Dwom

68 Ma Onyankopɔn nsɔre ɛ,+ na n’atamfo mmɔ nhwete,+

Na ne nti wɔn a wɔkyiri no kɔkɔkɔkɔ no nnwane.+

 2 Sɛdeɛ wisie twam korɔ no, pamo wɔn saa ara;+

Sɛdeɛ egya nane sradeɛ no,+

Ma nnebɔneyɛfoɔ nyera mfiri Onyankopɔn anim.+

 3 Ateneneefoɔ deɛ, ma wɔnni ahurisie,+

Ma wɔn ho nsɛpɛ wɔn Onyankopɔn anim,+

Ma wɔmfa anigyeɛ mmɔ ose.+

 4 Monto dwom mma Onyankopɔn, monto dwom mma ne din;+

Momma dwom so mma Deɛ ɔnam asasetamaa soɔ+

A ne din de Yah no;+ monni ahurisie, n’anim;

 5 Nnyanka agya ne akunafoɔ temmufoɔ+

Ne Onyankopɔn a ɔte ne kronkronbea no.+

 6 Onyankopɔn ma ankonam nya fie tena mu;+

Ɔma nneduafoɔ di yie.+

Na asoɔdenfoɔ deɛ, asase wesee so na wɔbɛtena.+

 7 O Onyankopɔn, berɛ a wodii wo man anim,+

Berɛ a wode wɔn faa serɛ soɔ no+—Sela—

 8 Asase wosoeɛ,+

Ɔsoro nso sosɔeɛ, Onyankopɔn nti;+

Sinai yi nso wosoeɛ, Onyankopɔn,+ Israel Nyankopɔn nti.+

 9 O Onyankopɔn, wotɔɔ nsuo pii;+

Berɛ a w’agyapadeɛ brɛeɛ mpo, wo ara na wohyɛɛ wɔn den.+

10 Wo man tenatenaa ntomadan mu+—emu na wɔtenatenaeɛ;+

O Onyankopɔn, wo papayɛ mu na wosiesiee ntomadan maa mmɔborɔni.+

11 Yehowa aka;+

Mmaa a wɔka asɛmpa no yɛ asafodɔm kɛseɛ.+

12 Asafodɔm so ahemfo deɛ, dwane na wɔdwane.+

Nanso ɔbaa a ɔte fie mpo, ɔnya asadeɛ no bi.+

13 Ɛwom sɛ moda nsõ mu deɛ,

Nanso mobɛnya aborɔnoma a wɔde dwetɛ adura ne ntaban ho,

Na wɔde sika a ɛbere dum adura ne ntakra ho.+

14 Berɛ a adeɛ nyinaa so Tumfoɔ bɔɔ asase no so ahemfo hweteeɛ no,+

Sukyerɛmma firii aseɛ tɔɔ wɔ Salmon.+

15 Basan+ mmepɔ yɛ Onyankopɔn mmepɔ;+

Basan mmepɔ yɛ mmepɔ atenten.+

16 O mmepɔ atenten, adɛn nti na mode ahoɔyaa hwɛ

Bepɔ a Onyankopɔn pɛ sɛ ɔtena soɔ?+

Yehowa deɛ, ɛhɔ na ɔbɛtena daa.+

17 Onyankopɔn akodie nteaseɛnam si ɔpedu ne mpempem huhaa.+

Yehowa firi Sinai aba ne kronkronbea.+

18 Woforo kɔɔ soro;+

Wode nnommum kɔeɛ;+

Wode nnipa kɔɔ sɛ akyɛdeɛ,+

Asoɔdenfoɔ mpo,+ wɔtenaa wɔn mu,+ O Yah Nyankopɔn.

19 Nhyira nka Yehowa a ɔsoa yɛn adesoa ma yɛn da biara no,+

Ɔno ne yɛn nkwagyeɛ Nyankopɔn ara.+ Sela.

20 Nokorɛ Nyankopɔn no ne yɛn nkwagyeɛ Nyankopɔn;+

Na Awurade Tumfoɔ+ Yehowa nsam na ɛkwan a wɔde firi owuo mu wɔ.+

21 Ampa ara, Onyankopɔn na ɔbɛbobɔ n’atamfo ti pasaa;+

Ɔbɛbobɔ obiara a ɔnam afobuo mu tikoraa.+

22 Yehowa aka sɛ: “Basan na mede wɔn bɛfiri aba,+

Mede wɔn bɛfiri ɛpo bunu mu aba,+

23 Na ama woahohoro wo nan ho wɔ mogya mu,+

Na wo nkraman kɛtrɛma nso atafere atamfo mogya.”+

24 O Onyankopɔn, wɔahunu wo santen,+

Me Nyankopɔn, me Hene, santen a ɛkɔ kronkronbea hɔ no.+

25 Nnwontofoɔ no na wɔdi kan, asankubɔfoɔ na wɔdi akyire;+

Wɔn ntam na mmaayewa a wɔbɔ mpintin+ no die.

26 Monhyira Onyankopɔn wɔ asafo adwabɔ mu,+

O mo a mofiri Israel mu, monhyira Yehowa.+

27 Benyamin a ɔsua no di nkurɔfoɔ so,+

Yuda mmapɔmma ne wɔn dɔm a wɔteam nso saa ara,

Sebulon mmapɔmma ne Naftali mmapɔmma nso.+

28 Wo Nyankopɔn ahyɛ sɛ ahoɔden mmra wo so.+

O Onyankopɔn a woadi ama yɛn, kyerɛ wo tumi.+

29 W’asɔrefie a ɛwɔ Yerusalem no+ nti,

Wo na ahemfo de akyɛdeɛ bɛbrɛ woɔ.+

30 Ka demmire mu mmoa+ no anim, anantwinini kuo no,+

Wɔne nnipa a wɔayɛ sɛ anantwie mma a wɔn mu biara tiatia dwetɛ soɔ+ no.

Nnipa a wɔpɛ akodie+ no, wabɔ wɔn ahwete.

31 Kɔbere nneɛma bɛfiri Egypt aba;+

Kus bɛtrɛ ne nsam de akyɛdeɛ ama Onyankopɔn.+

32 O asase so ahennie, monto dwom mma Onyankopɔn,+

Monto dwom mma Yehowa—Sela—

33 Monto mma Deɛ ɔte soro mu soro firi teteete no.+

Hwɛ! Ɔbobom, ɔde nne a emu yɛ den.+

34 Momma ahoɔden nyɛ Onyankopɔn dea.+

N’animuonyam wɔ Israel so, na n’ahoɔden wɔ mununkum mu.+

35 Onyankopɔn, wo ho yɛ hu, wo kronkronbea kɛseɛ hɔ.+

Ɔno ne Israel Nyankopɔn a ɔma ɔman no ahoɔden ne tumi.+

Nhyira nka Onyankopɔn.+