Dwom

95 Mommra ɛ, momma yɛnto ahurisi dwom mma Yehowa!+

Momma yɛmmɔ yɛn nkwagyeɛ Botan no ose.+

 2 Momma yɛmfa aseda nkɔ n’anim;+

Momma yɛmfa dwom mmɔ no ose.+

 3 Na Yehowa yɛ Onyankopɔn kɛseɛ+

Ne Ɔhenkɛseɛ, anyame nyinaa so;+

 4 Ne nsam na asase ase tɔnn wɔ,+

Na ɔno na mmepɔ atenten wɔ no;+

 5 Ɔno na ɛpo a ɔyɛeɛ no yɛ ne dea,+

Na ne nsa na ɛyɛɛ asase kesee no.+

 6 Mommra ɛ, momma yɛnsom na yɛmmɔ yɛn mu ase;+

Momma yɛnkoto+ yɛn Bɔfo Yehowa+ anim.

 7 Na ɔno ne yɛn Nyankopɔn, na yɛyɛ n’adidibea nkurɔfoɔ ne ne nsam nnwan.+

Ɛnnɛ, sɛ mote Onyankopɔn nne a,+

 8 Mommpirim mo akoma sɛdeɛ ɛsii wɔ Meriba,+

Masa* da no, ɛserɛ so hɔ,+

 9 Berɛ a mo agyanom gyegyee me no;+

Wɔsɔɔ me hwɛeɛ, nanso na wɔahunu me nnwuma.+

10 Awoɔ ntoatoasoɔ yi ho yɛɛ me aniwu mfeɛ aduanan,+

Na mekaa sɛ:

“Wɔyɛ ɔman a wɔayera wɔn akomam,+

Na wɔnhunuu m’akwan”;+

11 Wɔn na mekaa wɔn ho ntam m’abufuo mu sɛ:+

“Wɔrenhyɛn me home mu.”+