BOKOSI 18A
Yehova Wakuchenjezga vya Nkhondo Yikuru Iyo Yikwiza
Mu Baibolo muli mauchimi ghanandi agho ghakuchenjezga ŵanthu vya nkhondo iyo Yehova wazamuwuskirapo wose awo ŵakulimbana nayo kweniso ŵakulimbana na ŵanthu ŵake. Pasi apa pali ghanyake mwa mauchimi agha. Wonani fundo izo zikuyana mu mauchimi agha, ndipo wonaniso kuti Yehova wawoneseska kuti ŵanthu ŵapika mwaŵi wakuti ŵapulike chenjezgo na kuchitapo kanthu.
MU NYENGO YA ŴAISRAYELI
EZEKIYELI: “‘Nizamuchemeska lupanga kwimikana nayo [Gogi] mu mapiri ghane ghose,’ ndimo yayowoyera Fumu Yikuru Yehova.”—Ezek. 38:18-23.
YEREMIYA: “[Yehova] wapelekenge yekha cheruzgo pa ŵanthu wose. Ndipo wapelekenge ŵaheni ku lupanga.”—Yer. 25:31-33.
DANIYELI: “Chiuta wakuchanya wazamwimika ufumu uwo . . . uzamuteketa na kumazga maufumu ghose agha.”—Dan. 2:44.
MU NYENGO YA YESU NA ŴAPOSITOLE
YESU: “Kuzamuŵa suzgo yikuru, iyo yindachitikepo kufuma ku uyambiliro wa charu.”—Mat. 24:21, 22.
PAULOSI: “Fumu Yesu . . . pamoza na ŵangelo ŵake ŵankhongono . . . yizenge na nduzga pa awo ŵakumumanya yayi Chiuta.”—2 Tes. 1:6-9.
PETROSI: “Zuŵa la Yehova lizenge nga ni munkhungu. . . . Charu chapasi na milimo iyo yilimo vizamuvumbukwa.”—2 Pet. 3:10.
YOHANE: “Mu mulomo wake [Yesu] mukufuma lupanga lutali lwakuthwa, mwakuti wahete nalo mitundu.”—Chivu. 19:11-18.
MAZUŴA GHANO
Baibolo lang’anamulika na kupelekeka ku ŵanthu mu viyowoyero vinandi chomene, kuluska buku linyake lililose.
ŴATEŴETI ŴA YEHOVA MAZUŴA GHANO . . .
Ŵakugaŵira mabuku ghakulongosora Baibolo mu viyowoyero vinandi chomene
Ŵakumalira maora mamiliyoni ghanandi pakupharazga chaka chilichose