo mukuwonera pa cithuzithuzi apa, kasi Davide wakakoma Goliyati na vici, ndipo nchivici ico cikacitikira Ŵafilisiti?

Mafumbo ghanyake:

1. Ŵazgani 1 Samuyeli 17:1-54.

   1. Nchivici cikapangiska Davide kuŵavya wofi, ndipo ni mwauli umo tingalondezgera cikanga cake? (1 Sam. 17:37, 45; Efe. 6:10, 11)

   2. Nchifukwa wuli Ŵakhristu ŵakwenera yayi kuŵa na mtima wakukhumba kuluska nga ni umo wakaŵira Goliyati para ŵakuseŵera? (1 Sam. 17:8; Gal. 5:26; 1 Tim. 4:8)

   3. Kasi zgoro la Davide likulongora wuli kuti wakagomezga Ciuta? (1 Sam. 17:45-47; 2 Mid. 20:15)

   4. Mu malo mwakulongosora waka nkhondo ya magulu ghaŵiri agho ghakatimbananga, ni mwauli umo nkhani iyi yikulongolera kuti nkhondo iyi yikaŵa pakati pa ŵaciuta ŵautesi na Ciuta waunenesko, Yehova? (1 Sam. 17:43, 46, 47)

   5. Kasi Ŵakhristu ŵakukhalira ŵakuphakazgika ŵakulondezga wuli ciyelezgero ca Davide ca kugomezga Yehova? (1 Sam. 17:37; Yer. 1:17-19; Chiv. 12:17)

Nkhani Nambara 59

Cifukwa Ico Davide Wakenera Kucimbira

1. Nchifukwa wuli Sauli wakacitira sanji Davide, ni mphambano wuli iyo yikaŵapo pakati pa Sauli na Yonatani?

2. Nchivici cikacitika zuŵa linyake apo Davide wakimbiranga sumu Sauli?

3. Kasi Sauli wakaphalira Davide kuti wacite vici pambere wandatore Mikala kuŵa muwoli wake, ndipo nchifukwa wuli Sauli wakayowoya nthena?

4. Apo Davide wakimbiranga sumu Sauli, nchivici cikacitika kacitatu nga ni umo cikulongolera cithuzithuzi?

5. Kasi Mikala wakaponoska wuli Davide, ndipo Davide wakeneranga kucitaci kwa vilimika vinkhondi na viŵiri?

Mafumbo ghanyake:

1. Ŵazgani 1 Samuyeli 18:1-30.

   1. Ni mwauli umo citemwa ca dyaka apa nidyakepo ca Yonatani na Davide cikayimiranga citemwa capakati pa “mberere zinyake” na “kamskambo kacoko”? (1 Sam. 18:1; Yoh. 10:16; Luka 12:32; Zek. 8:23)

   2. Pakuti Yonatani ndiyo wakeneranga kuŵa fumu kunjira mu malo gha Sauli, ni mwauli umo lemba la 1 Samuyeli 18:4 likulongolera kujilambika kwa Yonatani kwa uyo wakasankhika kuŵa fumu?

   3. Kasi ivyo wakacita Sauli vikulongora wuli kuti sanji yingapangiska munthu kucita kwananga kukuru, ndipo ise tikutorapo sambiro wuli? (1 Sam. 18:7-9, 25; Yak. 3:14-16)

2. Ŵazgani 1 Samuyeli 19:1-17.

   Kasi Yonatani wakaŵika wuli umoyo wake pangozi wakati wakumana na Sauli? (1 Sam. 19:​1, 4-6; Zinth. 16:​14)

Nkhani Nambara 60

Abigelu na Davide

1. Kasi zina la mwanakazi uyo wakukumana na Davide pa cithuzithuzi apa ninjani, ndipo wakaŵa wankharo wuli?

2. Kasi Nabala wakaŵa njani?

3. Cifukwa wuli Davide wakatuma ŵanalume ŵake ŵanyake kukalomba cakurya kwa Nabala?

4. Kasi Nabala wakayowoya vici ku ŵanalume ŵa Davide, ndipo Davide wakacitaci?

5. Kasi Abigelu wakacitaci kulongora kuti wakaŵa mwanakazi wavinjeru?

Mafumbo ghanyake:

1. Ŵazgani 1 Samuyeli 22:1-4.

   Pa nkhani ya kovwirana, nchiyelezgero wuli ciwemi ico mbumba ya Davide yikalongora ico Ŵakhristu ŵangatorako? (Zinth. 17:17; 1 Tes. 5:14)

2. Ŵazgani 1 Samuyeli 25:1-43.

   1. Nchifukwa wuli Nabala wakuyowoyeka kuti wakaŵa wamuyuyuro comene? (1 Sam. 25:2-5, 10, 14, 21, 25)

   2. Kasi ŵawoli ŵakusambirako vici kwa Abigelu? (1 Sam. 25:32, 33; Zinth. 31:26; Efe. 5:24)

   3. Ni vinthu viŵiri wuli viheni ivyo Abigelu wakakanizga Davide kuti wacite? (1 Sam. 25:31, 33; Rom. 12:19; Efe. 4:26)

   4. Kasi zgoro ilo Davide wakapeleka kwa Abigelu likovwira wuli ŵanalume lero kuti ŵawonenge ŵanakazi nga ni umo Yehova wakuŵawonera? (Mil. 21:8, 9; Rom. 2:11; 1 Pet. 3:7)

Nkhani Nambara 61

Davide Wakaŵikika Kuŵa Fumu

1. Kasi Davide na Abishayi ŵakacitaci apo Sauli wakaŵa mu tulo mu msasa?

2. Kasi Davide wakamufumba vici Sauli?

3. Wakati wamuleka Sauli, kasi Davide wakaluta nkhu?

4. Nchivici cikapangiska Davide kuŵa na citima ndiposo kuti walembe sumu yiwemi comene?

5. Kasi Davide wakaŵa na vilimika vilinga apo wakaŵikika kuŵa fumu mu Heburoni, ndipo mazina gha ŵana ŵake ŵanyake ni ngani?

6. Ni nkhu pamanyuma pake uko Davide wakawusanga nga ni fumu?

Mafumbo ghanyake:

1. Ŵazgani 1 Samuyeli 26:1-25.

   1. Kasi mazgu gha Davide agho ghali pa 1 Samuyeli 26:11, ghakulongoraci kuyana na umo Ciuta wakwendeskera vinthu? (Sal. 37:7; Rom. 13:2)

   2. Para tikukhumba kulongora lusungu ku munthu kweni iyo wakuwonga yayi ivyo tikumucitira, ni mwauli umo mazgu gha Davide agho ghakusangika pa 1 Samuyeli 26:23 ghakutovwilira kuti tileke kugongowa? (1 Mathe. 8:32; Sal. 18:20)

2. Ŵazgani 2 Samuyeli 1:26.

   Kasi Ŵakhristu ‘ŵangafwilirapo wuli mu kutemwana kwawo’ nga ni umo Davide na Yonatani ŵakacitira? (1 Pet. 4:8; Kol. 3:14; 1 Yoh. 4:12)

3. Ŵazgani 2 Samuyeli 5:1-10.

   1. Kasi Davide wakaŵa fumu kwa vilimika vilinga, ndipo nyengo ya kuwusa kwake yikagaŵika wuli? (2 Sam. 5:4, 5)

   2. Ninjani uyo wakapangiska Davide kukulirakulira, ndipo ise tikusambirapo vici? (2 Sam. 5:10; 1 Sam. 16:13; 1 Kor. 1:31; Fil. 4:13)

Nkhani Nambara 62

Suzgo mu Nyumba ya Davide

1. Na wovwiri wa Yehova, nchivici cikacitikira caru ca Kenani?

2. Nchivici cikacitika zuŵa linyake apo Davide wakaŵa pa mtenje wa nyumba yake?

3. Nchifukwa wuli Yehova wakakwiya na ivyo Davide wakacita?

4. Pa cithuzithuzi apa, ninjani uyo Yehova wakatuma kuti wamuphalire Davide kwananga kwake, ndipo mwanalume uyu wakayowoya kuti nchivici cimucitikirenge Davide?

5. Ni suzgo wuli iyo Davide wakaŵa nayo?

6. Ninjani wakaŵa fumu apo Davide wakati wafwa?

Mafumbo ghanyake:

1. Ŵazgani 2 Samuyeli 11:1-27.

   1. Kasi kuŵa wakutangwanika mu uteŵeti wa Yehova kukutivikilira wuli?

   2. Ni mwauli umo Davide wakanjilira mu kwananga, ndipo ŵateŵeti ŵa Yehova wakutorapo sambiro wuli lero? (2 Sam. 11:2; Mat. 5:27-29; 1 Kor. 10:12; Yak. 1:14, 15)

2. Ŵazgani 2 Samuyeli 12:1-18.

   1. Ni sambiro wuli ilo ŵalara ŵa mpingo na ŵapapi ŵakutorapo pa umo Natani wakapelekera ulongozgi kwa Davide? (2 Sam. 12:1-4; Zinth. 12:18; Mat. 13:34)

   2. Nchifukwa wuli Yehova wakamucitira lusungu Davide? (2 Sam. 12:13; Sal. 32:5; 2 Kor. 7:9, 10)

Nkhani Nambara 63

Solomoni Wakaŵa Fumu Yavinjeru

1. Kasi Yehova wakamufumba vici Solomoni, ndipo Solomoni wakazgora vici?

2. Cifukwa ca kukondwa na ivyo Solomoni wakalomba, kasi Yehova wakalayizga kuti wamupenge vici Solomoni?

3. Ni suzgo wuli iyo ŵanakazi ŵaŵiri ŵakamuphalira Solomoni?

4. Nga ni umo mukuwonera pa cithuzithuzi apa, kasi Solomoni wakamazga wuli suzgo ili?

5. Kasi muwuso wa Solomoni ukaŵa wuli, ndipo cifukwa wuli?

Mafumbo ghanyake:

1. Ŵazgani 1 Mathemba 3:3-28.

   1. Ni sambiro wuli ilo awo ŵali na maudindo mu gulu la Ciuta lero ŵangatorako ku mazgu agho Solomoni wakayowoya pa 1 Mathemba 3:7? (Sal. 119:105; Zinth. 3:5, 6)

   2. Ni mwauli umo ivyo Solomoni wakalomba viliri cakuwonerapo ciwemi kwa ise ca vinthu vyakwenelera ivyo tikwenera kulomba kwa Ciuta? (1 Mathe. 3:9, 11; Zinth. 30:8, 9; 1 Yoh. 5:14)

   3. Na umo Solomoni wakeruzgira nkhani ya ŵanakazi ŵaŵiri awo ŵakapindikana, ndipo nchigomezgo wuli ico tili naco ca umo Solomoni Mukuru, Yesu Khristu, wazamuwusira kunthazi? (1 Mathe. 3:28; Yes. 9:6, 7; 11:2-4)

2. Ŵazgani 1 Mathemba 4:29-34.

   1. Kasi Yehova wakazgora wuli lurombo lwa Solomoni lakuti waŵe na vinjeru? (1 Mathe. 4:29)

   2. Mwakuwona kuyezgayezga uko ŵanthu ŵakacita kuti ŵapulike vinjeru vya Solomoni, kasi kusambira Mazgu gha Ciuta tikwenera kukuwona wuli? (1 Mathe. 4:29, 34; Yoh. 17:3; 2 Tim. 3:16)

Nkhani Nambara 64

Solomoni Wakazenga Tempele

1. Kasi Solomoni wakazenga tempele la Yehova kwa utali wuli, nchifukwa wuli kuzenga kukatora ndarama zinandi?

2. Kasi mu tempele mukaŵa vipinda vikuru vilinga, ndipo nchivici ico cikaŵikika mu cipinda ca mukati?

3. Kasi Solomoni wakayowoya vici mu lurombo lwake apo tempele likati lamara kuzengeka?

4. Ni mwauli umo Yehova wakalongolera kuti wakakondwa na lurombo lwa Solomoni?

5. Kasi ŵawoli ŵa Solomoni ŵakamupangiska kucitaci, ndipo nchivici cikamucitikira?

6. Nchifukwa wuli Yehova wakakwiyira Solomoni, ndipo Yehova wakamuphaliraci?

Mafumbo ghanyake:

1. Ŵazgani 1 Midauko 28:9, 10.

   Mwakuyana na mazgu gha Davide agho ghali pa 1 Midauko 28:9, 10, nchivici ico tikwenera kulimbikira kucita nyengo zose? (Sal. 19:14; Fil. 4:8, 9)

2. Ŵazgani 2 Midauko 6:12-21, 32-42.

   1. Ni mwauli umo Solomoni wakalongolera kuti nyumba yakuzengeka na munthu yingamukwana yayi Ciuta Wapacanya Nkhanira kuti wakhalemo? (2 Mid. 6:18; Mil. 17:24, 25)

   2. Kasi mazgu gha Solomoni agho ghakusangika pa 2 Midauko 6:32, 33 ghakutisambizga vici pakuyowoya za Yehova? (Mil. 10:34, 35; Gal. 2:6)

3. Ŵazgani 2 Midauko 7:1-5.

   Nga ni umo Ŵaisrayeli ŵakalumbira Yehova apo ŵakawona ucindami wake, kasi tikwenera kucita wuli para tikughanaghanira umo Yehova watumbikira ŵanthu ŵake lero? (2 Mid. 7:3; Sal. 22:22; 34:1; 96:2)

4. Ŵazgani 1 Mathemba 11:9-13.

