Nthambuzgo
Chifukwa wuli Ŵakhristu ŵakwenera kukhazga kuti ŵatambuzgikenge?
Chifukwa wuli tikwenera kuthemba Yehova para tikutambuzgika?
Sa 55:22; 2Ko 12:9, 10; 2Ti 4:16-18; Heb 13:6
Viyelezgero vya mu Baibolo ivyo vingamovwirani:
1Ma 19:1-18—Apo ntchimi Eliya yikatambuzgikanga, yikapungulira mtima wake kwa Yehova ndipo wakayikhozga kweniso kuyisanguluska
Mil 7:9-15—Nangauli Yosefe wakatambuzgikanga na ŵakuru ŵake, kweni Yehova wakamutayapo yayi, wakamuvikilira, kumuthaska kweniso wakamugwiliskira ntchito kuti wathaske banja lakwake
Kasi ŵanthu ŵakutambuzgika munthowa wuli?
Kwizira mu mazgu
2Mi 36:16; Mt 5:11; Mil 19:9; 1Pe 4:4
Viyelezgero vya mu Baibolo ivyo vingamovwirani:
2Ma 18:17-35—Rabushake, muyowoyeri wa themba la Asiriya wakatukanga Yehova kweniso ŵanthu awo ŵakakhalanga mu Yerusalemu
Lu 22:63-65; 23:35-37—Ŵalwani ŵa Yesu ŵakamunenanga apo wakakakika kweniso apo wakaŵa pa khuni lakusuzgikirapo
Tingatambuzgika na ŵabali ŵithu
Ŵandyali kweniso ŵamazaza ŵa boma ŵangatikaka
Ŵangatitimba
Gulu la ŵanthu ŵakusuzga lingatiwukira
Ŵangatikoma
Kasi Ŵakhristu ŵakwenera kuchita vichi para ŵakutambuzgika?
Mt 5:44; Mil 16:25; 1Ko 4:12, 13; 1Pe 2:23
Viyelezgero vya mu Baibolo ivyo vingamovwirani:
Mil 7:57–8:1—Apo msambiri Stefano wakaŵa pafupi kufwa, wakalomba Yehova kuti walongore lusungu ŵanthu awo ŵakamutambuzganga, kusazgapo Saulosi wa ku Taraso
Mil 16:22-34—Nangauli mpositole Paulosi wakathyapulika na kuŵikika mu magwedi, kweni wakalongora lusungu mulinda wa jele ndipo ivi vikawovwira kuti mulinda wa jele na banja lake lose ŵazgoke Ŵakhristu
Kasi ntchivichi chikachitikira Ŵakhristu ŵanyake ŵakwambilira?
Kasi tikwenera kujipulika wuli para tikutambuzgika?
Kasi chigomezgo chithu chamunthazi chikutikhozga wuli para tikutambuzgika?
Chifukwa wuli tikwenera yayi kopa, kukhozgeka soni, kugongowa panji kuleka kuteŵetera Yehova para tikutambuzgika?
Sa 56:1-4; Mil 4:18-20; 2Ti 1:8, 12
Viyelezgero vya mu Baibolo ivyo vingamovwirani:
2Mi 32:1-22—Apo Themba Senakeribu likiza na wumba wa ŵasilikari kuti liwofye na kuwukira ŵanthu ŵa Chiuta, themba lakugomezgeka Hezekiya likagomezga chomene Yehova na kukhozga ŵanthu, ndipo paumaliro likatumbikika chomene
Heb 12:1-3—Ŵalwani ŵa Yesu ŵakakhumbanga kumukhozga soni, kweni Yesu wakagongowa yayi, wakalutilira kuteŵetera Yehova
Kasi nyengo zinyake pangachitika vinthu wuli viwemi para tikutambuzgika?
Yehova wakukondwa chomene para tikuzizipizga nthambuzgo ndipo tikuchindika zina lake
Viyelezgero vya mu Baibolo ivyo vingamovwirani:
Yob 1:6-22; 2:1-10—Nangauli Yobu wakamanyanga yayi kuti Satana ndiyo wakumuyezga, kweni wakalutilira kugomezgeka kwa Yehova na kulongora kuti Satana ni mutesi
Da 1:6, 7; 3:8-30—Ŵahebere ŵakugomezgeka Hananiya, Mishayeli na Azariya (Shadireki, Misheki, na Abedinego) ŵakaŵa ŵakunozgeka kufwa kuti ŵapulikire Yehova, ivi vikapangiska kuti Themba Nebukadinezara lilumbe Yehova pakweru
Ŵanthu ŵanyake ŵangasambira vya Yehova para ŵakuwona kuti tikutambuzgika
Viyelezgero vya mu Baibolo ivyo vingamovwirani:
Mil 11:19-21—Ŵakhristu awo ŵakachimbiranga nthambuzgo, ŵakalutilira kupharazga makani ghawemi kulikose uko ŵakambininikira
Fil 1:12, 13—Mpositole Paulosi wakakondwa chomene kuti apo wakaŵa mu jele wakawovwira ŵanthu ŵanandi chomene kuti ŵamanye makani ghawemi
Ŵakhristu ŵanyithu ŵakukhozgeka chomene para tikuzizipizga nthambuzgo
Kasi ŵalongozgi ŵa matchalitchi kweniso ŵandyali ŵakudangilira wuli pakutambuzga ŵateŵeti ŵa Yehova?
Yer 26:11; Mrk 3:6; Yoh 11:47, 48, 53; Mil 25:1-3
Viyelezgero vya mu Baibolo ivyo vingamovwirani:
Mil 19:24-29—Ŵanthu awo ŵakapanganga tumatempile twa chiuta Aratemisi mu Efeso, ŵakawonanga Ŵakhristu awo ŵakupharazga za uheni wakusopa vikozgo kuti ŵakuŵanangira bizinesi yawo ntheura ŵakamba kuŵatambuzga
Ga 1:13, 14—Pambere wandazgoke Mkhristu, Paulosi (Saulosi) wakachindikanga chomene chisopa cha Chiyuda, ntheura wakamba kutambuzga Ŵakhristu