YOEL
1 Yehowa asɛm a ɔka kyerɛɛ Petuel ba Yoel* nie:
2 “Mpanimfoɔ, montie,
Na asaase sofoɔ nyinaa, monyɛ aso.
Saa adeɛ yi, ebi asi wɔ mo berɛ so
Anaa mo agyanom berɛ so pɛn?+
3 Monka ho asɛm nkyerɛ mo mma,
Na mo mma nka nkyerɛ wɔn mma,
Na wɔn mma nso nka nkyerɛ awoɔ ntoatoasoɔ a ɛdi hɔ.
4 Deɛ ntutummɛ a wɔsɛe nneɛma di maa no kaeɛ no, ntutummɛ a wɔtu yuu adi;+
Deɛ ntutummɛ a wɔtu yuu di maa no kaeɛ no, ntutummɛ a wɔnni ntaban adi;
Deɛ ntutummɛ a wɔnni ntaban di maa no kaeɛ no, ntutummɛ a wɔdidi fuu adi.+
5 Asabofoɔ, monnyane+ na monsu!
6 Ɔman bi aba m’asaase so; emu nnipa ho yɛ den na wɔn dodoɔ nni ano.+
Wɔn se te sɛ gyata se,+ na wɔwɔ gyata apantan.
7 Wɔasɛe me bobe na wɔama me borɔdɔma ayɛ dunsini,
Wɔapempan ho ama no ayɛ kwabokwabo, na wɔato agu
Ama ne mman ho ayɛ fitafita.
9 Aduane afɔreɛ+ ne nsã afɔreɛ+ a wɔde ba Yehowa fie no, afei deɛ wɔagyae;
Yehowa asomfoɔ a wɔyɛ asɔfoɔ no resu.
11 Hwiit ne baali* nti, akuafoɔ aboto,
Na bobefuo* mu adwumayɛfoɔ twa adwo,
Ɛfiri sɛ afuo mu nnɔbaeɛ asɛe.
12 Bobe akyenkyene,
Na borɔdɔma nso akusa.
Me Nyankopɔn asomfoɔ, momfira awerɛhoɔ ntoma* anadwo mũ nyinaa,
Ɛfiri sɛ obiara nni hɔ a ɔde aduane afɔreɛ+ ne nsã afɔreɛ+ ba mo Nyankopɔn fie bio.
14 Momma wɔnyɛ akɔnkyene.* Momma wɔnyɛ nhyiamu titire.+
Mommoaboa mpanimfoɔ no ne asaase no sofoɔ nyinaa ano
Mmra Yehowa mo Nyankopɔn fie,+ na monsu mfrɛ Yehowa na ɔmmoa mo.
15 “Ɛda no nti monnue!
Yehowa da no abɛn,+
Na ɛbɛba sɛ ɔsɛeɛ a ɛfiri adeɛ nyinaa so Tumfoɔ no nkyɛn!
16 Aduane nyera mfirii yɛn anim anaa?
Na anigyeɛ ne ahurisie nso mfirii yɛn Nyankopɔn fie?
17 Aba* a wɔadua a wɔde sofi reyɛ ho adwuma no atwintwam.
Adekora adan ada mpan.
Aburopata adwiri agu, ɛfiri sɛ nnɔbaeɛ asɛe.
18 Nyɛmmoa mpo si apini!
Anantwikuo nnya adidibea, enti wɔnenam basabasa.
Na nnwankuo hunu amane.
19 O Yehowa, wo na mɛsu afrɛ wo,+
Ɛfiri sɛ egya ahye serɛ so adidibea,
Na gyaframa ahye wuram nnua nyinaa.
Monhyɛn ɛko totorobɛnto wɔ me bepɔ kronkron so.
Momma asaase no sofoɔ nyinaa ho mpopo,
Ɛfiri sɛ Yehowa da no reba,+ na abɛn!
Ɔman bi wɔ hɔ a wɔdɔɔso na wɔn ho yɛ den;+
Ɛso bi mmaa da,
Na wɔn akyi nso ebi remma bio,
Awoɔ ntoatoasoɔ nyinaa mu.