   Ni mwauli umo umoyo wa Solomoni ukulongolera kuti nchakuzirwa kuti munthu walutilire kuŵa wakugomezgeka mupaka kuumaliro? (1 Mathe. 11:4, 9; Mat. 10:22; Chiv. 2:10)

Nkhani Nambara 65

Ufumu Ukagaŵikana Pakati

1. Kasi mazina gha ŵanalume ŵaŵiri awo ŵali pa cithuzithuzi apa ni njani na njani, ndipo ŵali na udindo wuli?

2. Kasi Ahiya wakacitaci na munjilira wake uwo wakavwara, ndipo ici cikang’anamuranga vici?

3. Kasi Solomoni wakakhumba kucita nayo vici Yeroboamu?

4. Nchifukwa wuli ŵanthu ŵakimika Yeroboamu kuŵa fumu ya mafuko 10?

5. Nchifukwa wuli Yeroboamu wakapanga ŵana ŵa ng’ombe ŵagolide ŵaŵiri, ndipo nchivici cikacitikira caru?

6. Nchivici cikacitikira ufumu wa mafuko ghaŵiri na tempele la Yehova mu Yerusalemu?

Mafumbo ghanyake:

1. Ŵazgani 1 Mathemba 11:26-43.

   Kasi Yeroboamu wakaŵa wamtundu wuli, ndipo Yehova wakamulayizga vici usange wasungenge malango gha Ciuta? (1 Mathe. 11:28, 38)

2. Ŵazgani 1 Mathemba 12:1-33.

   1. Kwizira mu ivyo Rehoboamu wakacita, kasi ŵapapi na ŵalara ŵa mpingo ŵangasambirapo vici pa nkhani ya kulongora uheni mazaza ghawo? (1 Mathe. 12:13; Muph. 7:7; 1 Pet. 5:2, 3)

   2. Kasi nkhwa njani uko ŵawukirano ŵakwenera kufumbangako ulongozgi wa vinthu ivyo ŵakukhumba kucita? (1 Mathe. 12:6, 7; Zinth. 1:8, 9; 2 Tim. 3:16, 17; Heb. 13:7)

   3. Nchivici cikapangiska Yeroboamu kupanga ŵana ŵa ng’ombe ŵaŵiri ŵagolide, ndipo kacitiro kake kalongora wuli kuti wakaŵavya cipulikano mwa Yehova? (1 Mathe. 11:37; 12:26-28)

   4. Ninjani uyo wakapangiska ŵanthu ŵa ufumu wa mafuko ghaŵiri kuti ŵaleke kusopa kwaunenesko? (1 Mathe. 12:32, 33)

Nkhani Nambara 66

Yezebeli Yikaŵa Fumukazi Yiheni

1. Kasi Yezebeli wakaŵa njani?

2. Nchifukwa wuli Fumu Ahabu yikaŵa na citima zuŵa linyake?

3. Kasi Yezebeli wakacitaci kuti mfumu wake, Ahabu, watore munda wa mpheska wa Naboti?

4. Kasi Yehova wakatuma njani kuti wakalange Yezebeli?

5. Nga ni umo mukuwonera pa cithuzithuzi apa, nchivici cikacitika apo Yehu wakafika pa nyumba ya Yezebeli?

Mafumbo ghanyake:

1. Ŵazgani 1 Mathemba 16:29-33 na 18:3, 4.

   Kasi ukhaliro ukahenipa wuli mu Israyeli mu nyengo ya Fumu Ahabu? (1 Mathe. 14:9)

2. Ŵazgani 1 Mathemba 21:1-16.

   1. Ni mwauli umo Naboti wakalongolera cikanga na kugomezgeka kwa Yehova? (1 Mathe. 21:1-3; Lev. 25:23-28)

   2. Mwakuwona ivyo vikamucitikira Ahabu, ni mwauli umo tingacitira para takhuŵazgika? (1 Mathe. 21:4; Rom. 5:3-5)

3. Ŵazgani 2 Mathemba 9:30-37.

   Tingasambirapo vici kufuma ku mwamphu wa Yehu pakucita khumbo la Yehova? (2 Mathe. 9:4-10; 2 Kor. 9:1, 2; 2 Tim. 4:2)

Nkhani Nambara 67

Yehoshafati Wakagomezga Yehova

1. Kasi Yehoshafati wakaŵa njani, ndipo wakaŵapo pa nyengo wuli?

2. Cifukwa wuli Ŵaisrayeli ŵanandi ŵakaŵa na wofi, ndipo ŵakacitaci?

3. Kasi Yehova wakazgora wuli lurombo lwa Yehoshafati?

4. Kasi Yehova wakapangiska vici apo ŵakaŵa ŵandambe kutimbana?

5. Umo Yehoshafati wakacitira vinthu, kasi tingasambirapo vici?

Mafumbo ghanyake:

1. Ŵazgani 2 Midauko 20:1-30.

   1. Kasi Yehoshafati wakalongora kuti ŵateŵeti ŵakugomezgeka ŵa Ciuta ŵakwenera kucitaci para wali mu masuzgo? (2 Mid. 20:12; Sal. 25:15; 62:1)

   2. Cifukwa cakuti Yehova nyengo zose wali na nthowa iyo wakugwiliskira nchito pa kudumbiskana na ŵanthu ŵake, kasi ni nthowa wuli iyo wagwiliskira nchito mazuŵa ghano? (2 Mid. 20:14, 15; Mat. 24:45-47; Yoh. 15:15)

   3. Apo Ciuta wazamwamba “nkhondo ya zuŵa likuru la Ciuta, Mwenenkhongono Zose,” kasi vinthu vizamuŵa vyakuyana wuli na ivyo vikamucitikira Yehoshafati? (2 Mid. 20:15, 17; 32:8; Chiv. 16:14, 16)

   4. Mwakulondezga Ŵalevi, kasi ŵapayiniya na ŵamishonale ŵakovwira wuli nchito ya kupharazga pa caru cose mazuŵa ghano? (2 Mid. 20:19, 21; Rom. 10:13-15; 2 Tim. 4:2)

Nkhani Nambara 68

Ŵasepuka Ŵaŵiri Awo Ŵakaŵaso Ŵamoyo

1. Kasi ŵanthu ŵatatu awo ŵali apa mbanjani, ndipo nchivici ico cacitikira mwana musepuka uyu?

2. Cifukwa wuli Eliya wakamulombera mwana uyu, ndipo nchivici cikacitika?

3. Kasi movwiri wa Eliya wakaŵa njani?

4. Cifukwa wuli Eliya wakacemekera ku nyumba ya mwanakazi wa ku Shunemu?

5. Kasi Eliya wakacitaci, ndipo nchivici ico cikacitikira mwana uyo wakafwa?

6. Kasi Yehova wali na nkhongono za mtundu mbu, nga ni umo wakalongolera kwizira mwa Eliya na Elisha?

Mafumbo ghanyake:

1. Ŵazgani 1 Mathemba 17:8-24.

   1. Kasi kugomezgeka kwa Eliya na cipulikano cake vikayezgeka wuli? (1 Mathe. 17:9; 19:1-4, 10)

   2. Cifukwa wuli cipulikano ca mwanakazi wa ku Zarefati uyo wakaŵa cokoro cikaŵa capadera? (1 Mathe. 17:12-16; Luka 4:25, 26)

   3. Ivyo vikacitikira cokoro ca ku Zarefati vikusimikizgira wuli unenesko wa mazgu gha Yesu agho ghali pa Mateyu 10:41, 42? (1 Mathe. 17:10-12, 17, 23, 24)

2. Ŵazgani 2 Mathemba 4:8-37.

   1. Kasi mwanakazi wa ku Shunemu wakutisambizgaci pa nkhani ya kupokelera ŵalendo? (2 Mathe. 4:8; Luka 6:38; Rom. 12:13; 1 Yoh. 3:17)

   2. Kasi tingalongora wuli lusungu ku ŵateŵeti ŵa Ciuta mazuŵa ghano? (Mil. 20:35; 28:1, 2; Gal. 6:9, 10; Heb. 6:10)

Nkhani Nambara 69

Kasungwana Kakawovwira Mwanalume Wankhongono

1. Pa cithuzithuzi apa, kasi kasungwana kakumuphaliraci mwanakazi uyu?

2. Kasi mwanakazi uyu ni njani, ndipo kasungwana aka kakucitaci mu nyumba ya mwanakazi uyu?

3. Kasi Elisha wakamutuma vici muteŵeti wake kuti wakaphalire Namani, ndipo cifukwa wuli Namani wakakwiya?

4. Nchivici ico cikacitika apo Namani wakapulikira ŵateŵeti ŵake?

5. Cifukwa wuli Elisha wakakana kupokera cawanangwa kufuma kwa Namani, kweni kasi Gehazi wakacitaci?

6. Kasi nchivici ico cikacitikira Gehazi, ndipo tingasambirapo vici?

Mafumbo ghanyake:

1. Ŵazgani 2 Mathemba 5:1-27.

   1. Kasi ciyelezgero ico kasungwana ka Ciisrayeli kakalongora cingakhozga wuli ŵana mazuŵa ghano? (2 Mathe. 5:3; Sal. 8:2; 148:12, 13)

   2. Cifukwa wuli nchiwemi kukumbukira ciyelezgero ca Namani para tikupika ulongozgi wa m’Malemba? (2 Mathe. 5:15; Heb. 12:5, 6; Yak. 4:6)

   3. Para tikuyaniska ivyo wakacita Elisha na ivyo wakacita Gehazi, kasi tikusambirapo vici? (2 Mathe. 5:9, 10, 14-16, 20; Mat. 10:8; Mil. 5:1-5; 2 Kor. 2:17)

Nkhani Nambara 70

Yona na Cisomba Cikuru

1. Kasi Yona wakaŵa njani, ndipo Yehova wakamuphalira kuti waciteci?

2. Cifukwa cakuti wakakhumba yayi kuluta uko Yehova wakamutuma, kasi Yona wakacita wuli?

3. Kuti nyanja yiŵe bata, kasi Yona wakaŵaphaliraci awo ŵakendeskanga boti?

4. Nga ni umo mukuwonera pa cithuzithuzi apa, kasi nchivici cikacitika apo Yona wakati wabira mu maji?

5. Kasi wakakhala mu nthumbo ya cisomba kwa utali wuli, ndipo wakacitangamo vici?

6. Cisomba cikati camuwukura pa mtunda, kasi Yona wakaluta nkhu, ndipo tikusambirapo vici?

Mafumbo ghanyake:

1. Ŵazgani Yona 1:1-17.

   Kasi Yona wakayiwona wuli nchito iyo wakapika ya kupharazgira ŵanthu ŵa ku Nineve? (Yona 1:2, 3; Zinth. 3:7; Muph. 8:12)

2. Ŵazgani Yona 2:1, 2, 10.

   Ivyo vikamucitikira Yona vikutisimikizgira wuli kuti Yehova wakuzgora malumbo ghithu? (Sal. 22:24; 34:6; 1 Yoh. 5:14)

3. Ŵazgani Yona 3:1-10.

   1. Kasi fundo yakuti Yehova wakalutilira kugwiliskira nchito Yona nangauli pakwamba wakatondeka kukwaniska uteŵeti wake yikutikhozga wuli? (Sal. 103:14; 1 Pet. 5:10)

   2. Kasi ukhaliro uwo Yona wakawona ku Nineve ukutisambizga vici para tingeruzgirathu ŵanthu ŵa mu cigaŵa cithu? (Yona 3:6-9; Muph. 11:6; Mil. 13:48)

Nkhani Nambara 71

Ciuta Wakalayizga Paradiso

1. Kasi Yesaya wakaŵa njani, wakaŵako pa nyengo mbu, ndipo Yehova wakamulongora vici?

2. Lizgu lakuti “paradiso” likung’anamuraci, ndipo likumukumbuskani vici?

3. Kasi Yehova wakamuphalira Yesaya kuti walembe vici vyakukhwaskana na Paradiso muphya?

4. Cifukwa wuli Adamu na Heva ŵakataya malo ghawo ghakutowa?

5. Kasi Yehova walayizga vici ku ŵanthu awo ŵakumutemwa?

Mafumbo ghanyake:

1. Ŵazgani Yesaya 11:6-9.

   1. Kasi Mazgu gha Ciuta ghakulongosora wuli za mtende uwo uzamuŵapo pakati pa vinyama na ŵanthu mu caru ciphya? (Sal. 148:10, 13; Yes. 65:25; Ezek. 34:25)

   2. Kasi mazgu gha Yesaya ghakufiskika wuli pa ŵanthu ŵa Yehova mazuŵa ghano? (Rom. 12:2; Efe. 4:23, 24)

   3. Kasi ni njani uyo wakwenera kuwongeka cifukwa ca kusintha kwa makhaliro ghithu sono ndiposo mu caru ciphya? (Yes. 48:17, 18; Gal. 5:22, 23; Fil. 4:7)

2. Ŵazgani Civumbuzi 21:3, 4.

   1. Kasi Malemba ghakulongora wuli kuti Ciuta wakukhala na ŵanthu pa caru capasi mwakuyelezgera waka? (Lev. 26:11, 12; 2 Mid. 6:18; Yes. 66:1; Chiv. 21:2, 3, 22-24)

   2. Ni masozi na vyakuŵinya wuli ivyo vizamuŵakoso yayi? (Luka 8:49-52; Rom. 8:21, 22; Chiv. 21:4)

Nkhani Nambara 72

Ciuta Wakawovwira Fumu Hezekiya

1. Kasi mwanalume uyo wali pa cithuzithuzi apa ni njani, ndipo nchifukwa wuli wali mu suzgo yikuru?

2. Kasi makalata agho Hezekiya waghaŵika panthazi apa nga vici, ndipo wakulombaci?

3. Kasi Hezekiya ni fumu ya mtundu mbu, ndipo ni uthenga wuli uwo Yehova wakatuma kwizira mwa nchimi Yesaya?

4. Kasi mungelo wa Yehova wakacita nawo vici Ŵasiriya, nga ni umo cithuzithuzi ici cikulongolera?

5. Nangauli ufumu wa mafuko ghaŵiri ukaŵa pa mtende kwa nyengo yicoko waka, kasi nchivici cikacitika apo Hezekiya wakati wafwa?

