Dwom

84 O asafo Yehowa,

Hwɛ sɛdeɛ wo ntomadan kɛseɛ no da m’akoma so.*+

 2 M’ani* agyina,

Na anigyina no ama maboto

Ɛsiane Yehowa fie adihɔ hɔ nti.+

 3 O asafo Yehowa a woyɛ me Hene ne me Nyankopɔn,

Baabi a w’afɔrebukyia kɛseɛ no wɔ no,

Anomaa mpo anya baabi atena wɔ hɔ;

Asomfena nso ayɛ ne pirebuo wɔ hɔ,

Na ɛhɔ na ɔhwɛ ne mma.

 5 Anigyeɛ ne nnipa a wɔde wo ayɛ wɔn ahoɔden+

Na wɔn akoma so adeɛ ne sɛ wɔde wɔn ani bɛkyerɛ wo fie kwan.

 6 Sɛ wɔnam Baka Bɔn* no mu a,

Wɔma ɛhɔ yɛ nsutire,

Na nsuo a ɛdi kan tɔ de nhyira fira no sɛ ntoma.*

 7 Wɔbɛnante nso wɔn ahoɔden rensa;+

Wɔn mu biara bɛpue Onyankopɔn anim wɔ Sion.

 8 O asafo Yehowa Nyankopɔn, tie me mpaebɔ;

O Yakob Nyankopɔn, yɛ aso tie me. (Sela)

 9 O yɛn kyɛm+ ne yɛn Nyankopɔn,*

Deɛ woasra no no, hwɛ n’anim.+

Mayɛ m’adwene sɛ mɛgyina me Nyankopɔn fie kwan ano mmom

Sene sɛ mɛtena abɔnefoɔ ntomadan mu.

11 Ɛfiri sɛ Yehowa Nyankopɔn yɛ awia+ ne ɛkyɛm;+

Ɔdom nnipa na ɔhyɛ wɔn animuonyam.

Wɔn a wɔn abrabɔ di mu no,

Yehowa remfa adepa biara nkame wɔn.+

12 O asafo Yehowa,

Anigyeɛ ne onipa a ɔde ne ho to wo so.+