Wɔte sɛ ɔman a ɛyɛ den a wɔaboa wɔn ano wɔ akono.+
6 Wɔn nti, nkurɔfoɔ ho bɛyera wɔn.
Obiara anim bɛsinsiam.
7 Wɔtu ba sɛ mmarima akatakyie.
Wɔforo ɔfasuo sɛ asraafoɔ a wɔrekɔ ɛko.
Obiara nam ne kwan so
Na wɔmmane mfiri wɔn kwan so.
8 Obi nsum ne yɔnko.
Obiara nam ne kwan so tẽẽ.
Sɛ wɔn mu bi wu akono* mpo a,
Wɔn a wɔaka no mmane.
9 Wɔbɔ wura kuro mu. Wɔtu mmirika fa afasuo so.
Wɔforo adan, na wɔfa mpomma mu sɛ akorɔmfoɔ.
10 Asaase hinhim wɔn anim, na ɔsoro woso.
Awia ne bosome aduru sum,+
Na nsoromma agyae hyerɛn.
11 Yehowa bɛma ne nne so wɔ n’asraafoɔdɔm anim,+ ɛfiri sɛ ne dɔm no dɔɔso paa.+
Hwan na ɔbɛtumi agyina ano?”+
13 Monsuan mo akoma mu,+ na ɛnyɛ mo ntaadeɛ.+
Monsan mmra Yehowa mo Nyankopɔn nkyɛn,
Ɛfiri sɛ ɔwɔ ayamhyehyeɛ* ne mmɔborɔhunu, ne bo mfu ntɛm,+ ne dɔ a ɛnni hwammɔ nni ano,+
Na ɔsɛeɛ a ɔde reba no, ɔbɛgyae ama no aka.*
14 Hwan na ɔnim sɛ ebia ɔbɛsan na wagyae ama no aka,+
Na wahyira wo,
Na wode aduane afɔreɛ ne nsã afɔreɛ ama Yehowa wo Nyankopɔn?
15 Mommɔ abɛn wɔ Sion.
Momma wɔnyɛ akɔnkyene. Momma wɔnyɛ nhyiamu titire.+
16 Mommoaboa ɔman no ano. Monte asafo no ho.+
Mommoa mpanimfoɔ no ano. Mommoaboa mmɔfra ne wɔn a wɔnom nufoɔ no ano.+
Momma ayeforɔkunu mpue mfiri ne pia mu na ayeforɔ mpue mfiri n’ayeforɔ dan mu.
Adɛn nti na ɛsɛ sɛ wɔka sɛ: “Wɔn Nyankopɔn no wɔ he?”’+
19 Yehowa bɛbua ne man sɛ:
‘Hwɛ, mede aduane ne bobesa foforɔ ne ngo rebrɛ mo,
Na mobɛmee paa;+
Meremma amanaman no nni mo ho fɛ bio.+
20 Mɛpamo deɛ ɔfiri atifi fam no afiri wo ho akɔ akyirikyiri.
Asaase wesee a obiara nte so no, ɛso na mɛbɔ no ahwete;
Na mede dɔm a wɔdi akyire akyerɛ atɔeɛ fam po.*
Ne ho pampan bɛkɔ akɔduru ɔsoro,
Na ɔsoro ara na ne ho nka bɛkɔ akɔduro;+
Onyankopɔn bɛyɛ ade kɛseɛ.’
21 O asaase, nsuro.
Ma w’ani nnye na di ahurisie, na Yehowa bɛyɛ ade kɛseɛ.
