Dwom

149 Monyi Yah ayɛ!+

Monto dwom foforɔ+ mma Yehowa,

Monto n’ayeyi dwom wɔ anokwafoɔ asafo mu.+

 2 Momma Israel nni ne Bɔfo kɛseɛ no mu ahurisie,+

Sion mma no, momma wɔn ani nnye wɔn Hene ho.+

 3 Momma wɔmfa asa nyi ne din ayɛ.+

Momma wɔmfa mpintin ne asankuo nto dwom mma no.+

 4 Yehowa ani gye ne man ho.+

Ɔde nkwagyeɛ fira ahobrɛasefoɔ ma wɔn ho yɛ fɛ.+

 5 Momma anokwafoɔ nni ahurisie wɔ animuonyam mu;

Momma wɔnto ahurisi dwom, wɔn mpa so.+

 6 Momma nnwom a ɛkamfo Onyankopɔn no nnyegye wɔn mene mu;+

Momma wɔnkura nkrantɛ anofanu wɔn nsam,+

 7 Na wɔmfa ntɔ aman so werɛ,+

Mfa ntwe amanaman asõ;+

 8 Wɔmfa nkɔnsɔnkɔnsɔn nkyekyere wɔn ahemfo,+

Mfa dadeɛ mpokyerɛ ngu wɔn animuonyamfoɔ;

 9 Na wɔmfa atemmuo a wɔatwerɛ ato hɔ no mmra wɔn so.+

Animuonyam a ɛte saa na ɛsɛ n’anokwafoɔ nyinaa.+

Monyi Yah ayɛ!+