Mafumbo ghanyake:

1. Ŵazgani 2 Mathemba 18:1-36.

   1. Ni mwauli umo Rabusheke wakacitira kuti watimbanizge cigomezgo ca Ŵaisrayeli? (2 Mathe. 18:19, 21; Eks. 5:2; Sal. 64:3)

   2. Para ŵakususkika, kasi Ŵakaboni ŵa Yehova wakulondezga wuli ciyelezgero ca Hezekiya? (2 Mathe. 18:36; Sal. 39:1; Zinth. 26:4; 2 Tim. 2:24)

2. Ŵazgani 2 Mathemba 19:1-37.

   1. Kasi ŵanthu ŵa Yehova mazuŵa ghano ŵakulondezga wuli Hezekiya para ŵali mu suzgo yikuru? (2 Mathe. 19:1, 2; Zinth. 3:5, 6; Heb. 10:24, 25; Yak. 5:14, 15)

   2. Kasi Fumu Senakeribu yikathereskeka mu nthowa zitatu zini, ndipo yikwimira njani mwakuyana na ucimi? (2 Mathe. 19:32, 35, 37; Chiv. 20:2, 3)

3. Ŵazgani 2 Mathemba 21:1-6, 16.

   Cifukwa wuli tingayowoya kuti Manase wakaŵa yumoza wa mafumu ghaheni comene agho ghakawusa mu Yerusalemu? (2 Mid. 33:4-6, 9)

Nkhani Nambara 73

Fumu Yiwemi Yaumaliro ya Israyeli

1. Kasi Yosiya wakaŵa fumu apo wakaŵa na vilimika vilinga, ndipo wakamba kucitaci wakati waŵa fumu kwa vilimika seveni?

2. Pa cithuzithuzi cakwamba, kasi Yosiya wakucitaci?

3. Kasi musofi mukuru wakasanga vici apo ŵanalume ŵakanozganga tempele?

4. Cifukwa wuli Yosiya wakapalura vyakuvwara vyake?

5. Kasi Huda, nchimi yanakazi, yikamuphalira Yosiya uthenga wuli wakufuma kwa Yehova?

Mafumbo ghanyake:

1. Ŵazgani 2 Midauko 34:1-28.

   1. Kasi Yosiya nchiyelezgero wuli ku ŵanthu awo ŵakuzizipizga masuzgo pa wanici wawo? (2 Mid. 33:21-25; 34:1, 2; Sal. 27:10)

   2. Ni vinthu wuli vyakuzirwa ivyo Yosiya wakacita pa kukhozgera kusopa kwaunenesko mu vilimika vya nambara 8, 12, na 18 vya kuwusa kwake? (2 Mid. 34:3, 8)

   3. Kasi ni sambiro wuli la kupwelelera malo ghakusoperamo ilo tikusambira mu ciyelezgero ca Fumu Yosiya na Musofi Mukuru Hilikiya? (2 Mid. 34:9-13; Zinth. 11:14; 1 Kor. 10:31)

Nkhani Nambara 74

Mwanalume Wambura Wofi

1. Kasi mwanalume uyo wali pa cithuzithuzi ni apa njani?

2. Kasi Yeremiya wakaghanaghanaci za kuŵa nchimi, ndipo Yehova wakamuphalira vici?

3. Ni uthenga wuli uwo Yeremiya wakaphaliranga ŵanthu?

4. Kasi ŵasofi ŵakayezgayezga wuli kumukanizga Yeremiya, kweni iye wakalongora wuli kuti wakaŵavya wofi?

5. Kasi nchivici cikaŵacitikira Ŵaisrayeli cifukwa ca kuleka kusintha mendero ghawo ghaheni?

Mafumbo ghanyake:

1. Ŵazgani Yeremiya 1:1-8.

   1. Mwakuyana na ciyelezgero ca Yeremiya, kasi nchivici ico cikupangiska kuti munthu waŵe wakwenelera kuteŵetera Yehova? (2 Kor. 3:5, 6)

   2. Kasi ŵawukirano Ŵacikhristu mazuŵa ghano ŵakukhozgeka wuli na ciyelezgero ca Yeremiya? (Muph. 12:1; 1 Tim. 4:12)

2. Ŵazgani Yeremiya 10:1-5.

   Kasi ni ciyelezgero wuli cambura kususkika ico Yeremiya wakayowoya kulongora uheni wakugomezga vikozgo? (Yer. 10:5; Yes. 46:7; Hab. 2:19)

3. Ŵazgani Yeremiya 26:1-16.

   1. Para ŵakucenjezga ŵanthu mazuŵa ghano, ni mwauli umo Ŵakhristu ŵakuphakazgika na mzimu wa Ciuta ŵakulondezgera ivyo Yehova wakaphalira Yeremiya kuti ‘ŵaleke kusida lizgu nanga ndimoza’? (Yer. 26:2; Dute. 4:2; Mil. 20:27)

   2. Nchiyelezgero wuli ciwemi ico Yeremiya wakapeleka ku Ŵakaboni ŵa Yehova mazuŵa ghano ca kucenjezga ŵanthu ŵa mitundu? (Yer. 26:8, 12, 14, 15; 2 Tim. 4:1-5)

4. Ŵazgani 2 Mathemba 24:1-17.

   Nchivici ico cikacitikira Yuda cifukwa ca kuleka kugomezgeka kwa Yehova? (2 Mathe. 24:2-4, 14)

Nkhani Nambara 75

Ŵasepuka Ŵanayi Awo Ŵakaŵa mu Babulone

1. Kasi ŵasepuka ŵanayi awo ŵali pa cithuzithuzi mbanjani, ndipo cifukwa wuli ŵakusangika ku Babulone?

2. Kasi Nebukadinezara wakukhumba kucita nawo vici ŵasepuka ŵanayi aŵa, ndipo wakaŵatuma vici ŵateŵeti ŵake?

3. Kasi Daniyele wakapemphaci pakukhwaskana na cakurya na vyakumwa vya iyo na ŵanyake ŵatatu?

4. Ŵati ŵarya mphangwe kwa mazuŵa 10, kasi Daniyele na ŵanyake ŵatatu ŵakawonekanga wuli pakuyelezgera na ŵanyamata ŵanyawo?

5. Kasi Daniyele na ŵanyake ŵatatu ŵakasangika wuli mu nyumba ya fumu, ni mwauli umo ŵakaŵira ŵapadera kuluska ŵasofi na ŵanalume ŵamahara?

Mafumbo ghanyake:

1. Ŵazgani Daniel 1:1-21.

   1. Usange tikukhumba kuti titonde viyezgo na kulopwa mu cipulikano, kasi tikwenera kuyezgayezga kucita vici? (Dan. 1:8; Gen. 39:7, 10; Gal. 6:9)

   2. Kasi ŵawukirano ŵangayezgeka wuli kuti ŵacite vinthu ivyo ŵanji wakuviwona kuŵa vyakusanguluska? (Dan. 1:8; Zinth. 20:1; 2 Kor. 6:17–7:1)

   3. Kasi nkhani ya Ŵahebere ŵanayi iyo yikusangika mu Baibolo yikutovwira wuli za kugwiliskira nchito mahara gha caru? (Dan. 1:20; Yes. 54:13; 1 Kor. 3:18-20)

Nkhani Nambara 76

Yerusalemu Wakabwangandulika

1. Kasi nchivici ico cikucitikira msumba wa Yerusalemu ndiposo Ŵaisrayeli awo ŵalongoleka pa cithuzithuzi ici?

2. Kasi Ezekiyeli wakaŵa njani, ndipo ni vinthu wuli viheni ivyo Yehova wakamulongora?

3. Kasi Yehova wakaŵalayizga vici Ŵaisrayeli cifukwa ca kuleka kumucindika?

4. Kasi Fumu Nebukadinezara yikacitaci pamanyuma pakuti Ŵaisrayeli ŵayigalukira?

5. Cifukwa wuli Yehova wakazomerezga kuti Ŵaisrayeli ŵaparanyike?

6. Cifukwa wuli caru ca Israyeli cikakhala cambura ŵanthu, ndipo kwautali wuli?

Mafumbo ghanyake:

1. Ŵazgani 2 Mathemba 25:1-26.

   1. Kasi Zedekiya wakaŵa njani, nchivici ico cikamucitikira, ndipo ici cikafiska wuli ucimi wa Baibolo? (2 Mathe. 25:5-7; Ezek. 12:13-15)

   2. Ni njani uyo wakeruzgika cifukwa ca kwananga kwa Ŵaisrayeli? (2 Mathe. 25:9, 11, 12, 18, 19; 2 Mid. 36:14, 17)

2. Ŵazgani Ezekiel 8:1-18.

   Kasi visopo vya Cikhristu cautesi vikulondezga wuli Ŵaisrayeli ŵakugaluka awo ŵakasopanga dazi? (Ezek. 8:16; Yes. 5:20, 21; Yoh. 3:19-21; 2 Tim. 4:3)

Nkhani Nambara 77

Ŵakakana Kujikama

1. Ni dango wuli ilo Nebukadinezara fumu ya Babulone yikapeleka ku ŵanthu?

2. Cifukwa wuli ŵanyamata ŵatatu awo ŵakaŵa ŵanyake ŵa Daniyele ŵakakana kujikamira cikozgo ca golide?

3. Peneapo Nebukadinezara wakaŵapa mupata unyake wakuti ŵajikamire cikozgo, kasi Ŵahebere ŵatatu ŵakalongora wuli kuti ŵakagomezga Yehova?

4. Kasi Nebukadinezara wakatuma ŵanalume ŵake kuti ŵacite vici na Shadiraki, Misheki na Abedinego?

5. Apo Nebukadinezara wakalaŵiska mu ng’anjo, kasi wakawonamo vici?

6. Cifukwa wuli fumu yikacindika Ciuta wa Shadiraki, Misheki, na Abedinego, ndipo ni ciyelezgero wuli ciwemi ico tikwenera kulondezga?

Mafumbo ghanyake:

1. Ŵazgani Daniel 3:1-30.

   1. Kasi ni ukhaliro wuli uwo ŵanyamata ŵatatu Ŵacihebere ŵakalongora uwo ŵateŵeti wose ŵa Ciuta ŵakwenera kulondezga para ŵakumana na viyezgo vyakukhwaskana na kugomezgeka kwawo kwa Ciuta? (Dan. 3:17, 18; Mat. 10:28; Rom. 14:7, 8)

   2. Ni sambiro wuli lakuzirwa ilo Yehova Ciuta wakasambizga Nebukadinezara? (Dan. 3:28, 29; 4:34, 35)

Nkhani Nambara 78

Malemba pa Cimati

1. Kasi nchivici ico cikacitika apo fumu ya ku Babulone yikaŵa na ciphikiro cikuru ndipo yikagwiliskira nchito makapu na mbale ivyo vikatoleka mu tempele la Yehova ku Yerusalemu?

2. Kasi Belishazara wakaŵaphalira vici ŵanalume ŵake ŵavinjeru, ndipo ŵakatondeka kucita vici?

3. Kasi amama ŵa Belishazara wakamuphalira kuti wacite vici?

4. Mwakuyana na ivyo Daniyele wakaphalira fumu, nchifukwa wuli Ciuta wakatuma woko na kulemba pa cimati?

5. Kasi Daniyele wakalongosora wuli ng’anamuro la malemba agho ghakalembeka pa cimati?

6. Apo Daniyele wakaŵa wacali kuyowoya, nchivici ico cikacitikanga?

Mafumbo ghanyake:

1. Ŵazgani Daniel 5:1-31.

   1. Mungapambaniska wuli kopa Ciuta na wofi uwo Belishazara wakaŵa nawo apo wakawona malemba pa cimati. (Dan. 5:6, 7; Sal. 19:9; Rom. 8:35-39)

   2. Kasi Daniyele wakalongora wuli cikanga apo wakayowoyanga na Belishazara ndiposo ŵanalume ŵakuzirwa? (Dan. 5:17, 18, 22, 26-28; Mil. 4:29)

   3. Kasi cipaturo 5 ca buku la Daniel cikuthuwuska wuli muwuso wa Yehova uwo ngwapacanya pa vyose? (Dan. 4:17, 25; 5:21)

Nkhani Nambara 79

Daniyele mu Cikhululu ca Nkharamu

1. Kasi Dariyasi wakaŵa njani, ndipo wakamuwonanga wuli Daniyele?

2. Kasi ŵanalume ŵanyake ŵa sanji ŵakaphalira Dariyasi kuti wacite vici?

3. Kasi Daniyele wakacitaci wakati wapulika za dango liphya?

4. Cifukwa wuli Dariyasi wakakwiya comene mwakuti wakatondekanga kugona, ndipo wakacitaci kukati kwaca mulenji?

5. Kasi Daniyele wakamuzgora wuli Dariyasi?

6. Nchivici ico cikacitikira ŵanalume awo ŵakakhumbanga kukoma Daniyele, ndipo Dariyasi wakaŵaphalira vici ŵanthu wose ŵa mu ufumu wake?

Mafumbo ghanyake:

1. Ŵazgani Daniel 6:1-28.