22 Wuram mmoa, monnsuro,
Ɛfiri sɛ serɛ so adidibea bɛyɛ frɔmfrɔm,+
Na nnua bɛso aba.+
Borɔdɔma dua ne bobe bɛso aba a ɛsɛ sɛ ɛso nyinaa.+
23 Sion mma, momma mo ani nnye, na monni Yehowa mo Nyankopɔn mu ahurisie,+
Na ɔbɛma mo nsuo a ɛdi kan* sɛdeɛ ɛsɛ,
Na ɔbɛma nsuo atɔ ama mo
Ama moanya nsuo a ɛdi kan ne nsuo a ɛtwa toɔ* sɛdeɛ na ɛteɛ kane no.+
24 Hwiit* a wɔaporo bɛyɛ ayuporobea ma,
Na bobesa foforɔ ne ngo bɛbu so wɔ amena a wɔkyi nsã wom mu.+
25 Na mfeɛ dodoɔ a ntutummɛ a wɔtu yuu, ntutummɛ a wɔnni ntaban, ntutummɛ a wɔdidi fuu, ne ntutummɛ a wɔsɛe nneɛma,
M’asraafoɔdɔm kɛseɛ a mesomaa wɔn baa mo mu no+ dii mo nnɔbaeɛ no,
Mɛhyɛ ananmu.
Me man ani renwu bio da.
28 Ɛno akyi no, mɛhwie me honhom+ agu ɔhonam ahodoɔ nyinaa so,
Na mo mma mmarima ne mo mma mmaa bɛhyehyɛ nkɔm,
Mo mpanimfoɔ nso bɛsoso adaeɛ,
Na mo mmeranteɛ bɛnya anisoadehunu.+
29 Mɛhwie me honhom agu me nkoa ne me mfenaa mpo so
Wɔ saa nna no mu.
32 Na obiara a ɔbɛbɔ Yehowa din afrɛ no no, ɔbɛnya nkwa.+
Na sɛdeɛ Yehowa kaeɛ no, ebinom bɛfiri mu aka wɔ Sion Bepɔ so ne Yerusalem;+
Wɔn na wɔbɛnya wɔn tiri adidi mu, na Yehowa afrɛ wɔn.”
3 “Hwɛ! Nna no mu,
Sɛ mede Yuda ne Yerusalemfoɔ a wɔakɔdi obi man so no san ba saa berɛ no a,+
2 Mɛboaboa amanaman nyinaa nso ano,
Me man ne m’agyapadeɛ Israel nti,
Mɛbu wɔn atɛn wɔ hɔ,+
Ɛfiri sɛ wɔabɔ wɔn ahwete amanaman no mu,
Na wɔakyɛ m’asaase afa.+
4 Tiro ne Sidon ne Filistia nkuro nyinaa,
Ɛdeɛn na mowɔ tia me?
Mayɛ mo biribi na moreyɛ bi atua me ka anaa?
Sɛ moretua me biribi so ka a,
Ɛnneɛ mɛyɛ ntɛm adane mo akatua no aba mo so.+
5 Moafa me dwetɛ ne me sika kɔkɔɔ,+
Na mode m’akoradeɛ a ɛsom bo akɔgu mo abosomfie;
6 Yuda ne Yerusalemfoɔ nso, moatɔn wɔn ama Greecefoɔ+
Sɛdeɛ ɛbɛyɛ a mobɛtu wɔn afiri wɔn asaase so akɔ akyirikyiri;
7 Ɛno nti mɛma wɔafiri beaeɛ a motɔn wɔn kɔeɛ no aba,+
Na mɛdane mo akatua no aba mo so.
8 Mɛtɔn mo mma mmarima ne mo mma mmaa ahyɛ Yudafoɔ nsa,+
Na wɔn nso bɛtɔn wɔn ama Sabafoɔ, ɔman a ɛwɔ akyirikyiri,
Yehowa na aka.
9 Mommɔ dawuro wɔ amanaman mu sɛ:+
‘Monsiesie mo ho nkɔko!* Monkanyan mmarima akatakyie!
Momma mmarima a wɔkɔ ɔsa nyinaa ntwe mmɛn, momma wɔmmra!+
10 Momfa mo nsɔ nyɛ sekan a wɔde kɔ ɛko, na momfa mo kantankrankyi* nyɛ mpea.
Deɛ ɔyɛ mmerɛ no, ma no nka sɛ: “Me ho yɛ den.”
