61 Awurade Tumfoɔ Yehowa honhom wɔ me so,+
Ɛfiri sɛ Yehowa asra me sɛ memmɛka asɛmpa nkyerɛ ahobrɛasefoɔ.+
Wasoma me sɛ memmɛkyekyere akoma a abubuo,
Na memmɛka ɔgyeɛ ho asɛm nkyerɛ wɔn a wɔakye wɔn,
Na menka nkyerɛ wɔn a wɔda afiase no sɛ wɔn ani bɛbue kɛse.+
2 Wasoma me sɛ memmɛka Yehowa adom afe
Ne ɛda a yɛn Nyankopɔn de bɛtua bɔne so ka,+
Na menkyekye wɔn a wɔdi awerɛhoɔ nyinaa werɛ.+
-
Luka 4:18, 19
Twerɛ Kronkron—Wiase Foforɔ Nkyerɛaseɛ
-
-
18 “Yehowa honhom wɔ me so, ɛfiri sɛ wasra me sɛ memmɛka asɛmpa nkyerɛ ahiafoɔ. Wasoma me sɛ memmɛka ɔgyeɛ ho asɛm nkyerɛ wɔn a wɔakye wɔn, na memma anifirafoɔ nhunu adeɛ, na memma wɔn a wɔabubu mfa wɔn ho nni,+ 19 na menka Yehowa adom berɛ nkyerɛ nkurɔfoɔ.”+
-
Romafoɔ 8:20, 21
Twerɛ Kronkron—Wiase Foforɔ Nkyerɛaseɛ
-
-
20 Na wɔde abɔdeɛ no ahyɛ adehunu ase.+ Ɛnyɛ ɔno ankasa ne pɛ nti na ɔhyɛ aseɛ, na mmom deɛ ɔde no hyɛɛ aseɛ no pɛ ntira. Ɔyɛɛ saa anidasoɔ mu, 21 a ɛne sɛ abɔdeɛ no ankasa nso bɛnya ahofadie+ afiri porɔeɛ a ɛde no ayɛ akoa no mu, na ɛbɛnya animuonyam ahofadie a ɛwɔ hɔ ma Onyankopɔn mma no.