Dwom

97 Yehowa afiri aseɛ redi hene!+ Momma asase ani nnye.+

Momma nsupɔ nyinaa nni ahurisie.+

 2 Mununkum ne sum kabii atwa ne ho ahyia;+

Tenenee ne atemmuo yɛ n’ahennwa nnyinasoɔ.+

 3 Egya firi n’anim kɔ,+

Na ɛhye n’atamfo hyia.+

 4 N’anyinam hyerɛn wiase;+

Asase hunuiɛ, na ɛpopoeɛ.+

 5 Yehowa nti mmepɔ nso nanee sɛ sradeɛ,+

Asase nyinaa Wura no nti.+

 6 Ɔsoro aka ne tenenee akyerɛ,+

Na aman nyinaa ahunu n’animuonyam.+

 7 Momma wɔn a wɔsɔre ahoni nyinaa ani nwu,+

Wɔn a wɔde anyamehunu hoahoa wɔn ho no.+

Anyame nyinaa, monkoto no.+

 8 Sion teeɛ, na ɔdii ahurisie,+

Yuda ne ɛho nkuro ani gyeeɛ,+

W’atemmusɛm nti, O Yehowa.+

 9 Ɛfiri sɛ wo, Yehowa, wo nko ara ne Ɔsorosoroni, asase nyinaa so;+

Woama wo ho so kɔ sorosoro sene anyame nyinaa.+

10 O mo a modɔ Yehowa nyinaa,+ monkyiri bɔne.+

Ɔwɛn n’anokwafoɔ kra;+

Ɔgye wɔn firi nnebɔneyɛfoɔ nsam.+

11 Hann ahyerɛn ama ɔteneneeni,+

Ne ahurisidie ama akomam teefoɔ.+

12 O mo ateneneefoɔ, monni ahurisie Yehowa mu,+

Na monna ne din* kronkron no ase.+