Hiob

 4 Hwan na worekasa akyerɛ no?

Na hwan na wapiapia wo ama worekeka saa nsɛm yi?*

 5 Awufoɔ a wɔntumi nyɛ hwee no ho popo;

Wɔwɔ fam mpo sene ɛpo ne deɛ ɛwom.

 6 Adamena* so abue wɔ Onyankopɔn anim,*+

Na ɔsɛeɛ amena* ho da hɔ.

 7 Watrɛ wiem a ɛwɔ atifi fam* no mu wɔ baabi a hwee nnie,*+

Na ɔde asaase asɛn hɔ a biribiara nkura mu;

 8 Ɔkyekyere nsuo wɔ ne mununkum mu,+

Sɛdeɛ ɛbɛyɛ a nsuo no mu duro remma mununkum no mpaapae;

 9 Wakata n’ahennwa no anim,

Na watrɛ ne mununkum mu akata so.+

10 Watwa nsuo ani kanko;*+

Watwa hyeɛ ato hann ne sum ntam.

11 Ɔsoro nnyinasoɔ mpo hinhim;

N’animka ma wɔn ho dwiri wɔn.

12 Ɔde ne tumi hwanyan ɛpo,+

Na ɔde ne nteaseɛ bubu ɛpo mu aboa kɛseɛ no* pasaa.+

13 Ɔde ne home* ma wiem te nwann;

Ɔwɔ a ɔde ne ho sie* no, ɔde ne nsa wɔ ne mu.

14 Hwɛ! Ne nnwuma a wayɛ no, emu nketewa nie;+

Ne ho asɛm kakraa bi na atwa yɛn asom!