Dwom

124 “Sɛ ɛnyɛ Yehowa na ɔka yɛn ho a,”+

Momma Israel nka sɛ,+

 2 “Sɛ ɛnyɛ Yehowa na ɔka yɛn ho+

Berɛ a nnipa sɔre tiaa yɛn no a,+

 3 Anka wɔbɛmemene yɛn animono,+

Berɛ a wɔn abufuo dɛre tiaa yɛn no.+

 4 Anka nsuo na ɛbɛhohoro yɛn akorɔ,+

Na asutene atwi afa yɛn kra so.+

 5 Anka ahantan nsuo+

Bɛtwi afa yɛn kra so.

 6 Nhyira nka Yehowa a wamfa yɛn+

Anhyɛ wɔn sẽ ntam sɛ hanam no.+

 7 Yɛn kra te sɛ anomaa a watete ne ho+

Afiri firisumfoɔ fidie mu.+

Fidie no abubu,+

Na yɛn nso yɛadwane.+

 8 Yehowa din mu na yɛn mmoa wɔ,+

Ɔsoro ne asase Yɛfoɔ no.”+