15 O Yehowa, hwan na ɔbɛsoɛ wo ntomadan mu?
Hwan na ɔbɛtena wo bepɔ kronkron no so?+
2 Deɛ ne ho nni asɛm,+
Ɔyɛ adetenenee,+
Na ɔka nokorɛ wɔ n’akoma mu.+
3 Ɔmfa ne kɛtrɛma nkeka nkurɔfoɔ ho nsɛmmɔne,+
Ɔnyɛ ne mfɛfoɔ bɔne biara,+
Na ne nnamfo nso, ɔnsɛe wɔn din.+
4 Ɔne ahuhufoɔ nnante,+
Na ɔdi wɔn a wɔsuro Yehowa no ni.
Sɛ ɔhyɛ bɔ na ɛtia no mpo a, ɔnsesa n’ano.+
5 Ɔde ne sika bɔ bosea a, ɔnnye nsiho,+
Na ɔnnye deɛ ne ho nni asɛm nkyɛn adanmudeɛ.+
Onipa a ɔte saa no renhinhim da biara da.+