Dwom

27 Yehowa ne me hann+ ne me nkwagyeɛ.+

Hwan na mɛsuro no?+

Yehowa ne me nkwa abandenden.+

Hwan na me ho bɛpopo n’anim?+

 2 Berɛ a nnebɔneyɛfoɔ baa me so sɛ wɔrebɛdi me nam,+

M’atamfo ne wɔn a wɔkyiri me no,+

Wɔn na wɔsuntiiɛ, na wɔhwehwee aseɛ.+

 3 Sɛ dɔm bɔ me so nsra+ a,

M’akoma rentu.+

Sɛ wɔtu me so sa+ a,

Ɛno mpo mede me ho bɛto wo so.+

 4 Adeɛ baako na mesrɛ Yehowa+—

Ɛno na mehwehwɛ akyire kwan,+

Sɛ mɛtena Yehowa fie me nkwa nna nyinaa,+

Na mahwɛ Yehowa papayɛ,+

Na mede anisɔ ahwɛ n’asɔrefie.+

 5 Ɔbɛkora me so ne huntabea ahohia da;+

Ɔde me bɛsie ne ntomadan mu ahuntaeɛ mu;+

Ɔde me bɛgyina botan so+ wɔ sorosoro.

 6 Na afei wɔbɛma me ti so wɔ m’atamfo a wɔatwa me ho ahyia nyinaa so;+

Na mede osebɔ bɛbɔ ayeyie afɔdeɛ wɔ ne ntomadan mu;+

Mɛto dwom, mɛto ayeyi dwom ama Yehowa.+

 7 O Yehowa, sɛ mede me nne mefrɛ wo a, tie me,+

Hu me mmɔbɔ na gye me so.+

 8 M’akoma ka w’ahyɛdeɛ yi sɛ: “Monhwehwɛ me.”+

O Yehowa, mɛhwehwɛ wo.+

 9 Mfa w’ani nhunta me.+

Mfa abufuo mpamo w’akoa.+

Bra bɛboa me.+

Nto me ntwene, na nnya me, O me nkwagyeɛ Nyankopɔn.+

10 Sɛ me papa ne me maame mpo gya me+ a,

Yehowa deɛ, ɔbɛgye me.+

11 Kyerɛkyerɛ me wo kwan, O Yehowa,+

Na fa me fa ɔkwantenenee so, m’atamfo nti.

12 Mfa me nhyɛ m’atamfo kra nsa;+

Na adansekunumufoɔ asɔre atia me,+

Ne wɔn a wɔpu aniɛdensɛm no.+

14 Fa w’ani to Yehowa so;+ nya akokoɔduro na ma wo bo nyɛ duru.+

Yehowa so na fa w’ani toɔ.+