   1. Kasi ivyo vikamucitikira Daniyele vikutikumbuska vici pa ivyo ŵanthu awo ŵakususka nchito ya Ŵakaboni ŵa Yehova wakucita mazuŵa ghano? (Dan. 6:7; Sal. 94:20; Yes. 10:1; Rom. 8:31)

   2. Kasi ŵateŵeti ŵa Yehova wa lero ŵangalondezga wuli ciyelezgero ca Daniyele ca kulutilira kucindika ‘ŵamazaza ŵalara’? (Dan. 6:5, 10; Rom. 13:1; Mil. 5:29)

   3. Tingalondezga wuli ciyelezgero ca Daniyele ca kuteŵetera Yehova “lutaluta”? (Dan. 6:16, 20; Fil. 3:16; Chiv. 7:15)

Nkhani Nambara 80

Ŵanthu ŵa Ciuta Ŵakawerako ku Babulone

1. Nga ni umo tikuwonera pa cithuzithuzi apa, kasi Ŵaisrayeli ŵakucitaci?

2. Kasi Sayirasi wakafiska wuli ucimi wa Yehova uwo wakayowoya kwizira mwa nchimi Yesaya?

3. Kasi Sayirasi wakaŵaphalira vici Ŵaisrayeli awo ŵakatondeka kuwelera ku Yerusalemu?

4. Ni vinthu wuli ivyo Sayirasi wakapa ŵanthu kuti ŵayeghe pa kuwelera ku Yerusalemu?

5. Kasi Ŵaisrayeli ŵakenda kwa nyengo ya utali wuli kuti ŵakafike ku Yerusalemu?

6. Kasi pakajumpha vilimika vilinga kufuma apo caru cikalekeka cambura ŵanthu?

Mafumbo ghanyake:

1. Ŵazgani Yesaya 44:28 na 45:1-4.

   1. Kasi Yehova wakasimikizga wuli kuti ucimi wake wakukhwaskana na Sayirasi ufiskikenge nadi? (Yes. 55:10, 11; Rom. 4:17)

   2. Kasi ucimi wa Yesaya wakukhwaskana na Sayirasi ukulongora vici za nkhongono za Yehova pa vinthu ivyo vicitikenge munthazi? (Yes. 42:9; 45:21; 46:10, 11; 2 Pet. 1:20)

2. Ŵazgani Ezra 1:1-11.

   Mwakulondezga ciyelezgero ca awo ŵakatondeka kuwelera ku Yerusalemu, kasi ise lero ‘tingakhozga wuli’ awo ŵakukhumba kucita uteŵeti wa nyengo zose? (Ezra 1:4, 6; Rom. 12:13; Kol. 4:12)

Nkhani Nambara 81

Kugomezga Wovwiri wa Ciuta

1. Kasi ni ŵanthu ŵalinga awo ŵakaŵa pa ulendo kufuma ku Babulone kuluta ku Yerusalemu, kweni ŵakati ŵafika ŵakasanga vici?

2. Kasi Ŵaisrayeli ŵakamba kuzenga vici ŵakati ŵafika waka, ndipo ŵalwani ŵawo ŵacitaci?

3. Kasi Hagai na Zekariya ŵakaŵa anjani, ndipo ŵakaphaliranga vici ŵanthu?

4. Cifukwa wuli Tatenayi wakatuma kalata ku Babulone, ndipo wakapokera zgoro wuli?

5. Kasi Ezira wakacitaci wakati wapulika za kukhumbikwa kwa kunozga tempele la Ciuta?

6. Kasi Ezira wakulomba vici pa cithuzithuzi apa, kasi lurombo lwake lukazgoleka wuli, ndipo ici cikutisambizga vici?

Mafumbo ghanyake:

1. Ŵazgani Ezra 3:1-13.

   Usange tikukhala ku cigaŵa ico kulije mpingo wa ŵanthu ŵa Ciuta, kasi tikwenera kulutizga kucitaci? (Ezra 3:3, 6; Mil. 17:16, 17; Heb. 13:15)

2. Ŵazgani Ezra 4:1-7.

   Ni ciyelezgero wuli ico Zerubabele wakalongora cakukhwaskana na kusopa pamoza na visopo ivyo tikupambana cipulikano? (Eks. 34:12; 1 Kor. 15:33; 2 Kor. 6:14-17)

3. Ŵazgani Ezra 5:1-5, 17 na 6:1-22.

   1. Cifukwa wuli ŵanthu ŵakususka ŵakatondeka kulekeska nchito ya kuzenga tempele? (Ezra 5:5; Yes. 54:17)

   2. Kasi ivyo ŵakacita ŵanalume ŵalara Ŵaciyuda vikovwira wuli ŵalara Ŵacikhristu kupenja ulongozgi wa Yehova para ŵakususkika? (Ezra 6:14; Sal. 32:8; Rom. 8:31; Yak. 1:5)

4. Ŵazgani Ezra 8:21-23, 28-36.

   Pambere tindambe kucita vinthu ivyo tikukhumba kucita, kasi nchiyelezgero wuli ciwemi ca Ezira ico tikwenera kulondezga? (Ezra 8:23; Sal. 127:1; Zinth. 10:22; Yak. 4:13-15)

Nkhani Nambara 82

Morodekayi na Esitere

1. Kasi Morodekayi na Esitere ŵakaŵa anjani?

2. Cifukwa wuli Fumu Ahasuweru yikakhumbanga mwanakazi muphya, ndipo wakasankha njani?

3. Kasi Hamani wakaŵa njani, ndipo nchivici ico cikamukwiyiska comene?

4. Kasi ni dango wuli ilo likimikika, ndipo Esitere wakacitaci wakati wapulika uthenga wakufuma kwa Morodekayi?

5. Nchivici ico cikacitikira Hamani, ndiposo nchivici ico cikacitikira Morodekayi?

6. Kasi Ŵaisrayeli ŵakapona wuli ku ŵalwani ŵawo?

Mafumbo ghanyake:

1. Ŵazgani Esther 2:12-18.

   Ni mwauli umo Esitere wakalongolera kuzirwa kwa “mzimu wakujiyuyura na wakuzika”? (Est. 2:15; 1 Pet. 3:1-5)

2. Ŵazgani Esther 4:1-17.

   Nga ni umo Esitere wakapikira mwaŵi wakukhozgera kusopa kwaunenesko, kasi ise tili na mwaŵi wuli mazuŵa ghano wa kulongora kugomezgeka kwithu kwa Yehova? (Est. 4:13, 14; Mat. 5:14-16; 24:14)

3. Ŵazgani Esther 7:1-6.

   Ni mwauli umo ŵanthu ŵa Ciuta lero ŵakuŵikira umoyo wawo pangozi nga ni umo wakacitira Esitere? (Est. 7:4; Mat. 10:16-22; 1 Pet. 2:12)

Nkhani Nambara 83

Viliŵa vya Yerusalemu

1. Kasi Ŵaisrayeli ŵakawonanga wuli kukhala mu msumba wa Yerusalemu wambura viliŵa?

2. Kasi Nehemiya wakaŵa njani?

3. Kasi Nehemiya wakacitanga mulimo wuli, ndipo cifukwa wuli ukaŵa wakuzirwa?

4. Ni nkhani wuli iyo yikapangiska Nehemiya kuti waŵe na citima comene, ndipo wakacitaci?

5. Kasi Fumu Aritakisasi yikalongora wuli lusungu kwa Nehemiya?

6. Kasi Nehemiya wakanozgekera wuli mulimo wakuzenga mwakuti ŵalwani ŵa Israyeli ŵaleke kuŵalekeska?

Mafumbo ghanyake:

1. Ŵazgani Nehemiya 1:4-6 na 2:1-20.

   Kasi Nehemiya wakapenjerezga wuli ulongozgi wa Yehova? (Neh. 2:4, 5; Rom. 12:12; 1 Pet. 4:7)

2. Ŵazgani Nehemiya 3:3-5.

   Kasi ŵalara na ŵateŵeti ŵakovwira ŵangasambiraci kufuma ku mphambano ya pakati pa Ŵatekowa na “ŵakuru ŵawo”? (Neh. 3:5, 27; 2 Tes. 3:7-10; 1 Pet. 5:5)

3. Ŵazgani Nehemiya 4:1-23.

   1. Nchivici ico cikapangiska Ŵaisrayeli kulutizga kuzenga mwambura kupwelerako kanthu za ŵanthu ŵakususka? (Neh. 4:6, 8, 9; Sal. 50:15; Yes. 65:13, 14)

   2. Kasi tikukhozgeka wuli na ciyelezgero ca Ŵaisrayeli mazuŵa ghano?

4. Ŵazgani Nehemiya 6:15.

   Kasi fundo yakuti viliŵa vya Yerusalemu vikamara kuzengeka mu myezi yiŵiri yikulongoraci za nkhongono ya cipulikano? (Sal. 56:3, 4; Mat. 17:20; 19:26)

Nkhani Nambara 84

Mungelo Wakiza kwa Mariya

1. Kasi mwanakazi uyo wali pa cithuzithuzi ici ni njani?

2. Kasi Gabriyeli wakamuphalira vici Mariya?

3. Kasi Gabriyeli wakalongosora wuli kwa Mariya kuti waŵenge na mwana nangauli wandakhalepo pamoza na mwanalume?

4. Nchivici ico cikacitika peneapo Mariya wakaluta kwa Elizabeti?

5. Kasi Yosefe wakaghanaghana vici wakati wapulika kuti Mariya wali na nthumbo, kweni nchifukwa wuli wakasintha maghanoghano ghake?

Mafumbo ghanyake:

1. Ŵazgani Luka 1:26-56.

   1. Kasi lemba Luka 1:35 likulongosora wuli za kwananga kulikose uko Mariya wakahara kwa Adamu peneapo Ciuta wakasamuska umoyo wa Mwana wake kufuma kucanya? (Hag. 2:11-13; Yoh. 6:69; Heb. 7:26; 10:5)

   2. Kasi Yesu wakacindikika wuli nanga ni apo wakaŵa wandababike? (Luka 1:41-43)

   3. Kasi Mariya nchiyelezgero wuli ciwemi ku Ŵakhristu awo ŵakupika mauteŵeti ghakuzirwa mazuŵa ghano? (Luka 1:38, 46-49; 17:10; Zinth. 11:2)

2. Ŵazgani Mateyu 1:18-25.

   Nangauli Yesu wakapika cara zina lakuti Emanuweli, kasi kacitiro kake ka vinthu kakufiska wuli ng’anamuro la zina ili? (Mat. 1:22, 23; Yoh. 14:8-10; Heb. 1:1-3)

Nkhani Nambara 85

Yesu Wakababikira mu Ciŵaya

1. Kasi bonda uyo wali pa cithuzithuzi ici ni njani, ndipo Mariya wakumugoneka mu vici?

2. Cifukwa wuli Yesu wakababikira mu ciŵaya?

3. Pa cithuzithuzi apa, kasi ŵanalume awo ŵakunjira mu ciŵaya mbanjani, ndipo mungelo wakaŵaphalira vici?

4. Cifukwa wuli Yesu ngwapadera?

5. Cifukwa wuli Yesu wakucemeka Mwana wa Ciuta?

Mafumbo ghanyake:

1. Ŵazgani Luka 2:1-20.

   1. Kasi Kesare Augusto wakacita vici kuti ucimi wakuyowoya za kubabika wa Yesu ufiskike? (Luka 2:1-4; Mika 5:2)

   2. Kasi munthu wangacita wuli kuti waŵe yumoza wa ‘ŵanthu ŵeneawo ŵakuca na’ mtende? (Luka 2:14; Mat. 16:24; Yoh. 17:3; Mil. 3:19; Heb. 11:6)

   3. Usange ŵaliska ŵakujipepura Ŵaciyuda ŵakaŵa na cifukwa cakuŵira na cimwemwe cifukwa ca kubabika kwa Muponoski, kasi ŵateŵeti ŵa Ciuta mazuŵa ghano ŵali na cimwemwe cikuru wuli? (Luka 2:10, 11; Efe. 3:8, 9; Chiv. 11:15; 14:6)

Nkhani Nambara 86

Ŵanalume Awo Ŵakalongozgeka na Nyenyezi

1. Kasi ŵanalume awo ŵali pa cithuzithuzi apa mbanjani, ndipo nchifukwa wuli yumoza wa iwo wakulongora nyenyezi iyo yikuŵala comene?

2. Cifukwa wuli Fumu Herode yikakwiya comene, ndipo yikacita vici?

3. Kasi nyenyezi yakuŵala yikaŵalongozgera nkhu ŵanalume, kweni nchifukwa wuli ŵakenda nthowa yinyake pakuwelera ku caru ca kwawo?

4. Kasi Herode wakaŵaphalira vici, ndipo cifukwa wuli?

5. Kasi Yehova wakaphalira Yosefe kuti wacite vici?

6. Ni njani uyo wakapangiska kuti nyenyezi yira yiŵare, ndipo cifukwa wuli?

Fumbo linyake:

1. Ŵazgani Mateyu 2:1-23.

   Kasi Yesu wakaŵa na vilimika vilinga ndipo wakakhalanga nkhu apo ŵavinjeru ŵa kumafumiro gha dazi ŵakamucezgera? (Mat. 2:1, 11, 16)

Nkhani Nambara 87

Yesu mu Tempele

1. Kasi pa cithuzithuzi ici Yesu wali na vilimika vilinga, ndipo wali nkhu?

2. Kasi Yosefe wakalutanga nkhu na mbumba yake cilimika cilicose?

3. Zuŵa linyake apo ŵakaŵa pa ulendo wakuwelera ku kukaya kwawo, cifukwa wuli Yosefe na Mariya ŵakaweleraso ku Yerusalemu?

4. Kasi Mariya na Yosefe ŵakamusanga nkhu Yesu, ndipo ŵanthu ŵakazizwa na vici?

5. Kasi Yesu wakaŵazgora wuli amama ŵake, a Mariya?

6. Kasi tingacita wuli kuti tiŵe nga ni Yesu pa kusambira za Ciuta?

Mafumbo ghanyake:

1. Ŵazgani Luka 2:41-52.

