Dwom

137 Babilon nsubɔnten ho+—ɛhɔ na yɛtenatenaeɛ.+

Na berɛ a yɛkaee Sion no, yɛsuiɛ.+

 2 Ɛhɔ nsuano nnua so+ na

Yɛde yɛn asankuo sensɛneeɛ.+

 3 Ɛhɔ na wɔn a wɔafa yɛn nnommum no bisaa yɛn dwom,+

Na yɛn afɛdifoɔ bisaa yɛn anigyeɛ dwom sɛ:+

“Monto Sion nnwom no bi mma yɛn.”+

 4 Yɛbɛyɛ dɛn ato Yehowa dwom+

Wɔ ananafoɔ asase soɔ?+

 5 O Yerusalem, sɛ me werɛ firi wo+ a,

Ma me nsa nifa werɛ mfiri biribiara yɛ.

 6 Sɛ mankae wo a,+

Sɛ mamma Yerusalem anhia me

Ansene deɛ ɛma medi ahurisie biara a,+

Ma me kɛtrɛma mfam me dodom.+

 7 O Yehowa, kae+ Edom mma,+ Yerusalem sɛeɛ da no nti;+

Wɔn na wɔkaa sɛ: “Monnwiri ngu! Monnwiri ngu nkɔsi ne fapem so!”+

 8 O Babilon babaa a wɔrebɛfom woɔ,+

Anigyeɛ ne deɛ ɔtua wo ka+

Sɛdeɛ wo ne yɛn diiɛ no.+

 9 Anigyeɛ ne deɛ ɔbɛsɔ wo mma mu

De wɔn apempem botan atete wɔn mu.+