Krataa a Ɛdi Kan a Ɔde Kɔmaa Korintofoɔ

5 Yɛate sɛ adwamammɔ*+ bi rekɔ so wɔ mo mu, adwamammɔ* a ɛnni amanaman mufoɔ mpo mu. Ɛne sɛ, obi agye ne papa yere.+ 2 Wei yɛ asɛm a ɛsɛ sɛ mode hoahoa mo ho? Ɛnyɛ mo werɛ na ɛsɛ sɛ ɛho mmom+ na moyi ɔbarima a ɔyɛɛ saa adeɛ no firi mo mu?+ 3 Ɛwom sɛ menni hɔ wɔ honam mu deɛ, nanso mewɔ hɔ wɔ honhom mu, na mabu ɔbarima a ɔyɛɛ saa adeɛ yi atɛn dada te sɛ deɛ mewɔ hɔ ankasa. 4 Sɛ mohyiam yɛn Awurade Yesu din mu, berɛ a monim sɛ me ne mo wɔ hɔ wɔ honhom mu, a yɛn Awurade Yesu tumi nso ka mo ho a, 5 ɛsɛ sɛ mode saa ɔbarima no hyɛ Satan nsa+ sɛdeɛ ɛbɛyɛ a ɔhonam no bɛsɛe, na wɔagye honhom no nkwa, Awurade da+ no.

6 Mo ahohoahoa no nyɛ fɛ. Monnim sɛ mmɔka* kakraa bi na ɛma mmɔre no nyinaa ka+ anaa? 7 Monyi mmɔka dada no ngu, na ama moayɛ mmɔre foforɔ, sɛdeɛ mmɔka biara nni mo mu no. Ɛfiri sɛ wɔanya de yɛn Twam dwammaa+ Kristo no abɔ afɔreɛ.+ 8 Enti mommma yɛmmfa mmɔka dada, anaa bɔneyɛ ne amumuyɛ mmɔka nnni afahyɛ* no,+ na mmom momma yɛmfa kronkronyɛ ne nokorɛ paanoo a mmɔka nnim nni.

9 Krataa a metwerɛ brɛɛ mo no, meka kyerɛɛ mo wom sɛ mo ne adwamammɔfoɔ* mmmɔ.* 10 Ɛnyɛ deɛ mereka ne sɛ montwe mo ho koraa mfiri adwamammɔfoɔ* a wɔwɔ wiase yi mu+ anaa adufudepɛfoɔ anaa apoobɔfoɔ anaa abosonsomfoɔ ho. Ɛnneɛ anka gye sɛ mofiri wiase koraa.+ 11 Na seesei meretwerɛ mo sɛ, obiara a wɔfrɛ no onua a ɔyɛ odwamammɔfoɔ* anaa odufudepɛfoɔ+ anaa ɔbosonsonni anaa obi a ɔtwa nkurɔfoɔ adapaa* anaa ɔsabofoɔ+ anaa opoobɔfoɔ+ no, mo ne no mmmɔ;*+ saa onipa no, mo ne no nnnidi mpo. 12 Wɔn a wɔwɔ akyire* no deɛ, sɛ wɔbɛbu wɔn atɛn oo, sɛ wɔremmu wɔn atɛn oo, ɛfa me ho bɛn? Ɛnyɛ wɔn a wɔwɔ mo mu no na mobu wɔn atɛn, 13 na Onyankopɔn nso abu wɔn a wɔwɔ akyire* no atɛn?+ “Monyi ɔbɔnefoɔ no mfiri mo mu.”+