Filipifoɔ
2 Enti sɛ Kristo mu nkuranhyɛ bi wɔ hɔ a,+ sɛ ɔdɔ mu awerɛkyekyerɛ bi wɔ hɔ a, sɛ ayamyɛ honhom bi wɔ hɔ a,+ sɛ ayamhyehyeɛ+ ne mmɔborɔhunu bi wɔ hɔ a, 2 momma m’anigyeɛ nyɛ mã sɛ mowɔ adwenkorɔ+ na mowɔ ɔdɔ korɔ, na moayɛ baako ɔkra mu, na mokura nsusuiɛ korɔ wɔ adwene mu;+ 3 na mommfa mansotwe+ anaa animuonyamhunupɛ+ nnyɛ biribiara, na mmom momfiri ahobrɛaseɛ mu mmu afoforɔ sɛ wɔkyɛn mo;+ 4 na monnhwɛ nneɛma a ɛfa mo nko ara mo ho,+ na mmom monhwɛ deɛ ɛfa afoforɔ ho nso bi.+
5 Momma adwene a na Kristo Yesu wɔ yi bi ntena mo mu,+ 6 ɔno na ɛmfa ho sɛ na ɔne Onyankopɔn sɛ no,+ wannya adwene sɛ ɔbɛpere biribi, sɛ ɔne Onyankopɔn bɛyɛ pɛ.+ 7 Dabi, na mmom ɔgyaa biribiara mu faa akoa tebea+ bɛyɛɛ sɛ nnipa.+ 8 Deɛ ɛsene saa no, berɛ a ɔhunuu sɛ ne su ne ne yɛbea te sɛ onipa no,+ ɔbrɛɛ ne ho ase yɛɛ setie kɔsii owuo mu,+ aane, asɛndua ho wuo mu.+ 9 Yei nso nti na Onyankopɔn pagyaa no maa no gyinabea a ɛkorɔn,+ na ɔdom maa no din a ɛkyɛn edin biara;+ 10 enti Yesu din mu na ɛsɛ sɛ nkotodwe nyinaa kotoɔ, deɛ ɛwɔ soro ne deɛ ɛwɔ asase soɔ ne deɛ ɛwɔ asase ase nyinaa,+ 11 na ɛsɛ sɛ kɛtrɛma nyinaa pae mu ka+ sɛ Yesu Kristo ne Awurade+ de hyɛ Agya Nyankopɔn animuonyam.+
12 Enti, m’adɔfo, sɛdeɛ motie berɛ nyinaa,+ na ɛnyɛ berɛ a mewɔ hɔ nko, na mmom seesei a menni hɔ mpo moyɛ ma ɛsene saa no, monkɔ so mfa osuro+ ne ahopopoɔ nyɛ mo ara mo nkwagyeɛ ho adwuma; 13 na Onyankopɔn na ɛsiane deɛ ɛsɔ n’ani nti, ɔreyɛ mo mu adwuma+ na ama moanya ɔpɛ no na moayɛ nso.+ 14 Monkɔ so nyɛ biribiara a anwiinwii+ ne akyinnyegyeɛ+ biara nnim, 15 na moayɛ nnipa a wɔn ho nni asɛm+ na wɔyɛ kronn, Onyankopɔn mma+ a wɔnni dɛm wɔ awoɔ ntoatoasoɔ a akontono na akyea mu,+ berɛ a mohyerɛn wɔn mu sɛ nkanea wɔ wiase,+ 16 na moasɔ nkwa asɛm+ no mu dendeenden na ama manya biribi adi ahurisie Kristo da no,+ sɛ mantu mmirika hunu anaa mammrɛ angu.+ 17 Ne nyinaa akyi no, sɛ wɔrehwie me sɛ nsã+ agu afɔrebɔ+ ne ɔsom adwuma a gyidie de mo aba mu no so mpo a,+ ɛyɛ me anigye na me ne mo nyinaa di ahurisie.+ 18 Saa ara na mo nso momma mo ani nnye na mo ne me nni ahurisie.+
19 Me deɛ, m’ani da so Awurade Yesu mu sɛ mɛsoma Timoteo aba mo nkyɛn ntɛm, na sɛ mete mo nka a, me kra ho asan no.+ 20 Na menni obiara a ne suban te sɛ ɔno a ɔbɛyi ne yam adi+ mo nsɛm ho dwuma saa. 21 Na wɔn a aka nyinaa hwehwɛ wɔn ara wɔn deɛ,+ ɛnyɛ Kristo Yesu deɛ. 22 Nanso monim ne ho adanseɛ a ɔde maeɛ no, na ɔne me som sɛ abɔfra+ ne ne papa de trɛɛ asɛmpa no mu. 23 Enti, ɔno ne deɛ m’ani da so sɛ, sɛ menya hunu me ho ano pɛ a, mɛsoma no. 24 Nokorɛm no, mewɔ ahotɔsoɔ Awurade mu sɛ me ara nso mɛba ntɛm ara.+
25 Nanso, mebu no sɛ ɛhia sɛ mesoma Epafrodito,+ me nua ne me yɔnko dwumayɛni+ ne me yɔnko sraani+ a motuu no sɛ ɔmmɛsom me no ba mo nkyɛn, 26 ɛfiri sɛ n’ani agyina mo nyinaa, na motee sɛ ɔyare no, waboto. 27 Aane, ɔyareeɛ, na anka ɔreyɛ awu; nanso Onyankopɔn huu no mmɔbɔ,+ ɛnyɛ ɔno nko, na mmom me nso, na manni awerɛhoɔ ammɔ awerɛhoɔ so. 28 Ne saa nti, mede ahoperɛ kɛseɛ resoma no, na sɛ mohu no a, moadi ahurisie bio na me nso manni awerɛhoɔ pii. 29 Enti momfa anigyeɛ nyinaa nnye no sɛdeɛ ɛsɛ+ Awurade mu; na monkɔ so mmu nnipa a wɔte saa sɛ wɔsom bo,+ 30 ɛfiri sɛ Awurade adwuma nti, ɛkaa ketekete na anka ɔrewu; ɔde ne kra too ne nsam+ sɛdeɛ ɛbɛyɛ a ɔbɛsi mo ananmu ɛsiane sɛ monni ha na moatumi asom me.+