Kuweleramo mu Sukulu ya Uteŵeti wa Ciuta
Mafumbo agha ghazamuzgoleka mwakudumbiskana mu Sukulu ya Uteŵeti wa Ciuta mu sabata yakwambira pa Epulero 26, 2010. Mulaŵiliri wa sukulu wazamucitiska kuweleramo uku kwa maminiti 20, ndipo kuzamufuma mu mabuku agho ghasambirika mu sabata yakwambira pa Malici 1 mpaka Epulero 26, 2010.
1. Kasi Naomi wakang’anamurangaci apo wakati, ni “Yehova wanikhizgira suzgo, Wankhongonozose wandikweŵeska”? (Ruth 1:21) [w05 5/1 peji 30, ndime 2]
2. Kasi Rute wakaŵa na mikhaliro wuli iyo yikamupangiska kuti waŵe “mwanakazi wa nkharo yiwemi”? (Ruth 3:11) [w05 5/1 peji 31, ndime 5]
3. Kasi mazgu gha Elikana ghakuti, “asi ndaluska ŵana ŵanalume khumi kwa iwe” ghakamukhozga wuli muwoli wake? (1 Sam. 1:8) [w90-CN 3/15 peji 27, ndime 5-6]
4. Cifukwa wuli cikaŵa cambura kwenelera kuti Ŵaisrayeli ŵalombe themba? (1 Sam. 8:5) [w05 10/1 peji 12, ndime 17; it-2-E peji 163, ndime 1]
5. Kasi Samuyeli wakalongora wuli ciyelezgero ciwemi pa nkhani ya kulombera ŵanji nangauli wakaŵa ‘mucekuru na wa mbuha’ ndipo tikusambirapo vici? (1 Sam. 12:2, 23) [w07 6/1 peji 31, ndime 14-15]
6. Cifukwa wuli Sauli wakacitira lusungu Ŵakeni? (1 Sam. 15:6) [w05 6/1 peji 30, ndime 10]
7. Cifukwa wuli Sauli wakafumba Davide kuti, “Kasi ndiwe mwana wa njani, pungwe iwe?” (1 Sam. 17:58) [w07-CN 8/1 peji 31, ndime 3, 5]
8. Kasi tingasambira vici ku ivyo Davide wakacita ku Gati apo wakaŵa mu suzgo yikuru? (1 Sam. 21:12, 13) [w05 6/1 peji 32, ndime 4]
9. Kasi Jonatani wakalongora wuli citemwa ndiposo kujiyuyura apo wakawovwiranga na kukhozga mubwezi wake Davide? (1 Sam. 23:17) [lv peji 28, ndime 10, mazgu ghamusi]
10. Kasi nkhani yakuti Sauli wakaluta ku fwiti ya ku Endori yikutisambizgaci? (1 Sam. 28:8-19) [w05 6/1 peji 32, ndime 7]