   1. Nangauli Dango likakhumbanga kuti ŵanalume pera ndiwo ŵasangikengepo pa ungano wa pa cilimika, kasi ni ciyelezgero wuli ico Yosefe na Mariya ŵakupeleka ku ŵapapi mazuŵa ghano? (Luka 2:41; Dute. 16:16; 31:12; Zinth. 22:6)

   2. Kasi Yesu wakalongora ciyelezgero wuli ku ŵana ŵa lero ca kujilambika ku ŵapapi? (Luka 2:51; Dute. 5:16; Zinth. 23:22; Kol. 3:20)

2. Ŵazgani Mateyu 13:53-56.

   Kasi mazina ghanayi gha ŵanung’una ŵa Yesu agho ghakuzunulika mu Baibolo ni nga, ndipo ŵaŵiri ŵa iwo ŵakawovwira wuli mpingo Wacikhristu? (Mat. 13:55; Mil. 12:17; 15:6, 13; 21:18; Gal. 1:19; Yak. 1:1; Yuda 1)

Nkhani Nambara 88

Yohane Wakabapatiza Yesu

1. Kasi ŵanalume ŵaŵiri awo ŵali pa cithuzithuzi apa mbanjani?

2. Kasi munthu wakubapatizika wuli?

3. Kasi Yohane wakabapatizanga ŵanthu awo ŵacita vici?

4. Kasi pakaŵa cifukwa wuli capadera ico cikapangiska Yesu kulomba Yohane kuti wamubapatize?

5. Ciuta wakalongora wuli kuti wakakondwa na kubapatizika kwa Yesu?

6. Nchivici ico cikacitika apo Yesu wakaluta ku malo gha yekha kwa mazuŵa 40?

7. Kasi ŵanyake mwa ŵasambiri ŵa Yesu ŵakwamba mbanjani, ndipo munthondwe wakwamba uwo wakacita ukaŵa vici?

Mafumbo ghanyake:

1. Ŵazgani Mateyu 3:13-17.

   Nchiyelezgero wuli ca kubapatiza ico Yesu wakapeleka ku ŵalondezgi ŵake? (Sal. 40:7, 8; Mat. 28:19, 20; Luka 3:21, 22)

2. Ŵazgani Mateyu 4:1-11.

   Kasi kusambizga Malemba mwaluso kwa Yesu kukutikhozga wuli kuti tiŵazgenge Baibolo nyengo zose? (Mat. 4:5-7; 2 Pet. 3:17, 18; 1 Yoh. 4:1)

3. Ŵazgani Yohane 1:29-51.

   Kasi Yohane Mbapatizi wakaŵatuma nkhu ŵasambiri ŵake, ndipo tingamulondezga wuli mazuŵa ghano? (Yoh. 1:29, 35, 36; 3:30; Mat. 23:10)

4. Ŵazgani Yohane 2:1-12.

   Kasi munthondwe wakwamba uwo Yesu wakacita ukulongora wuli kuti Yehova wakuŵanora yayi ŵateŵeti ŵake vinthu viwemi? (Yoh. 2:9, 10; Sal. 84:11; Yak. 1:17)

Nkhani Nambara 89

Yesu Wakatozga Tempele

1. Cifukwa wuli ŵanthu ŵakaguliskanga viŵeto mu tempele?

2. Nchivici ico cikamukwiyiska Yesu?

3. Nga ni umo mukuwonera pa cithuzithuzi apa, kasi Yesu wakucitaci, ndipo wakaŵaphalira vici ŵanalume awo ŵakaguliskanga nkhunda?

4. Ŵakati ŵawona ivyo Yesu wakacitanga, kasi ŵasambiri wake ŵakakumbuka vici?

5. Kasi Yesu wakendera nkhu apo wakaweleranga ku Galileya?

Fumbo linyake:

1. Ŵazgani Yohane 2:13-25.

   Mwakughanaghanira ivyo Yesu wakacitira ŵanthu awo ŵakasinthanga ndarama mu tempele, kasi kucita malonda mu Nyumba ya Ufumu tikwenera kukuwona wuli? (Yoh. 2:15, 16; 1 Kor. 10:24, 31-33)

Nkhani Nambara 90

Na Mwanakazi pa Cisimi

1. Cifukwa wuli Yesu wakhala pasi pafupi na cisimi mu Samariya, ndipo wakuyowoyaci na mwanakazi uyu?

2. Cifukwa wuli mwanakazi wakazizwa, Yesu wakamuphalira vici, ndipo cifukwa wuli?

3. Kasi mwanakazi uyu wakaghanaghana kuti Yesu wakuyowoya za maji wuli, kweni Yesu wakang’anamuranga maji wuli?

4. Cifukwa wuli mwanakazi wakazizwa kuti Yesu wakamumanya makora, ndipo Yesu wakamanya wuli vinthu ivi?

5. Kasi nkhani ya mwanakazi uyo Yesu wakakumana nayo pa cisimi yikutisambizgaci?

Mafumbo ghanyake:

1. Ŵazgani Yohane 4:5-43.

   1. Mwakulondezga ciyelezgero ca Yesu, kasi tikwenera kuŵawona wuli ŵanthu ŵa mafuko ghanyake? (Yoh. 4:9; 1 Kor. 9:22; 1 Tim. 2:3, 4; Tito 2:11)

   2. Ni maphindu wuli ghauzimu agho munthu uyo ni musambiri wa Yesu wakusanga? (Yoh. 4:14; Yes. 58:11; 2 Kor. 4:16)

   3. Kasi tingalondezga wuli ivyo wakacita mwanakazi wa ku Samariya, uyo wakakhumbisiska kuphalira ŵanji ivyo wakasambira? (Yoh. 4:7, 28; Mat. 6:33; Luka 10:40-42)

Nkhani Nambara 91

Yesu Wakasambizga pa Phiri

1. Pa cithuzithuzi apa, ni nkhu uko Yesu wakusambizga, ndipo mbanjani awo ŵakhala kufupi comene na iyo?

2. Zunurani mazina gha ŵapositole 12.

3. Kasi Yesu wakusambizga za Ufumu wuli?

4. Kasi Yesu wakasambizga ŵanthu kuti ŵalombenge vici?

5. Kasi Yesu wakayowoyaci za umo ŵanthu ŵakwenera kucitirana vinthu?

Mafumbo ghanyake:

1. Ŵazgani Mateyu 5:1-12.

   Kasi tingalongora wuli kuti tikupwelelera umoyo withu wauzimu? (Mat. 5:3; Rom. 10:13-15; 1 Tim. 4:13, 15, 16)

2. Ŵazgani Mateyu 5:21-26.

   Kasi lemba la Mateyu 5:23, 24 likudidimizga wuli kuti ubwezi withu na ŵabali ukukhwaskaso ubwezi withu na Yehova? (Mat. 6:14, 15; Sal. 133:1; Kol. 3:13; 1 Yoh. 4:20)

3. Ŵazgani Mateyu 6:1-8.

   Ni nkharo wuli yiheni iyo Ŵakhristu ŵakwenera kulambalara? (Luka 18:11, 12; 1 Kor. 4:6, 7; 2 Kor. 9:7)

4. Ŵazgani Mateyu 6:25-34.

   Kasi Yesu wakasambizgaci za kukhumbikwa kwa kugomezga Yehova pa cigaŵa ca vinthu vyakuthupi? (Eks. 16:4; Sal. 37:25; Fil. 4:6)

5. Ŵazgani Mateyu 7:1-11.

   Kasi ciyelezgero ca Yesu ico cikusangika pa Mateyu 7:5 cikutisambizgaci? (Zinth. 26:12; Rom. 2:1; 14:10; Yak. 4:11, 12)

Nkhani Nambara 92

Yesu Wakawuska Munthu Wakufwa

1. Pa cithuzithuzi apa, kasi adada ŵa msungwana uyu ni mbani, ndipo nchifukwa wuli iwo na awoli ŵawo mbakwenjerwa comene?

2. Kasi Yayiro wakacitaci wakati wasanga Yesu?

3. Nchivici ico cikacitika apo Yesu wakalutanga ku nyumba ya Yayiro, ndipo Yayiro wakaphalirika vici apo wakaŵa munthowa?

4. Cifukwa wuli ŵanthu ŵakamuseka Yesu mu nyumba ya Yayiro?

5. Apo wakati wanjira na adada na amama ŵa mwana na ŵapositole ŵake ŵatatu mu cipinda ico mukaŵa mwana, kasi Yesu wakacitaci?

6. Kasi mukumanya ŵanthu ŵanyake awo Yesu wakaŵawuska ku ŵakufwa, ndipo ici cikulongora vici?

Mafumbo ghanyake:

1. Ŵazgani Luka 8:40-56.

   Kasi Yesu wakalongora wuli lusungu ku mwanakazi uyo wakaŵa na nthenda ya kusulura ndopa, ndipo ŵalara ŵa mpingo wa Cikhristu ŵakusambirapo vici? (Luka 8:43, 44, 47, 48; Lev. 15:25-27; Mat. 9:12, 13; Kol. 3:12-14)

2. Ŵazgani Luka 7:11-17.

   Kasi ŵanthu awo ŵakutemweka ŵawo ŵali kufwa ŵangapembuzgika wuli na ivyo Yesu wakacitira cokoro ca ku Nayini? (Luka 7:13; 2 Kor. 1:3, 4; Heb. 4:15)

3. Ŵazgani Yohane 11:17-44.

   Kasi Yesu wakalongora wuli kuti nchakawiro kulira para wakutemweka withu wafwa? (Yoh. 11:33-36, 38; 2 Sam. 18:33; 19:1-4)

Nkhani Nambara 93

Yesu Wakaryeska Ŵanthu Ŵanandi

1. Nchinthu wuli cakofya ico cikamucitikira Yohane Mbabapatizi, ndipo Yesu wakakhwaskika wuli?

2. Kasi Yesu wakaryeska wuli ŵanthu awo ŵakamulondezga, ndipo cakurya ico cikakhalako cikaŵa cinandi wuli?

3. Cifukwa wuli ŵasambiri ŵakaŵa na wofi comene pakati pa usiku, ndipo nchivici ico cikamucitikira Petrosi

4. Mukuluta kwa nyengo, kasi Yesu wakaryeska wuli ŵanthu masauzandi ghanandi?

5. Cifukwa wuli tizamukondwa comene para Yesu wayamba kuwusa caru nga ni Fumu ya Ciuta?

Mafumbo ghanyake:

1. Ŵazgani Mateyu 14:1-32.

   1. Kasi nkhani iyo yikusangika pa Mateyu 14:23-32 yikulongosora kuti Petrosi wakaŵa na nkharo wuli?

   2. Kasi Malemba ghakulongosora wuli kuti Petrosi wakasintha na kuleka nkharo yake yakale? (Mat. 14:27-30; Yoh. 18:10; 21:7; Mil. 2:14, 37-40; 1 Pet. 5:6, 10)

2. Ŵazgani Mateyu 15:29-38.

   Kasi Yesu wakawonga wuli cakurya ico Ŵadada ŵake ŵakamupa? (Mat. 15:37; Yoh. 6:12; Kol. 3:15)

3. Ŵazgani Yohane 6:1-21.

   Kasi Ŵakhristu mazuŵa ghano ŵangalondezga wuli Yesu pa nkhani ya kucindika boma? (Yoh. 6:15; Mat. 22:21; Rom. 12:2; 13:1-4)

Nkhani Nambara 94

Wakutemwa Ŵana

1. Kasi ŵapositole ŵakapindananga vici mu nthowa apo ŵakafumanga ku ulendo utali?

2. Cifukwa wuli Yesu wakacema musepuka mucoko na kumwimika panthazi pa ŵapositole?

3. Kasi ŵapositole ŵakenera kusambira vici kuti ŵaŵe nga ni ŵana?

4. Pati pajumpha myezi yicoko waka, kasi Yesu wakalongora wuli kuti wakutemwa ŵana?

Mafumbo ghanyake:

1. Ŵazgani Mateyu 18:1-4.

   Cifukwa wuli Yesu wakayowoyanga ntharika pakusambizga? (Mat. 13:34, 36; Mrk. 4:33, 34)

2. Ŵazgani Mateyu 19:13-15.

   Kasi ni mikhaliro wuli ya ŵana iyo tikwenera kulondezga usange tikukhumba kuti tisange vitumbiko vya Ufumu? (Sal. 25:9; 138:6; 1 Kor. 14:20)

3. Ŵazgani Marko 9:33-37.

   Kasi Yesu wakasambizga vici ŵasambiri ŵake pa nkhani yakukhumba kuŵa wakuzirwa? (Mrk. 9:35; Mat. 20:25, 26; Gal. 6:3; Fil. 2:5-8)

4. Ŵazgani Marko 10:13-16.

   Nchifukwa wuli ŵanthu ŵakawopanga yayi kwiza kwa Yesu, ndipo Ŵalara ŵa mpingo ŵangasambirapo vici kwa iyo? (Mrk. 6:30-34; Fil. 2:1-4; 1 Tim. 4:12)

Nkhani Nambara 95

Umo Yesu Wakasambizgiranga

1. Kasi mwanalume munyake wakafumba Yesu fumbo lakuti mbu, ndipo cifukwa wuli?

2. Nyengo zinyake Yesu wakasambizganga mwakuyowoyaci, ndipo ni vici ivyo tasambira vyakukhwaskana na Ŵayuda na Ŵasamariya?

