Dwom

 2 Me deɛ, ɛkaa ketewaa bi anka meremane;

Ɛkaa kakraa bi anka merehwe ase.+

 3 Ɛfiri sɛ m’ani beree ahantanfoɔ,*

Ɛsiane sɛ, berɛ biara mehu sɛ nnebɔneyɛfoɔ wɔ asomdwoeɛ.+

 4 Wɔmmrɛ ansa na wɔawu;

Wɔwɔ apɔmuden.*+

 5 Ɔhaw a nkurɔfoɔ fa mu no, ebi nka wɔn,+

Na amanehunu a ɛto nnipa nyinaa no, ebi nto wɔn.+

 6 Ɛno nti wɔde ahantan ayɛ kɔnmuadeɛ;+

Wɔafira awudisɛm sɛ ntoma.

 7 Wɔn ahonyadeɛ* ama wɔn ani ayeyɛ akɛseɛ;

Wɔanya aboro deɛ wɔn akoma pɛ.

 9 Wɔhoahoa wɔn ho kɔduru soro,

Na wɔmema wɔn ho so wɔ asaase so de wɔn kɛtrɛma keka deɛ wɔpɛ.

10 Enti Onyankopɔn nkurɔfoɔ de wɔn adwene kɔ wɔn so,

Na wɔnom wɔn nsuo bebrebe no bi.

13 Ampa, m’akomam a mateɛ,

Ne me nsa a mahohoro de akyerɛ sɛ me ho nni asɛm no nyinaa yɛ ɔkwa.+

14 Mefaa ɔhaw mu daa nyinaa;+

Menyaa animka anɔpa biara.+

15 Nanso sɛ mekaa nsɛm a ɛte saa a,

Anka ɛbɛkyerɛ sɛ mayi wo nkurɔfoɔ* ama.

16 Mebɔɔ mmɔden sɛ mɛte aseɛ,

Nanso na ɛyɛ den ma me,

17 Kɔsii sɛ mekɔɔ Onyankopɔn tenabea kronkron kɛseɛ no mu;

Ɛnna mehunuu sɛdeɛ daakye ɛbɛwie wɔn.

20 O Yehowa, sɛdeɛ obi so daeɛ a ɔnyane ma no tete n’ani so no,

Saa ara na sɛ wokeka wo ho a, wobɛma wɔn animuonyam abɔ wɔn.*

21 Me deɛ, m’akoma dii awerɛhoɔ,+

Na medii yea kɛse wɔ me mu.*

22 Ná mente nneɛma ase na na me nimdeɛ sua;

Meyɛɛ sɛ aboa a ɔnni adwene wɔ w’ani so.

23 Nanso afei deɛ, mɛtena wo nkyɛn daa;

Wokura me nsa nifa.+

24 W’afotuo na wode kyerɛ me kwan,+

Na akyire yi, wobɛhyɛ me animuonyam.+

26 Sɛ me nipadua ne m’akoma gye ne ho mpo a,

Onyankopɔn yɛ m’akoma botan ne me kyɛfa daa.+

Awurade Tumfoɔ Yehowa na mede no ayɛ me dwankɔbea

Sɛ mɛka ne nnwuma nyinaa ho asɛm.+