Yesaia

Mema wo so, na meyi wo din ayɛ,

Ɛfiri sɛ woayɛ anwanwadeɛ pii,+

Nneɛma a wobɔɔ wo tirim* wɔ ho firi tete no,+

Ayɛ nokorɛ,+ na aba mu.

 2 Woama kuro bi adane aboɔ* sum hɔ,

Woama kuro denden adwiri agu pasapasa,

Ahɔhoɔ* aban no nyɛ kuro bio;

Wɔrensan nsi bio da.

 3 Ɛno nti, nnipa a wɔn ho yɛ den bɛhyɛ wo animuonyam;

Amanaman atirimuɔdenfoɔ kuro bɛsuro wo.+

 4 Ɛfiri sɛ woabɛyɛ mmɔborɔwafoɔ abandenden,

Ohiani abandenden wɔ n’ahohia mu,+

Ahum ano dwankɔbea,

Ne ɔhyew mu nwunu.+

Berɛ a atirimuɔdenfoɔ abufuo* te sɛ ahum a ɛpem ɔfasuo,

 5 Te sɛ serɛ so ɛhyew no,

Wobrɛ ahɔhoɔ* dede ase.

Sɛdeɛ mununkum nwunu gye ɛhyew no,

Saa ara na woma atirimuɔdenfoɔ dwom ano brɛ ase.

 6 Bepɔ yi so+ na asafo Yehowa bɛto aman nyinaa pono;

Ɔde aduane pa,+

Ɔde nsã pa,*

Ɔde aduane pa a hon fra mu,

Ɔde nsã pa a wɔasɔne so.

 7 Bepɔ yi so na ɔbɛyi* nkataho a ɛkata nnipa nyinaa so

Ne ntoma* a wɔde akata aman nyinaa so no.

 8 Ɔbɛmene owuo* afebɔɔ,+

Na Awurade Tumfoɔ Yehowa bɛpepa obiara anim nisuo.+

Ɔbɛyi ne man animguaseɛ* afiri asaase nyinaa so,

Ɛfiri sɛ Yehowa ankasa na aka.

Yɛde yɛn ani ato ne so,+

Na ɔbɛgye yɛn.+

10 Ɛfiri sɛ Yehowa de ne nsa bɛto bepɔ yi so,+

Na wɔbɛtiatia Moab so wɔ ɔno ankasa asaase so+

Te sɛ nwura bebree a wɔtiatia so wɔ sumina* so.

11 Na ɔbɛtwe ne nsam wɔ so

Te sɛ deɛ osudwarefoɔ twe ne nsam dware no,

Na ɔbɛdanedane ne nsa yie

De abrɛ n’ahantan ase.+

12 Na kuro denden ne w’afasuo atenten a ɛbɔ wo ho ban no,

Ɔbɛbubu agu;

Ɔbɛdwiri agu fam, mfuturo mu.