3. Mu nkhani iyo Yesu wakayowoya, nchivici ico cikacitikira Muyuda uyo wakikhanga kuya ku Yeriko?

4. Kasi cikacitika nchivici apo musofi Waciyuda ndiposo Mulevi ŵakendanga mu nthowa yeneyiyo?

5. Pa cithuzithuzi apa, kasi ni njani uyo wakovwira Muyuda uyo watimbika?

6. Wati wamalizga kuyowoya ntharika yake, kasi Yesu wakafumba fumbo wuli, ndipo mwanalume yura wakazgora mbu?

Mafumbo ghanyake:

1. Ŵazgani Luka 10:25-37.

   1. M’malo mwa kuzgora mwakudunjika, kasi Yesu wakawovwira wuli mwanalume wakumanya Malango kuti waghanaghanire makora nkhani iyi? (Luka 10:26; Mat. 16:13-16)

   2. Nchifukwa wuli Yesu wakayowoyanga ntharika kuti wamazge ukhaliro wakutemwera uwo ukaŵa pakati pa ŵapulikizgi ŵake? (Luka 10:36, 37; 18:9-14; Tito 1:9)

Nkhani Nambara 96

Yesu Wakacizganga Ŵalwari

1. Kasi Yesu wakacitanga vici peneapo wakendanga mu caru?

2. Pakati pajumpha vilimika pafupifupi vitatu kufumira apo Yesu wakabapatizikira, kasi wakaŵaphalira vici ŵapositole ŵake?

3. Kasi ŵanthu awo ŵali pa cithuzithuzi apa mbanjani, ndipo Yesu wakucita wuli na mwanakazi uyu?

4. Cifukwa wuli ŵalongozgi ŵa cisopo awo ŵakasuskanga Yesu ŵakakhozgeka soni na umo Yesu wakaŵazgolera?

5. Peneapo Yesu na ŵasambiri ŵake ŵakafika kuwaro kwa tawuni ya Yeriko, kasi Yesu wakacita vici ku ŵaciburumutira ŵaŵiri?

6. Cifukwa wuli Yesu wakacitanga minthondwe?

Mafumbo ghanyake:

1. Ŵazgani Mateyu 15:30, 31.

   Kasi nkhongono zakuziziswa za Yehova zikawoneka wuli mwa Yesu, ndipo zikukhwaska wuli kaghanaghaniro kithu kulazga ku caru ciphya ico Yehova walayizga? (Sal. 37:29; Yes. 33:24)

2. Ŵazgani Luka 13:10-17.

   Kasi fundo yakuti Yesu wakacita minthondwe yakuzirwa comene pa Sabata yikulongora wuli cipembuzgo ico cizamuŵako ku ŵanthu mu Muwuso wake wa Vilimika Wanu Sauzandi? (Luka 13:10-13; Sal. 46:9; Mat. 12:8; Kol. 2:16, 17; Chiv. 21:1-4)

3. Ŵazgani Mateyu 20:29-34.

   Kasi nkhani iyi yikulongora wuli kuti Yesu wakavukanga yayi kovwira ŵanthu, ndipo tingasambirapo vici? (Dute. 15:7; Yak. 2:15, 16; 1 Yoh. 3:17)

Nkhani Nambara 97

Yesu Wakanjira Nga ni Fumu

1. Peneapo Yesu wakaluta ku cikaya cinyake pafupi na Yerusalemu, kasi wakaphalira ŵasambiri ŵake kuti wacite vici?

2. Pa cithuzithuzi apa, kasi cikacitika nchivici apo Yesu wakafika pafupi na msumba wa Yerusalemu?

3. Kasi ŵana ŵacoko ŵakacita vici ŵati ŵawona Yesu wakucizga ŵanthu ŵaciburumutira na ŵakupendera?

4. Kasi Yesu wakaŵaphalira vici ŵasofi awo ŵakakwiya kwa zanimuwone?

5. Kasi tingacita wuli kuti tiŵe nga ni ŵana awo ŵakalumba Yesu?

6. Kasi ŵasambiri ŵakakhumbanga kuti ŵamanye vici?

Mafumbo ghanyake:

1. Ŵazgani Mateyu 21:1-17.

   1. Ni mphambano wuli iyo yikaŵapo umo Yesu wakanjilira mu Yerusalemu nga ni Fumu na umo ŵakanjiliranga ŵalongozgi ŵa ŵasilikari wa Ciroma? (Mat. 21:4, 5; Zek. 9:9; Fil. 2:5-8; Kol. 2:15)

   2. Kasi ŵana ŵangasambira vici kufuma ku ŵana Ŵaciisrayeli awo wakazunura mazgu gha mu buku la Salmo 118, apo Yesu wakanjiranga mu tempele? (Mat. 21:9, 15; Sal. 118:25, 26; 2 Tim. 3:15; 2 Pet. 3:18)

2. Ŵazgani Yohane 12:12-16.

   Kasi kugwiliskira nchito mahamba gha vinchindo uko ŵanthu wakacita pa kulumba Yesu kukayimira vici? (Yoh. 12:13; Fil. 2:10; Chiv. 7:9, 10)

Nkhani Nambara 98

Pa Phiri la Olive

1. Pa cithuzithuzi apa, kasi Yesu ni nju, ndipo wali na njani?

2. Kasi ŵasofi wakakhumbanga kucita vici na Yesu mu tempele, ndipo wakaŵaphaliraci?

3. Kasi ŵapositole ŵakamufumba vici Yesu?

4. Cifukwa wuli Yesu wakaphalira ŵapositole ŵake vinthu vinyake ivyo vizamucitika pa caru capasi para iyo wayamba kuwusa nga ni Fumu kucanya?

5. Ni vinthu wuli ivyo Yesu wakati vizamucitika pambere wandamazge uheni wose pa caru capasi?

Mafumbo ghanyake:

1. Ŵazgani Mateyu 23:1-39.

   1. Nangauli Malemba ghakuyowoya kuti mazina ghakulongora udindo wa munthu ghangaŵa ghakwenelera, kasi ivyo Yesu wakayowoya pa Mateyu 23:8-11 vikulongoraci za kumanyikwa na mazina agho ghakulongora udindo wa munthu mu mpingo wa Cikhristu? (Mil. 26:25; Rom. 13:7; 1 Pet. 2:13, 14)

   2. Kasi Ŵafarisi ŵakatondeskanga wuli ŵanthu kuti ŵaŵe Ŵakhristu, ndipo ŵalongozgi ŵa visopo ŵakulondezga wuli kacitiro aka mazuŵa ghano? (Mat. 23:13; Luka 11:52; Yoh. 9:22; 12:42; 1 Tes. 2:16)

2. Ŵazgani Mateyu 24:1-14.

   1. Kasi lemba la Mateyu 24:13 likudidimizga wuli kuzirwa kwa kuzizipizga?

   2. Kasi lizgu lakuti “ku umaliro” ilo lili pa Mateyu 24:13 likung’anamuraci? (Mat. 16:27; Rom. 14:10-12; 2 Kor. 5:10)

3. Ŵazgani Marko 13:3-10.

   Pa lemba la Marko 13:10, ni lizgu wuli ilo likulongora kukhumbikwa kwa kupharazga makani ghawemi mwamwamphu, ndipo mazgu agho Yesu wakayowoya ghakwenera kutikhwaska wuli? (Rom. 13:11, 12; 1 Kor. 7:29-31; 2 Tim. 4:2)

Nkhani Nambara 99

Mu Cipinda ca Pacanya

1. Nga ni umo mukuwonera pa cithuzithuzi apa, cifukwa wuli Yesu na ŵapositole ŵake 12 ŵali mu cipinda cikuru ca pacanya?

2. Kasi mwanalume uyo wakufumira kuwaro ni njani, ndipo wakuluta kukacita vici?

3. Kasi ni cakurya wuli capadera ico Yesu wakambiska pamanyuma pakuti cakurya ca Paska camara?

4. Kasi Paska yikakumbuskanga vici Ŵaisrayeli, ndipo cakurya capadera ici cikuŵakumbuska vici ŵalondezgi ŵa Yesu?

5. Ŵati ŵamara Mugonero wa Fumu, Yesu wakaŵaphaliraci ŵapositole ŵake, ndipo ŵakacitaci?

Mafumbo ghanyake:

1. Ŵazgani Mateyu 26:14-30.

   1. Kasi lemba la Mateyu 26:15 likulongora wuli kuti Yuda wakacita kunozgekera kuti wapeleke Yesu?

   2. Kasi ndopa za Yesu izo zikathiskika zili na vilato viŵiri vini? (Mat. 26:27, 28; Yer. 31:31-33; Efe. 1:7; Heb. 9:19, 20)

2. Ŵazgani Luka 22:1-39.

   Kasi Satana wakanjira mwa Yuda mu ghanoghano wuli? (Luka 22:3; Yoh. 13:2; Mil. 1:24, 25)

3. Ŵazgani Yohane 13:1-20.

   1. Mwakuyana na Yohane 13:2, kasi Yuda wakwenera kweruzgika cifukwa ca ivyo wakacita, ndipo ŵateŵeti ŵa Ciuta ŵakusambirapo vici pa cakucitika ici? (Gen. 4:7; 2 Kor. 2:11; Gal. 6:1; Yak. 1:13, 14)

   2. Ni sambiro wuli lakuzirwa ilo Yesu wakupeleka? (Yoh. 13:15; Mat. 23:11; 1 Pet. 2:21)

4. Ŵazgani Yohane 17:1-26.

   Kasi Yesu wakang’anamuraci apo ŵakalomba kuti ŵalondezgi ŵake ŵaŵe “ŵamoza”? (Yoh. 17:11, 21-23; Rom. 13:8; 14:19; Kol. 3:14)

Nkhani Nambara 100

Yesu mu Munda

1. Ŵati ŵafuma mu cipinda ca pacanya, kasi Yesu na ŵapositole ŵake ŵakaluta nkhu, ndipo wakaŵaphalira kuti ŵaciteci?

2. Kasi Yesu wakasanga kuti ŵasambiri ŵake ŵakucita vici apo wakizaso uko ŵakaŵa, ndipo ici cikacitika kalinga?

3. v Kasi mbanjani awo ŵakunjira m’munda, ndipo Yuda Isikariyote wakucita vici nga ni umo mukuwonera pa cithuzithuzi apa?

4. Cifukwa wuli Yuda wakafyofyontha Yesu, ndipo Petrosi wakacitaci?

5. Kasi Yesu wakamuphaliraci Petrosi, kweni nchifukwa wuli Yesu wakalomba yayi kwa Ciuta kuti watume ŵangelo?

Mafumbo ghanyake:

1. Ŵazgani Mateyu 26:36-56.

   1. Umo Yesu wakapelekera ulongozgi ku ŵasambiri ŵake kungawovwira wuli ŵalara ŵa mpingo mazuŵa ghano? (Mat. 20:25-28; 26:40, 41; Gal. 5:17; Efe. 4:29, 31, 32)

   2. Kasi Yesu wakawonanga wuli kugwiliskira nchito vilwero pakwimikana na ŵanyithu? (Mat. 26:52; Luka 6:27, 28; Yoh. 18:36)

2. Ŵazgani Luka 22:39-53.

   Peneapo mungelo wakawonekera kwa Yesu mu munda wa Getisemane kuti wamukhomeske, kasi ici cikung’anamura kuti cipulikano cake cikamba kucepa? Longosorani. (Luka 22:41-43; Yes. 49:8; Mat. 4:10, 11; Heb. 5:7)

3. Ŵazgani Yohane 18:1-12.

   Kasi Yesu wakavikilira wuli ŵasambiri ŵake ku ŵanthu awo ŵakamususkanga, ndipo ise tingasambirapo vici? (Yoh. 10:11, 12; 18:1, 6-9; Heb. 13:6; Yak. 2:25)

Nkhani Nambara 101

Yesu Wakakomeka

1. Ni njani comenecomene uyo wakapangiska kuti Yesu wakomeke?

2. Kasi ŵasambiri ŵake wakacitaci apo Yesu wakatoleka na ŵalongozgi ŵa visopo?

3. Nchivici ico cikacitika ku nyumba ya Kayafa, musofi mukuru?

4. Cifukwa wuli Petrosi wakafumapo na kwamba kulira?

5. Ŵati ŵamutoleraso kwa Pilato, ŵasofi ŵalara ŵakayowoyaci?

6. Nchivici ico cikamucitikira Yesu pa cinkhondi kumise, ndipo cigeŵenga ico cikapayikika pa nkhuni pafupi na iyo wakacilayizgaci?

7. Kasi Paradiso uyo Yesu wakayowoya wazamuŵa nkhu?

Mafumbo ghanyake:

1. Ŵazgani Mateyu 26:57-75.

   Kasi ŵanthu ŵa mphara ya Ciyuda ŵakalongora wuli kuti ŵakaŵa ŵaheni? (Mat. 26:59, 67, 68)

2. Ŵazgani Mateyu 27:1-50.

   Cifukwa wuli tingayowoya kuti citima ico Yuda wakaŵa naco cikaŵa cakufumira pasi pa mtima yayi? (Mat. 27:3, 4; Mrk. 3:29; 14:21; 2 Kor. 7:10, 11)

3. Ŵazgani Luka 22:54-71.

   Umo Petrosi wakamukanira Yesu pa usiku uwo wakapelekeka na kukoleka, kasi tikusambirapo vici? (Luka 22:60-62; Mat. 26:31-35; 1 Kor. 10:12)

4. Ŵazgani Luka 23:1-49

   Kasi Yesu wakacita wuli na nkhaza izo ŵakamucitira, ndipo tikusambirapo vici? (Luka 23:33, 34; Rom. 12:17-19; 1 Pet. 2:23)

5. Ŵazgani Yohane 18:12-40.

   Nangauli Petrosi pa nyengo yinyake wakopa ŵanthu, kasi nchivici ico cikulongora kuti wofi ukamara ndipo wakaŵa mpositole wakugomezgeka? (Yoh. 18:25-27; 1 Kor. 4:2; 1 Pet. 3:14, 15; 5:8, 9)

6. Ŵazgani Yohane 19:1-30.

