Hiob

25 Ɛnna Bildad+ a ɔfiri Suha no buaa sɛ:

 2 “Ɔno na tumidie wɔ no, na ne ho yɛ hu;+

Ɔma asomdwoeɛ ba ɔsorosoro hɔ.

 3 Obi bɛtumi akan n’asafodɔm anaa?

Na hwan na ne hann nhyerɛn ne soɔ?

 4 Enti ɛbɛyɛ dɛn na onipa dasani bɛdi bem Onyankopɔn anim?+

Na ɛbɛyɛ dɛn na onipa a ɔbaa awo no ho bɛteɛ?+

 5 Hwɛ! Bosome mpo, ɛnhyerɛn;

Na nsoromma nso, ɛho nte n’ani so.

 6 Na onipa dasani a ɔyɛ aboaa yi deɛ, ɔbɛbu no sɛn,

Ɔdasani a ɔyɛ sonsono+ kɛkɛ yi!”