2 Korintofoɔ
10 Afei me Paulo, me ara mede Kristo dwoɔ+ ne n’ayamyɛ+ tu mo fo, me a sɛ mewɔ mo nkyɛn a, menyɛ nipa mũ biara,+ nanso menni hɔ a, meyɛ ɔkokoɔdurofoɔ ma mo no.+ 2 Nokorɛm no, meresrɛ na sɛ meba a mamfa ahotɔsoɔ anyɛ m’adeɛ akokoɔduro so sɛdeɛ mepɛ sɛ mede nnamyɛ yɛ adeɛ+ tia wɔn a wɔhwɛ yɛn sɛdeɛ yɛteɛ ɔhonam mu no. 3 Na yɛnam honam mu+ deɛ, nanso yɛnkɔ ɔsa honam mu,+ 4 ɛfiri sɛ akodeɛ a yɛde kɔ sa no nyɛ honam mu deɛ,+ nanso Onyankopɔn ma no yɛ den,+ na yɛtumi de tutu nneɛma a agye nhini gu. 5 Na yɛretutu nsusuiɛ ne adeɛ a ɛkorɔn biara a wɔama so atia Onyankopɔn nimdeɛ agu;+ na yɛfa nsusuiɛ nyinaa nnommum ma no yɛ setie ma Kristo; 6 na yɛasiesie yɛn ho sɛ sɛ moyɛ asoɔmmerɛ wie ara pɛ a,+ yɛde asoɔden nyinaa ho asotwe bɛma.+
7 Mohwɛ nneɛma aniani.+ Sɛ obi gye ne ho di sɛ ɔyɛ Kristo dea a, ma no nsan nsusu saa nokwasɛm yi ho sɛ, sɛdeɛ ɔyɛ Kristo dea no, saa ara na yɛn nso yɛyɛ Kristo dea.+ 8 Na sɛ mehoahoa me ho+ boro so kakra wɔ tumi a Awurade de ama yɛn sɛ yɛmfa nhyɛ mo den na ɛnyɛ sɛ yɛde bɛbu mo abam+ no ho mpo a, m’ani renwu, 9 na anyɛ sɛ deɛ mepɛ sɛ mede me nkrataa no hunahuna mo. 10 Na wɔka sɛ: “Ne nkrataa mu yɛ duru na tumi wom, nanso sɛ ɔno ara wɔ ha a, ɔyɛ mmerɛ,+ na ne nsɛm nka hwee.”+ 11 Ma onii no nhunu yei sɛ sɛdeɛ yɛn nsɛm a ɛwɔ nkrataa no mu teɛ berɛ a yɛnni hɔ no, saa ara na yɛbɛyɛ wɔ nneyɛɛ mu berɛ a yɛwɔ hɔ no.+ 12 Na yɛrentumi nkan yɛn ho mfra ebinom na yɛrentumi mfa yɛn ho ntoto ebinom a wɔkamfo wɔn ho kyerɛ no.+ Nokorɛm no, wɔn ho a wɔde yɛ susuhoma ma wɔn ho na wɔde wɔn ho toto wɔn ara wɔn ho no kyerɛ sɛ wɔnni nteaseɛ.+
13 Na yɛn deɛ, yɛrenhoahoa yɛn ho ntra ɛhyeɛ a wɔde ama yɛn+ no, na mmom, yɛde bɛsi ɛhyeɛ a Onyankopɔn asusu atwa ama yɛn no, na ɛba ara bɛsi mo so.+ 14 Nokorɛm no, yɛntwe yɛn mu ntra so te sɛ deɛ gyama yɛannuru mo nkyɛn, ɛfiri sɛ yɛn na yɛdii kan de Kristo ho asɛmpaka no baeɛ ara bɛduruu mo nkyɛn.+ 15 Dabi, yɛnhoahoa yɛn ho ntra ɛhyeɛ a wɔde ama yɛn no wɔ obi adwuma mu,+ na mmom yɛn ani da so sɛ berɛ a mo gyidie renya nkɔsoɔ no,+ yɛbɛyɛ kɛse mo anim wɔ yɛn asasesini mu.+ Ɛno ansa na yɛbɛkyɛn soɔ, 16 na yɛakɔka asɛmpa no akyerɛ nsase foforɔ wɔ mo akyi nohoa+ sɛdeɛ yɛremfa obi asase a wɔawie hɔ dada nhoahoa yɛn ho. 17 “Na deɛ ɔhoahoa ne ho no, ma no nhoahoa ne ho Yehowa mu.”+ 18 Ɛfiri sɛ ɛnyɛ deɛ ɔkamfo ne ho na ɔfata,+ na mmom deɛ Yehowa+ kamfo no.+