42 Yesu bisaa wɔn sɛ: “Monkenkan wei wɔ Twerɛnsɛm no mu da sɛ, ‘Ɛboɔ a adansifoɔ poeɛ no, ɛno na abɛyɛ ntwea so boɔ titire?’*+ Na monkenkanee sɛ, ‘Yehowa* hɔ na wei firi, na ɛyɛ nwanwa wɔ yɛn ani so?’+

44 Afei nso, obiara a ɔbɛhwe boɔ yi so no, ɔbɛbubu pasapasa.+ Na obiara a ɛbɛhwe ne so deɛ, ɛbɛyam no.”+

17 Na ɔhwɛɛ wɔn anim kaa sɛ: “Ɛnneɛ, asɛm a wɔatwerɛ sɛ: ‘Ɛboɔ a adansifoɔ poeɛ no, ɛno na abɛyɛ ntwea so boɔ titire* no,’+ deɛn na ɛkyerɛ? 18 Obiara a ɔbɛhwe saa boɔ no so no, ɔbɛbubu pasapasa.+ Na obiara a ɛbɛhwe ne so deɛ, ɛbɛyam no.”

31 na Israel deɛ, ɛwom sɛ wɔdii tenenee mmara akyi, nanso wɔantumi anni saa mmara no so pɛpɛɛpɛ. 32 Adɛn ntira? Ɛfiri sɛ ɛnyɛ gyidie na wɔde dii akyire, na mmom wɔnam nnwuma so na ɛdii akyire. Wɔsuntii wɔ “suntiboɔ” no so;+ 33 sɛdeɛ wɔatwerɛ sɛ: “Hwɛ! mede suntiboɔ ne watiri boɔ reto Sion,+ na obiara a ɔnya mu gyidie no nsa rensi fam.”+

23 Na yɛn deɛ, yɛka Kristo a wɔbɔɔ no asɛndua mu kum no no ho asɛm. Saa asɛm no yɛ suntidua ma Yudafoɔ, ɛnna ɛyɛ nkwaseasɛm ma amanaman no.+

7 Enti mo mmom na ɔsom bo ma mo, ɛfiri sɛ moyɛ agyidifoɔ; na wɔn a wɔnnye nnie no deɛ, “ɛboɔ a adansifoɔ poeɛ no,+ ɛno na abɛyɛ ntwea so boɔ titire”*+ 8 ne “suntiboɔ ne watiri boɔ”+ ama wɔn. Ɛsiane sɛ wɔntie asɛm no nti na wɔsunti. Na saa ara na ɛbɛwie wɔn.