Yesaia

64 O, sɛ anka wotetee ɔsoro mu siane baa fam

Maa wo nti, mmepɔ wosoe,

 2 Sɛdeɛ egya hye anyina,

Na egya ma nsuo huru no a,

Anka w’atamfo bɛhunu wo din,

Na aman ho apopo w’anim!

 3 Berɛ a woyɛɛ anwanwadwuma a ɛnsɛ mfata yɛn no,+

Wosiane baa fam, na mmepɔ wosoo wɔ w’anim.+

 4 Ɛfiri tete, obiara nteeɛ na ɛntwaa obiara aso mu,

Na ani biara nhuu Onyankopɔn bi a ɔdi ma wɔn a wɔkɔ so twɛn no,*+

Gye wo nko ara.

 5 Woahyia wɔn a wɔde anigyeɛ yɛ deɛ ɛtene,+

Wɔn a wɔkae wo na wɔfa w’akwan so no.

Hwɛ! Wo bo fui berɛ a yɛkɔɔ so yɛɛ bɔne no;+

Yɛtenaa bɔne no mu kyɛe.

 6 Yɛn nyinaa abɛyɛ sɛ obi a ne ho nteɛ,

Na adetenenee a yɛyɛ nyinaa te sɛ ntoma a ɔbaa yɛ bra a ɔde siesie ne ho.*+

Yɛn nyinaa yɛbɛtwintwam te sɛ ahaban,

Na yɛn bɔne bɛsoa yɛn akɔ sɛ mframa.

 7 Obiara nni hɔ a ɔbɔ wo din,

Na obiara nni hɔ a ɔkanyan ne ho na ɔsɔ wo mu,

Ɛfiri sɛ wode w’anim ahinta yɛn,+

Na yɛn bɔne nti,* woama yɛasa.*

Yɛyɛ dɔteɛ, na wone yɛn Nwemfoɔ;*+

Yɛn nyinaa yɛ wo nsa ano adwuma.

 9 O, Yehowa, mma wo bo mmfu dendeenden,+

Na nkae yɛn mfomsoɔ daa.

Sion adane serɛ,

Na Yerusalem asɛe.+

11 Yɛn fie* kronkron a ɛwɔ animuonyam* no,

Baabi a yɛn agyanom yii wo ayɛ no,

Wɔde gya ahye,+

Na nneɛma a na ɛsom bo ma yɛn no nyinaa asɛe.