   1. Kasi Yesu wakawonanga wuli vinthu vyakuthupi? (Yoh. 2:1, 2, 9, 10; 19:23, 24; Mat. 6:31, 32; 8:20)

   2. Ni mwauli umo mazgu agho Yesu wakayowoya wati wakhala pacoko waka kuti wafwe ghakulongolera kuti wakathuwuska muwuso wa Yehova? (Yoh. 16:33; 19:30; 2 Pet. 3:14; 1 Yoh. 5:4)

Nkhani Nambara 102

Yesu Ngwamoyo

1. Kasi mwanakazi na ŵanalume ŵaŵiri awo ŵali pa cithuzithuzi apa mbanjani, ndipo ŵali nkhu?

2. Cifukwa wuli Pilato wakaphalira ŵasembe kuti ŵatume ŵasilikari ŵakalinde dindi la Yesu?

3. Kasi mungelo wakacita vici kumatandakuca pa zuŵa la citatu kufumira apo Yesu wakafwira, ndipo ŵasembe ŵakacitaci?

4. Cifukwa wuli ŵanakazi ŵanyake ŵakazizwa comene apo ŵakafika ku dindi la Yesu?

5. Cifukwa wuli Petrosi na Yohane ŵakacimbilira ku dindi la Yesu, ndipo ŵakasanga vici?

6. Nchivici ico cikacitikira thupi la Yesu, ndipo wakacita vici kuti walongore ŵasambiri ŵake kuti wawuka?

Mafumbo ghanyake:

1. Ŵazgani Mateyu 27:62-66 na 28:1-15.

   Peneapo Yesu wakati wawuka ku ŵakufwa, ni mwauli umo ŵasofi ŵalara, Ŵafarisi, na ŵanalume ŵalara wakayowoyera viheni mzimu utuŵa? (Mat. 12:24, 31, 32; 28:11-15)

2. Ŵazgani Luka 24:1-12.

   Kasi nkhani ya kuwuka kwa Yesu yikulongora wuli kuti Yehova wakuwona ŵanakazi kuŵa ŵakaboni ŵakugomezgeka? (Luka 24:4, 9, 10; Mat. 28:1-7)

3. Ŵazgani Yohane 20:1-12.

   Kasi lemba la Yohane 20:8, 9 likutovwira wuli kuwona kuzirwa kwa kulindilira usange tikupulikiska yayi kufiskika kwa ucimi wa Baibolo? (Zinth. 4:18; Mat. 17:22, 23; Luka 24:5-8; Yoh. 16:12)

Nkhani Nambara 103

Mu Cipinda Cakukiya

1. Kasi Mariya wakamuphalira vici mwanalume uyo wakaghanaghananga kuti ni mulimi, ndipo Mariya wakamanya wuli kuti wakaŵa Yesu?

2. Nchivici ico cikaŵacitikira ŵasambiri ŵaŵiri awo ŵakalutanga ku Emausi?

3. Ni cinthu wuli cakuziziswa ico cikacitika peneapo ŵasambiri ŵaŵiri ŵakaphalira ŵapositole kuti ŵamuwona Yesu?

4. Kasi Yesu wakawonekera kalinga ku ŵalondezgi ŵake?

5. Kasi Tomasi wakati wuli wati wapulika kuti ŵasambiri ŵayiwona Fumu, ndipo nchivici ico cikacitika mazuŵa ghankhondi na ghatatu ghakati ghalutapo?

Mafumbo ghanyake:

1. Ŵazgani Yohane 20:11-29.

   Kasi ivyo Yesu wakayowoya pa Yohane 20:23 vikung’anamura kuti ŵanthu ŵali na mazaza gha kugowokera zakwananga? Longosorani. (Sal. 49:2, 7; Yes. 55:7; 1 Tim. 2:5, 6; 1 Yoh. 2:1, 2)

2. Ŵazgani Luka 24:13-43.

   Kasi tingacita wuli kuti tiŵe ŵakunozgeka kusambira unenesko wa mu Baibolo? (Luka 24:32, 33; Ezra 7:10; Mat. 5:3; Mil. 16:14; Heb. 5:11-14)

Nkhani Nambara 104

Yesu Wakawelera Kucanya

1. Ni ŵasambiri ŵalinga awo ŵakamuwona Yesu pa nyengo yimoza, ndipo Yesu wakaŵaphaliranga vici?

2. Kasi Ufumu wa Ciuta ni vici, ndipo umoyo wuzamuŵa wuli para Yesu wazakayamba kuwusa nga ni Fumu kwa vilimika 1000?

3. Kasi Yesu wakawonekera ku ŵasambiri ŵake kwa mazuŵa ghalinga, kweni sono yikaŵa nyengo yakuti waciteci?

4. Pambere wandalekane na ŵasambiri ŵake, kasi wakaŵaphalira kuti ŵaciteci?

5. Nchivici ico cikucitika pa cithuzithuzi apa, ndipo nchivici ico cikamubisa Yesu?

Mafumbo ghanyake:

1. Ŵazgani 1 Ŵakorinte 15:3-8.

   Cifukwa wuli mpositole Paulosi wakayowoya mwakusimikizga kuti Yesu wawuka, ndipo ni vinthu wuli ivyo Ŵakhristu mazuŵa ghano wangayowoya na cigomezgo cose? (1 Kor. 15:4, 7, 8; Yes. 2:2, 3; Mat. 24:14; 2 Tim. 3:1-5)

2. Ŵazgani Milimo 1:1-11.

   Mwakuyana na Milimo 1:8, kasi mulimo wa kupharazga ukathandazgika mupaka nkhu? (Mil. 6:7; 9:31; 11:19-21; Kol. 1:23)

Nkhani Nambara 105

Kulindilira mu Yerusalemu

1. Nga ni umo mukuwonera pa cithuzithuzi apa, kasi nchivici ico cikacitikira ŵasambiri ŵa Yesu awo ŵakalindiliranga mu Yerusalemu?

2. Nchinthu wuli cakuziziswa ico ŵasambiri ŵakapokera ku Yerusalemu?

3. Kasi Petrosi wakaŵaphalira vici ŵanthu?

4. Ni mwauli umo ŵanthu ŵakacitira ŵakati ŵapulika ivyo Petrosi wakayowoya, ndipo wakaŵaphalira kuti ŵacite vici?

5. Ni ŵanthu ŵalinga awo ŵakabapatizika pa zuŵa lenelira la Pentekoste, mu 33 C.E.?

Mafumbo ghanyake:

1. Ŵazgani Milimo 2:1-47.

   1. Kasi ivyo Paulosi wakayowoya pa Milimo 2:23, 36 vikulongora wuli kuti mtundu wose wa Ŵayuda ukakoma Yesu? (1 Tes. 2:14, 15)

   2. Kasi Petrosi wakalongora wuli ciyelezgero ciwemi ca kudumbiskana na ŵanthu vya mu’Malemba? (Mil. 2:16, 17, 29, 31, 36, 39; Kol. 4:6)

   3. Kasi Petrosi wakagwiliskira wuli nchito “vijuliro [makiyi] vya ufumu wa kucanya,” ivyo Yesu wakamulayizga kuti wamupenge? (Mil. 2:14, 22-24, 37, 38; Mat. 16:19)

Nkhani Nambara 106

Kufumiskika mu Jere

1. Nchivici ico cikacitikira Petrosi na Yohane zuŵa linyake apo ŵakalutanga ku tempele nyengo ya muhanya?

2. Kasi Petrosi wakamuphaliraci mwanalume wakupendera, ndipo wakamupa vici ico nchakuzirwa kuluska ndarama?

3. Cifukwa wuli ŵalongozgi ŵa cisopo ŵakakwiya, ndipo ŵakacitaci kwa Petrosi na Yohane?

4. Kasi Petrosi wakaŵaphaliraci ŵalongozgi ŵa cisopo, ndipo ŵapositole ŵakacenjezgeka kuti ŵaleke kucita vici?

5. Cifukwa wuli ŵalongozgi ŵa cisopo ŵakaŵa na sanji, ndipo nchivici cikacitika apo ŵapositole ŵakaŵikika mu jere kaciŵiri?

6. Kasi ŵapositole ŵakazgora wuli apo ŵakaŵakora na kuluta nawo mu holo ya Sanhedrin?

Mafumbo ghanyake:

1. Ŵazgani Milimo 3:1-10.

   Nangauli tindapike mazaza ghakucitira minthondwe mazuŵa ghano, kasi mazgu gha Petrosi agho ghali kulembeka pa Milimo 3:6 ghakutovwira wuli kumanya kuzirwa kwa uthenga wa Ufumu? (Yoh. 17:3; 2 Kor. 5:18-20; Fil. 3:8)

2. Ŵazgani Milimo 4:1-31.

   Para tikususkika na ŵanthu mu uteŵeti wa m’munda, kasi tingalondezga wuli ŵabali ŵithu ŵa Cikhristu ŵa mu vilimika vya mu handiredi lakwamba? (Mil. 4:29, 31; Efe. 6:18-20; 1 Tes. 2:2)

3. Ŵazgani Milimo 5:17-42.

   Kasi ŵanthu awo Mbakaboni yayi, ŵa mu nyengo yakale na yasono ŵakhozgera wuli nchito ya kupharazga? (Mil. 5:34-39)

Nkhani Nambara 107

Stefano Wakadinyika na Malibwe

1. Kasi Stefano wakaŵa njani, ndipo Ciuta wakamovwiranga kucita vici?

2. Kasi Stefano wakayowoya vici ivyo vikakwiyiska ŵalongozgi ŵa cisopo?

3. Peneapo ŵanalume ŵakamukunkhuzgira Stefano kuwaro kwa msumba, kasi ŵakacita nayo vici?

4. Pa cithuzithuzi apa, Kasi mwanalume muwukirano uyo wamilira pafupi na minjilira ni njani?

5. Pambere wandafwe, kasi Stefano wakalomba vici kwa Yehova?

6. Mwakuyana na umo Stefano wakacitira, kasi ise tikwenera kucitaci para munthu munyake waticitira cinthu ciheni?

Mafumbo ghanyake:

1. Ŵazgani Milimo 6:8-15.

   Kasi ni mautesi wuli agho ŵalongozgi ŵa cisopo ŵakuyowoya kuti ŵalekeske nchito ya kupharazga ya Ŵakaboni ŵa Yehova? (Mil. 6:9, 11, 13)

2. Ŵazgani Milimo 7:1-60.

   1. Nchivici ico cikamovwira Stefano kuvikilira makani ghawemi pamaso pa Sanhedrin, ndipo tingasambirapo vici pa umo wakacitira? (Mil. 7:51-53; Rom. 15:4; 2 Tim. 3:14-17; 1 Pet. 3:15)

   2. Kasi tikwenera kuŵawona wuli ŵanthu awo ŵakususka mulimo withu? (Mil. 7:58-60; Mat. 5:44; Luka 23:33, 34)

Nkhani Nambara 108

Pa Msewu Wakuya ku Damaseko

1. Pamanyuma pakuti Stefano wakomeka, kasi Saulosi wakacita vici?

2. Peneapo Saulosi wakaŵa pa ulendo wakuya ku Damaseko, nchinthu wuli cakuziziswa ico cikacitika?

3. Kasi Yesu wakaphalira Saulosi kuti wacite vici?

4. Kasi Yesu wakamuphalira vici Hananiya, ndipo nchivici cikacitika kuti Saulosi wambe kuwona?

5. Kasi Saulosi wakamba kumanyikwa na zina wuli, ndipo wakapika mulimo wuli?

Mafumbo ghanyake:

1. Ŵazgani Milimo 8:1-4.

   Nthambuzgo iyo yikawira mpingo uphya wa Cikhristu yikawovwira wuli kuti Cikhristu cithandazgike, ndipo nchinthu wuli cakuyana na ici ico cikucitika mu nyengo yithu? (Mil. 8:4; Yes. 54:17)

2. Ŵazgani Milimo 9:1-20.

   Kasi Yesu wakavumbura milimo yitatu nji iyo wakakhumbanga kuti Saulosi wacite? (Mil. 9:15; 13:5; 26:1; 27:24; Rom. 11:13)

3. Ŵazgani Milimo 22:6-16.

   Kasi tingacita wuli kuti tiŵe nga ni Hananiya, ndipo nchifukwa wuli kucita nthena nkhwakuzirwa? (Mil. 22:12; 1 Tim. 3:7; 1 Pet. 1:14-16; 2:12)

4. Ŵazgani Milimo 26:8-20.

   Kasi kuphendukira ku Cikhristu uko Paulosi wakacita kukukhozga wuli awo mufumu wawo panji muwoli wawo ni Kaboni yayi? (Mil. 26:11; 1 Tim. 1:14-16; 2 Tim. 4:2; 1 Pet. 3:1-3)

Nkhani Nambara 109

Petrosi Wakacezgera Korneliyo

1. Kasi mwanalume uyo wagwada pa cithuzithuzi apa ni njani?

2. Kasi mungelo wakamuphalira vici Korneliyo?

3. Kasi Ciuta wakamupangiska Petrosi kuwona vici apo wakaŵa pacanya pa nyumba ya Simoni ku Yopa?

4. Cifukwa wuli Petrosi wakaphalira Korneliyo kuti wangamugwadiranga yayi na kumusopa?

5. Cifukwa wuli ŵasambiri ŵa Ciyuda awo ŵakaŵa na Petrosi ŵakazizwa?

6. Ni sambiro wuli lakuzirwa ilo tikusambira pa ulendo wa Petrosi wa kukacezga na Korneliyo?

Mafumbo ghanyake:

1. Ŵazgani Milimo 10:1-48.

