7 Akyire yi, ne wura yere de n’ani sii ne so, na ɔka kyerɛɛ Yosef sɛ: “Wo ne me mmɛda.” 8 Nanso wampene, na ɔka kyerɛɛ ne wura yere no sɛ: “Hwɛ, deɛ ɛkɔ so wɔ fie ha nyinaa, me wura agya ama me, na ɔde biribiara a ɔwɔ ahyɛ me nsa. 9 Obiara nni hɔ a ɔyɛ kɛseɛ sene me wɔ fie ha, na ɔmfa biribiara nkame me gye wo, ɛfiri sɛ woyɛ ne yere. Enti ɛbɛyɛ dɛn na matumi adi amumuyɛsɛm a ɛte sei na mayɛ bɔne atia Onyankopɔn?”+