1 Korintofoɔ

16 Na ɛdefa ntoboa+ a wɔgyegye ma akronkronfoɔ+ ho no, sɛdeɛ mede ahyɛdeɛ maa Galatia+ asafo ahodoɔ no, mo nso monyɛ no saa ara. 2 Nnawɔtwe biara mu da a ɛdi kan no, mo mu biara nhwɛ deɛ wanya na ɔnyi biribi nsie wɔ ne fie, na amma sɛ berɛ a mabɛduru hɔ no ansa na ntoboa gyegyeɛ akɔ so. 3 Na sɛ meba a, mmarima a monam nkrataa+ so bɛpene wɔn soɔ no, wɔn na mɛsoma wɔn ama wɔde mo akyɛdeɛ no akɔ Yerusalem. 4 Nanso sɛ ɛfata sɛ me nso mekɔ hɔ a, me ne wɔn bɛkɔ hɔ.

5 Na mɛba mo nkyɛn berɛ a makɔfa Makedonia, ɛfiri sɛ mɛfa Makedonia;+ 6 na ebia mɛtena mo nkyɛn anaa mɛdi awɔ berɛ no mpo wɔ mo nkyɛn, na moagya me kwan+ kakra akɔ baabi a mɛkɔ. 7 Na mempɛ sɛ mɛhu mo berɛ a meretwam yi nko, na mmom sɛ Yehowa+ ma kwan+ a, m’ani da so sɛ me ne mo bɛtena kakra.+ 8 Nanso mɛtena Efeso+ akɔsi sɛ Pentekoste afahyɛ no bɛduro, 9 ɛfiri sɛ wɔabue dwumadie kɛseɛ bi pono ama me,+ nanso asɔretiafoɔ pii wɔ hɔ.

10 Na sɛ Timoteo+ ba a, monhwɛ na wammɔ hu berɛ a ɔwɔ mo nkyɛn no, ɛfiri sɛ ɔreyɛ Yehowa adwuma+ sɛdeɛ me nso mereyɛ no. 11 Enti obiara mmmu no animtia.+ Monnya no kwan asomdwoeɛ mu sɛdeɛ ɛbɛyɛ a ɔbɛba me nkyɛn wɔ ha, ɛfiri sɛ me ne anuanom retwɛn no.

12 Afei ɛdefa yɛn nua Apolo+ ho no, mesrɛɛ no ara sɛ anka ɔne anuanom mmra mo nkyɛn, na na ɔmpɛ koraa sɛ ɔbɛba; nanso sɛ ɔnya kwan a ɔbɛba.

13 Monwɛn,+ monnyina pintinn wɔ gyidie no mu,+ monkɔ so sɛ mmarima,+ monyɛ den.+ 14 Monyɛ biribiara ɔdɔ mu.+

15 Afei anuanom metu mo fo: Monim sɛ Stefana fiefoɔ ne aba a ɛdi kan+ wɔ Akaia, na wɔatu wɔn ho asi hɔ sɛ wɔresom akronkronfoɔ.+ 16 Mo nso ɛmmra sɛ mobɛkɔ so abrɛ mo ho ase ama nnipa a wɔte saa ne obiara a ɔde ne ho hyɛ adwuma no mu na ɔbrɛ wɔ mu no.+ 17 Nanso m’ani agye sɛ Stefana+ ne Fortunato ne Akaiko wɔ ha, ɛfiri sɛ monni ha no, wɔasi mo ananmu. 18 Na wɔadwodwo me honhom+ ne mo deɛ. Enti monnye nnipa a wɔte saa ntom.+

19 Asafo a ɛwowɔ Asia no kyea mo.+ Akwila ne Priska ne asafo a ɛwɔ wɔn fie+ no de anigyeɛ kyea mo Awurade mu. 20 Anuanom nyinaa kyea mo. Momfa mfeano kronkron nkyeakyea mo ho.+

21 Me, Paulo, me ara me nsa ano nkyea nie.+

22 Sɛ obi mpɛ Awurade asɛm a ɔnnue.+ O yɛn Awurade, bra!+ 23 Awurade Yesu adom nka mo. 24 Me dɔ nka mo nyinaa wɔ Kristo Yesu mu.