Dwom

99 Yehowa afiri aseɛ redi hene.+ Momma amanaman no ho mpopo.+

Ɔte kerubim so.+ Momma asase nhinhim.+

 2 Yehowa yɛ kɛseɛ wɔ Sion,+

Na ɔyɛ ɔsorosoroni wɔ aman nyinaa so.+

 3 Ma wɔnkamfo wo din.+

Ɛyɛ kɛseɛ na ɛyɛ hu, ɛyɛ kronkron nso.+

 4 Ɔhene ahoɔden na ɔde bɛdɔ atɛntenenee.+

Wo na woama teeyɛ atim.+

Woama atɛntenenee ne adetenenee reyɛ adwuma Yakob mu.+

 5 Momma Yehowa yɛn Nyankopɔn so,+ na monkoto ne nan ntiasoɔ anim.+

Ɔyɛ kronkron.+

 6 Mose ne Aaron ka n’asɔfoɔ ho,+

Na Samuel nso ka wɔn a wɔbɔɔ ne din no ho.+

Wɔfrɛɛ Yehowa, na ɔno nso gyee wɔn so daa.+

 7 Mununkum dum mu na ɔne wɔn kasaeɛ.+

Wɔdii ne nkaesɛm ne ahyɛdeɛ a ɔde maa wɔn no so.+

 8 O Yehowa yɛn Nyankopɔn, wo na wotiee wɔn.+

Woyɛɛ fafirie Nyankopɔn maa wɔn,+

Na wotuaa wɔn nneyɛɛ bɔne so ka.+

 9 Momma Yehowa yɛn Nyankopɔn so,+

Na monkoto no ne bepɔ kronkron no so.+

Ɛfiri sɛ Yehowa yɛn Nyankopɔn yɛ kronkron.+