11 Aman a moatwa ahyia nyinaa, mommɛboa; mommoaboa mo ho ano.’”+
O Yehowa, fa w’ahoɔdenfoɔ* no bra hɔ.
12 “Momma amanaman no nsɔre mmra Yehosafat Bɔn mu,*
Na ɛhɔ na mɛtena abu amanaman a atwa ahyia nyinaa atɛn.+
13 “Monto kantankrankyi, na nnɔbaeɛ no awo* sɛ wɔtwa.
Mommra mmɛtiatia so, ɛfiri sɛ amena a wɔkyĩ nsã wom no ayɛ ma.+
Adeɛ a wɔkyĩ nsã gu mu no ayɛ ma abu so; wɔn bɔne adɔɔso.
15 Awia ne bosome bɛduru sum,
Na nsoromma renhyerɛn bio.
16 Yehowa bɛbobom afiri Sion,
Na ɔbɛma ne nne so afiri Yerusalem.
17 Mobɛhu sɛ mene Yehowa mo Nyankopɔn a mete Sion, me bepɔ kronkron so no.+
18 Saa da no, nsã* dɔkɔdɔkɔ bɛsosɔ afiri mmepɔ so;+
Nufosuo bɛsene afiri nkokoɔ so,
Na nsuo bɛsene Yuda nsubɔn nyinaa mu.
19 Egypt deɛ, ɛbɛdane asaase a obiara nte so,+
Na Edom nso adane serɛ pradadaa,+
Ɛfiri sɛ wɔde atirimuɔdensɛm dii Yudafoɔ,+
Na wɔhwiee mogya a ɛdi bem gui wɔ wɔn asaase so.+
Ɛkyerɛ, “Yehowa Ne Onyankopɔn.”
Anaa “bobesa.”
Anaa “ababaawa.”
Anaa “atweaatam.” Hwɛ Nkyerɛkyerɛmu afã hɔ.
Ɛbɛtumi aba sɛ ɛyɛ baali.
Ɛyɛ afifideɛ bi a ɛte sɛ ɛmo.
Anaa “bobeturo.”
Anaa “Pomegranate.”
Nt., “mommɔ abɔsoɔ.”
Anaa “mommɔ abubuo.”
Anaa “atweaatam.” Hwɛ Nkyerɛkyerɛmu afã hɔ.
Anaa “wɔnni mmuada.”
Ɛbɛtumi nso akyerɛ, “Borɔdɔma a awo.”
Wei yɛ hwiit anaa baali dua a aka wɔ afuo mu berɛ a wɔatwa aduane no awie.
Anaa “akodeɛ ano.”
Ɛbɛtumi nso akyerɛ, “Deɛ ɔma Onyankopɔn asɛm ba mu.”
Anaa “Momfa mmuadadie.”
Anaa “ɔyɛ ɔdomfoɔ.”
Anaa “ɔbɛnu ne ho wɔ ho.”
Nt., “w’agyapadeɛ.”
Nt., “n’anim.”
Kyerɛ sɛ, Ɛpo a Awuo.
Kyerɛ sɛ, Mediterranea Po.
Ná ɛfiri aseɛ firi October mfimfini hɔ baabi. Hwɛ Nkh. B15.
Ná ɛfiri aseɛ firi April mfimfini hɔ baabi. Hwɛ Nkh. B15.
Ɛbɛtumi aba sɛ ɛyɛ baali.
Ɛkyerɛ, “Yehowa Ne Ɔtemmufoɔ.”
Anaa “Asaasetraa no so.”
Anaa “bobesa.”
Nt., “Monte ɛko ho!”
Ɛbɛyɛ sɛ na ɛyɛ dadeɛ bi a ɛyɛ nnam a ɛhyɛ dua ano. Ɛte sɛ kookoo sɔsɔ.
Anaa “wo nnɔmmarima.”
Anaa “Asaasetraa no so.”
Anaa “ahoa; adwan.”
Anaa “asaasetraa no so.”
Anaa “asaasetraa no so.”
Anaa “ananafoɔ.”
Anaa “bobesa.”
Anaa “Subɔn.”