Kolosefoɔ

4 Mo, awuranom, monkɔ so ne mo nkoa nni no ɛkwan a ɛtene na ɛfata so,+ ɛfiri sɛ monim sɛ mo nso mowɔ Owura bi wɔ soro.+

2 Monkura mpaebɔ mu daa,+ na momfa aseda+ nkɔ so nwɛn wɔ mu, 3 na berɛ korɔ no ara nso mommɔ mpaeɛ mma yɛn+ na Onyankopɔn mmue pono+ mma yɛnka Kristo ho ahuntasɛm kronkron+ a enti mewɔ afiase mpokyerɛ+ mu no; 4 na ama mada no adi sɛdeɛ ɛsɛ sɛ meka no.+

5 Monkɔ so nnante nyansam wɔn a wɔnka mo ho+ no mu, na montɔ berɛ a mobɛnya+ biara. 6 Momma mo kasa ho mmra nyam+ berɛ nyinaa na nkyene+ mmra mu, na moahunu sɛdeɛ ɛsɛ sɛ mobua+ obiara.

7 Tihiko+ a ɔyɛ me nua a medɔ no ne ɔsomfoɔ nokwafoɔ ne me yɔnko akoa wɔ Awurade mu no bɛba abɛka me ho nsɛm nyinaa akyerɛ mo. 8 Deɛ ɛbɛyɛ na moate yɛn ho asɛm na afei wama mo akoma atɔ mo yam+ no, meresoma no aba mo nkyɛn, 9 ɔne Onesimo,+ me nua nokwafoɔ a medɔ no, a ɔfiri mo mu no. Wɔbɛma moate ɛha nsɛm nyinaa.

10 Aristarko+ a ɔyɛ me yɔnko deduani no kyea mo, na Barnaba busuani Marko+ (a wɔhyɛɛ mo sɛ, sɛ ɔba mo nkyɛn a, monnye no+ no) nso kyea mo, 11 ɛne Yesu a wɔfrɛ no Yusto no; wɔn na wɔfiri wɔn a wɔatwa twetia mu. Yeinom nko ara ne me mfɛfoɔ adwumayɛfoɔ Onyankopɔn ahennie no fam, na wɔabɛyɛ aboafoɔ a wɔahyɛ me den. 12 Kristo Yesu akoa Epafra+ a ɔfiri mo mu no kyea mo; daa ɔyere ne ho bɔ mpaeɛ ma mo, sɛdeɛ ɛbɛyɛ a awieeɛ koraa mobɛgyina hɔ pintinn,+ na moanya ahotɔsoɔ kɛseɛ wɔ Onyankopɔn apɛdeɛ nyinaa mu. 13 Na medi ne ho adanseɛ sɛ ɔbɔ ne ho mmɔden pii ma mo ne wɔn a wɔwɔ Laodikea+ ne wɔn a wɔwɔ Hierapoli no.

14 Luka,+ yɛn dɔfo duruyɛfoɔ no kyea mo, ɔne Dema.+ 15 Monkyea anuanom a wɔwɔ Laodikea, na monkyea Nimfa ne asafo a ɛwɔ ne fie+ no mma me. 16 Na sɛ mokenkan krataa yi wɔ mo hɔ wie a, monyɛ nhyehyɛeɛ mma wɔnkenkan+ no Laodikeafoɔ asafo no nso mu, na mo nso monkenkan Laodikea deɛ no. 17 Afei nso monka nkyerɛ Arkipo+ sɛ: “Hwɛ ɔsom adwuma a wogyee no Awurade mu no so, na wie.”

18 Me Paulo, me nkyea a mede me ara me nsa atwerɛ nie.+ Monkɔ so nkae mpokyerɛ mu a meda wɔ afiase+ no. Adom nka mo.