Ivyo Mungachita Kuti Mukumbukirenge Malemba

Kasi vili kumusuzganipo kukumbukira vesi la mu Baibolo ilo mukulitemwa chomene? Lingaŵa vesi ilo likumusanguluskani panji ilo likumovwirani kuti mumarane na maghanoghano ghaheni, panji ilo mukukhumba kuphalirako munyinu. (Sal. 119:11, 111) Wonani masachizgo ghanyake agho ghangamovwirani kuti mukumbukirenge malemba.

• Gwiliskirani ntchito JW Library^® app. Para mukuŵazga Baibolo pa JW Library ndipo mwaŵazga lemba ilo mukukhumba kuti mulikumbukirenge, mungalisunga pa chigaŵa cha manosi.

• Batikani vesi ilo pa malo agho mungaliwona. Lembani pa pepara vesi ilo mukukhumba kulikumbuka, ndipo libatikani pa malo apo mungaliwonanga pafupipafupi. Ŵanyake ŵakubatika pafupi na gilasi; apo ŵanyake ŵakubatika pa chijaro cha fuliji. Ŵanyakeso ŵakulijambura waka lemba ilo ndipo chithuzi ichi ŵakuchiŵika pa kompyuta panji pa foni.

• Lembani lemba ilo mukulitemwa pa tumakadi. Lembani lemba ku chigaŵa chinyake, mazgu ghake ku chigaŵa chinyake. Kufuma apo laŵiskani chigaŵa icho kuli lemba pera na kuyezga kukumbuka mazgu agho ghali pa lemba ilo, panji laŵiskani chigaŵa icho kuli mazgu gha pa lemba ilo na kuyezga kukumbuka apo mazgu agho ghakusangika mu Baibolo.