Hosea

13 “Sɛ Efraim kasa a, ná nnipa ho popo;

Ná ɔyɛ otitire* wɔ Israel.+

 2 Wɔasan ayɛ bɔne bio,

Wɔde wɔn dwetɛ ayeyɛ ahoni;*+

Wɔto wɔn bo ase yɛ abosom; ne nyinaa yɛ adwumfoɔ nsa ano adwuma.

 3 Enti wɔbɛyɛ sɛ anɔpa mununkum,

Te sɛ bosuo a ɛyera ntɛm,

Te sɛ ntɛtɛ a mframa bɔ firi ayuporobea,

Na wɔbɛyɛ sɛ wisie a ɛpue firi tokuro mu wɔ ɛdan atifi.

 4 Nanso mene Yehowa wo Nyankopɔn firi Egypt asaase so,+

Ná wonnim Onyankopɔn foforɔ biara ka me ho,

Na ɔgyefoɔ biara nni hɔ sɛ me.+

 6 Wɔn asaase pa* nti, wɔdidi mee,+

Wɔmee, na wɔn akoma yɛɛ ahantan.

 7 Afei mɛba wɔn so sɛ gyata a ne ho yɛ den,+

Te sɛ ɔsebɔ a ɔtetɛ kwankyɛn.

 8 Mɛto ahyɛ wɔn so te sɛ sisire a ne mma ayera,

Na mɛtu wɔn koko mu tokuro.*

Na mɛwe wɔn wɔ hɔ te sɛ gyata;

Na wuram aboa bɛtete wɔn mu pasapasa.

 9 O Israel, ɛbɛsɛe wo,

Ɛfiri sɛ woasɔre atia me, me a meyɛ wo boafoɔ no.

10 Afei wo hene no wɔ he? Ma no nnye wo wɔ wo nkuro nyinaa mu ɛ.+

Na wo mpanimfoɔ* a wokaa wɔn ho asɛm sɛ,

‘Ma me ɔhene ne aberempɔn’ no wɔ he?+

11 M’abufuo mu na memaa mo ɔhene,+

Na m’aniberɛ mu na mɛfa no akɔ.+

12 Wɔakyekyere Efraim amumuyɛ;

Wɔakora ne bɔne so.

Nanso ɔyɛ ɔba a ɔnnim nyansa;

Sɛ berɛ so sɛ wɔwo no a, ɔremma.

14 Mɛgye wɔn afiri Adamena* nsam;

Mɛyi wɔn afiri owuo mu.+

15 Sɛ ɔso aba te sɛ demmire* mpo a,

Apueeɛ mframa, Yehowa mframa, bɛba.

Ɛfiri serɛ so reba, na ɛbɛma n’abura mu nsuo awe, na n’asutire bɛtwa.

Wɔde sekan bɛkunkum wɔn.+

Wɔde wɔn mma bɛhwehwe hɔ apɛkyɛ wɔn,

Na wɔbɛpaapae wɔn mmaa a wɔnyem mu.”