   Mazgu gha Petrosi agho ghakusangika pa Milimo 10:42 ghakulongora vici za nchito ya kupharazga makani ghawemi gha Ufumu? (Mat. 28:19; Mrk. 13:10; Mil. 1:8)

2. Ŵazgani Milimo 11:1-18.

   Kasi Petrosi wakacitaci apo Yehova wakamutuma ku Ŵamitundu, ndipo tingalondezga wuli ciyelezgero cake? (Mil. 11:17, 18; 2 Kor. 10:5; Efe. 5:17)

Nkhani Nambara 110

Timote—Movwiri Muphya wa Paulosi

1. Kasi musepuka uyo wali pa cithuzithuzi apa ni njani, kasi wakakhalanga nkhu, ndipo mazina gha anyina na abuya ŵake mungaghazunura?

2. Kasi Timote wakazgora vici apo Paulosi wakamufumba kuti walute na Paulosi na Sila kukapharazga ku vigaŵa vyakutali?

3. Kasi ni nkhu uko ŵalondezgi ŵa Yesu kwa nyengo yakwamba ŵakacemeka Ŵakhristu?

4. Pamanyuma pakuti Paulosi, Sila, na Timote ŵafumako ku Lustra, kasi yinyake mwa misumba iyo ŵakayako ni nji?

5. Kasi Timote wakawovwira wuli Paulosi, ndipo ni fumbo wuli ilo ŵawukirano ŵakwenera kujifumba?

Mafumbo ghanyake:

1. Ŵazgani Milimo 9:19-30.

   Kasi Paulosi wakacita wuli vinthu mwamahara apo wakakumananga na ŵanthu ŵakususka makani ghawemi? (Mil. 9:22-25, 29, 30; Mat. 10:16)

2. Ŵazgani Milimo 11:19-26.

   Nkhani iyo yili kulembeka pa Milimo 11:19-21, 26 yikulongora wuli kuti mzimu wa Yehova ukadangiliranga nchito ya kupharazga?

3. Ŵazgani Milimo 13:13-16, 42-52.

   Kasi lemba Milimo 13:51, 52 likulongora wuli kuti ŵasambiri ŵakagongowa yayi nangauli ŵakasuskikanga? (Mat. 10:14; Mil. 18:6; 1 Pet. 4:14)

4. Ŵazgani Milimo 14:1-6, 19-28.

   Kasi mazgu ghakuti “ŵakaŵakolezga ku Fumu” ghakutovwira wuli kuti tileke kwenjerwa peneapo tikovwira awo ŵayamba sono kusambira Baibolo? (Mil. 14:21-23; 20:32; Yoh. 6:44)

5. Ŵazgani Milimo 16:1-5.

   Ni mwauli umo kukhumbisiska kwa Timote kuti ŵakotoleke kukalongolera kuzirwa kwa kucita ‘vyose cifukwa ca makani ghawemi’? (Mil. 16:3; 1 Kor. 9:23; 1 Tes. 2:8)

6. Ŵazgani Milimo 18:1-11, 18-22.

   Kasi lemba la Milimo 18:9, 10 likulongora wuli kuti Yesu wakulongozga mu nchito ya kupharazga, ndipo ici cikutikhozga wuli mazuŵa ghano? (Mat. 28:20)

Nkhani Nambara 111

Msepuka Uyo Wakasiwanga

1. Pa cithuzithuzi apa, kasi musepuka uyo wagona pasi ni njani, ndipo nchivici ico camucitikira?

2. Kasi Petrosi wakacitaci apo wakawona kuti msepuka wafwa?

3. Kasi Paulosi, Timote, na awo ŵakaŵa nawo ŵakalutanga nkhu, ndipo nchivici ico cikacitika apo ŵakapumura pa Mileto?

4. Kasi nchimi Agabo yikamucenjezgaci Paulosi, ndipo ni vici ivyo vikacitika nga ni umo nchimi yikayowoyera?

Mafumbo ghanyake:

1. Ŵazgani Milimo 20:7-38.

   1. Kasi tingacita wuli kuti tilutilire kuŵa ‘ŵambura cifukwa ca ndopa za wose,’ mwakuyana na mazgu gha Paulosi agho ghali kulembeka pa Milimo 20:26, 27? (Ezek. 33:8; Mil. 18:6, 7)

   2. Cifukwa wuli ŵalara ŵa mpingo ŵakwenera ‘kukoreska mazgu ghakugomezgeka’ para ŵakusambizga? (Mil. 20:17, 29, 30; Tito 1:7-9; 2 Tim. 1:13)

2. Ŵazgani Milimo 26:24-32.

   Pakuŵa Muroma, kasi Paulosi wakacita wuli kuti wafiske nchito yake ya kupharazga makani ghawemi iyo wakapika na Yesu? (Mil. 9:15; 16:37, 38; 25:11, 12; 26:32; Luka 21:12, 13)

Nkhani Nambara 112

Ngaraŵa Yikasweka pa Cirwa

1. Kasi nchivici ico cikacitikira ngaraŵa iyo Paulosi wakakwera apo yikajumphanga pafupi na cirwa ca Kirete?

2. Kasi Paulosi wakaŵaphaliraci ŵanthu awo ŵakaŵa mu ngaraŵa?

3. Nchivici ico cikapangiska kuti ngaraŵa yisweke?

4. Kasi ni ulongozgi wuli uwo msilikari wakayowoya, ndipo ni ŵanthu ŵalinga awo ŵakafika pa mtunda?

5. Kasi zina la cirwa ico ŵakafikapo ni vici, ndipo nchivici cikamucitikira Paulosi apo cimphepo cikati cazika?

Mafumbo ghanyake:

1. Ŵazgani Milimo 27:1-44.

   Kasi tikukhozgeka wuli para tikuwona unenesko wa nkhani izo zili kulembeka mu Baibolo zakukhwaskana na ulendo wa Paulosi wakuya ku Roma? (Mil. 27:16-19, 27-32; Luka 1:3; 2 Tim. 3:16, 17)

2. Ŵazgani Milimo 28:1-14.

   Usange ŵanthu ŵambura kusopa ŵa ku Melita ŵakapokelera makora Paulosi na ŵanyake awo ngalaŵa yikaŵaswekera na ‘kuŵakora na lusungu lukuru,’ kasi Ŵakhristu ŵakuciskika kuti ŵalongore vici, ndipo mwauli? (Mil. 28:1, 2; Heb. 13:1, 2; 1 Pet. 4:9)

Nkhani Nambara 113

Apo Paulosi Wakaŵa ku Roma

1. Kasi Paulosi wakapharazganga kwa njani apo wakaŵa mu jere ku Roma?

2. Pa cithuzithuzi apa, kasi mulendo uyo wali pa thebulu ni njani, ndipo wakumulembera vici Paulosi?

3. Kasi Epafurodito wakaŵa njani, ndipo wakaluta na vici apo wakaweleranga ku Filipi?

4. Cifukwa wuli Paulosi wakalembera kalata mubwezi wake wapamtima Filemone?

5. Kasi Paulosi wakacitaci wakati wasuturika, ndipo nchivici ico cikacitika pamanyuma pake?

6. Ni njani uyo Yehova wakamutuma kuti walembe mabuku ghaumaliro gha Baibolo, ndipo buku la Chivumbuzi likutiphalira vici?

Mafumbo ghanyake:

1. Ŵazgani Milimo 28:16-31 na Ŵafilipi 1:13.

   Apo Paulosi wakaŵa mu jere ku Roma, kasi wakacitanga vici, ndipo cipulikano cake cakukhora cikukhwaska wuli mpingo wa Cikhristu? (Mil. 28:23, 30; Fil. 1:14)

2. Ŵazgani Ŵafilipi 2:19-30.

   Ni mazgu wuli ghakuwonga Timote na Epafurodito agho Paulosi wakayowoya, ndipo tingalondezga wuli ciyelezgero cake? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)

3. Ŵazgani Filemone 1-25.

   1. Kasi nchivici ico cikapangiska Paulosi kuciska Filemone kuti wacitenge vinthu vyakwenelera, ndipo ŵalara ŵa mpingo ŵakwenera kulondezga wuli ici? (Filim. 9; 2 Kor. 8:8; Gal. 5:13)

   2. Kasi mazgu gha Paulosi agho ghali pa Filemone 13, 14 ghakulongora wuli kuti wakacindikanga njuŵi za ŵanji mu mpingo? (1 Kor. 8:7, 13; 10:31-33)

4. Ŵazgani 2 Timote 4:7-9.

   Nga ni mpositole Paulosi, kasi tingaŵa wuli na cigomezgo kuti Yehova watitumbikenge usange tilutilirenge kugomezgeka mupaka kuumaliro? (Mat. 24:13; Heb. 6:10)

Nkhani Nambara 114

Umaliro wa Uheni Wose

1. Cifukwa wuli Baibolo likuyowoya za ŵakavalo kucanya?

2. Kasi zina la nkhondo ya Ciuta ni vici, ndipo cilato cake ni vici?

3. Mwakuyana na cithuzithuzi ici, kasi ninjani uyo wazamudangilira pakurwa nkhondo iyi, nchifukwa wuli wavwara cisoti ca ufumu, ndipo lupanga lwake likulongoraci?

4. Mwakuyana na Nkhani Nambara 10, 15, na 33, cifukwa wuli tikuzizwa yayi kuti Ciuta wazamuparanya ŵanthu ŵaheni?

5. Kasi Nkhani Nambara 36, na 76 zikulongora wuli kuti Ciuta wazamuparanya ŵanthu ŵaheni nangauli ŵangayowoya kuti ŵakumusopa?

Mafumbo ghanyake:

1. Ŵazgani Civumbuzi 19:11-16.

   1. Kasi Malemba ghakulongosora wuli mwakupulikikwa kuti Yesu Khristu ndiyo wakwera pa kavalo mutuŵa? (Chiv. 1:5; 3:14; 19:11; Yes. 11:4)

   2. Kasi ndopa izo zikamijika pa munjilira wa Yesu zikusimikizgira wuli kuti Yesu wakaluska? (Chiv. 14:18-20; 19:13)

   3. Kasi mbanjani awo ŵali mu gulu la ŵasilikari awo ŵakulondezga Yesu uyo wakwera kavalo mutuŵa? (Chiv. 12:7; 19:14; Mat. 25:31, 32)

Nkhani Nambara 115

Paradiso Muphya Pano pa Caru Capasi

1. Kasi Baibolo likulongora kuti tizamusangwa na vici mu Paradiso pa caru capasi?

2. Kasi Baibolo likulayizga vici ku ŵanthu awo ŵazamukhala mu Paradiso?

3. Kasi mphauli apo Yesu wazamuwoneseska kuti vinthu viwemi ivi vikucitika?

4. Apo Yesu wakaŵa pano pa caru capasi, kasi wakacitaci kulongora ivyo wazamucita para wazamuŵa Fumu ya Ufumu wa Ciuta?

5. Kasi Yesu na ŵanthu ŵanyake awo wazamuwusa nawo kucanya ŵazamuwoneseska kuti pa caru pali vici?

Mafumbo ghanyake:

1. Ŵazgani Civumbuzi 5:9, 10.

   Cifukwa wuli tili na cigomezgo kuti awo ŵazamuwusa pa caru capasi mu Muwuso wa Vilimika 1,000 ŵazamuŵa mafumu na ŵasofi ŵalusungu ndiposo ŵacitemwa? (Efe. 4:20-24; 1 Pet. 1:7; 3:8; 5:6-10)

2. Ŵazgani Civumbuzi 14:1-3.

   Kasi fundo yakuti zina la Ŵadada na la Mwanamberere ghali kulembeka pa visko vya ŵa 144,000 yikung’anamuraci? (1 Kor. 3:23; 2 Tim. 2:19; Chiv. 3:12)

Nkhani Nambara 116

Umo Tingasangira Umoyo Wamuyirayira

1. Kasi tikwenera kumanya vici usange tikukhumba umoyo wamuyirayira?

2. Kasi tingasambira wuli za Yehova Ciuta na Yesu, nga ni umo kakucitira kasungwana na ŵanyake awo ŵali pa cithuzithuzi?

3. Kasi ni buku wuli linyake ilo mukuliwona pa cithuzithuzi apa, ndipo cifukwa wuli nyengo zose tikwenera kulisambira?

4. Padera pa kusambira za Yehova na Yesu, kasi ni vici vinyake ivyo vikukhumbikwa kuti tisange umoyo wamuyirayira?

5. Kasi mu Nkhani Nambara 69 tikasambiraci?

6. Kasi ciyelezgero ciwemi ya Samuyeli ico tikasambira mu Nkhani Nambara 55 cikulongoraci?

7. Kasi tingalondezga wuli ciyelezgero ca Yesu Khristu, ndipo usange talondezga, tizamuŵa na mwaŵi wakucita vici munthazi?

Mafumbo ghanyake:

1. Ŵazgani Yohane 17:3.

   Kasi Malemba ghakulongora wuli kuti kumumanya Yehova Ciuta na Yesu Khristu, kuti kukung’anamura kusungilira waka fundo pa mtima yayi? (Mat. 7:21; Yak. 2:18-20; 1 Yoh. 2:17)

2. Ŵazgani Salmo 145:1-21.

   1. Kasi pali vifukwa wuli vya kulumbira Yehova? (Sal. 145:8-11; Chiv. 4:11)

   2. Ni mwawuli umo Yehova waliri muwemi “ku wose” ndipo ici cikwenera kutiguzira wuli kwa iye? (Sal. 145:9; Mat. 5:43-45)

   3. Usange tikumutemwa Yehova na mtima wose, kasi ticiskikenge kucitaci? (Sal. 119:171, 172, 175; 145:11, 12, 21)