27 Afei ɔfaa kuruwa, na berɛ a ɔdaa ase no, ɔde maa wɔn kaa sɛ: “Mo nyinaa monnom ano,+ 28 na wei gyina hɔ ma me ‘mogya+ a wɔde yɛ apam+ no,’ deɛ wɔbɛhwie agu ama nnipa bebree+ anya bɔnefakyɛ+ no.

20 Afei ɔyɛɛ kuruwa no saa ara berɛ a wɔdii anwummerɛ aduane no wieeɛ no, na ɔkaa sɛ: “Kuruwa yi gyina hɔ ma apam foforɔ+ a ɛnam me mogya+ so, deɛ wɔbɛhwie agu ama mo+ no.

25 Ɔyɛɛ kuruwa no+ nso saa ara berɛ a wɔdii anwummerɛ aduane no wieeɛ no, na ɔkaa sɛ: “Kuruwa yi gyina hɔ ma apam foforɔ+ a ɛnam me mogya+ so no. Berɛ biara a mobɛnom kuruwa yi ano no, monkɔ so nyɛ wei mfa nkae me.”+

8 Na ɔnyaa ɔman no ho mfomsoɔ, na ɔkaa sɛ: “‘Hwɛ! Nna bi reba,’ Yehowa* asɛm nie, ‘na me ne Israel fie ne Yuda fie bɛyɛ apam foforɔ. 9 Ɛrenyɛ sɛ apam a me ne wɔn agyanom yɛɛ no da a mesosɔɔ wɔn nsa dii wɔn anim firii Egypt asaase so+ no. Ɛfiri sɛ wɔanni m’apam no so; ɛno nti, manhwɛ wɔn bio,’ Yehowa* asɛm nie.”

10 “‘Na wei ne apam a me ne Israel fie bɛyɛ wɔ saa nna no akyi,’ Yehowa* asɛm nie. ‘Mede me mmara bɛhyɛ wɔn adwenem, na mɛtwerɛ wɔ wɔn akomam.+ Na mɛyɛ wɔn Nyankopɔn, na wɔn nso ayɛ me man.+

11 “‘Na obiara renkyerɛ ne man muni ne ne nua bio sɛ: “Monhunu Yehowa!”* Ɛfiri sɛ wɔn nyinaa bɛhu me, ɛfiri kumaa so kɔsi ɔkɛseɛ so. 12 Na mɛhu wɔn mmɔbɔ wɔ wɔn nneyɛɛ bɔne ho, na merenkae wɔn bɔne bio.’”+