Hiob

 3 Wɔkoto wo wɔn mma,

Na wɔn awoɔ mu yea no to twa.

 4 Wɔn mma nya ahoɔden, na wɔnyinyini wɔ wuram;

Wɔpue kɔ, na wɔnsan mma wɔn nkyɛn bio.

 5 Hwan na ɔma ɛserɛ so afunumu de ne ho?+

Na hwan na ɔsane ɛserɛ so afunumu nhoma?

 6 Mede ɛserɛ so ayɛ ne fie,

Na mede nkyene kuro ayɛ ne tenabea.

 7 Ɔmfa gyegyeegye a ɛwɔ kuro mu nyɛ hwee;

Ɔnte deɛ ɔka no kɔ adwuma no nteateamu.

 8 Ɔkyinkyini mmepɔ so hwehwɛ adidibea;

Ɔhwehwɛ wura biara a ɛyɛ frɔmfrɔm.

10 Wobɛtumi de ahoma akyekyere ɛkoɔ ama watwa nkofie nteaanteaa ama wo?

Anaa ɔbɛdi w’akyi afuntum wɔ bɔn mu?

11 Wode wo ho bɛto n’ahoɔden dodoɔ so,

Na wode w’adwuma kɛseɛ ahyɛ ne nsa?

12 Wobɛnya ne mu awerɛhyɛmu sɛ ɔde wo nnɔbaeɛ* bɛbrɛ wo?

Na ɔbɛboaboa ano aba w’ayuporobea?

13 Sohori de anigyeɛ bɔ ne ntaban mu,

Nanso wohwɛ a, ne ntaban ne ne ntakra ne asukɔnkɔn deɛ na ɛsɛ?+

14 Ɛfiri sɛ ɔto ne nkosua gu fam,

Na mfuturo mu na ɔma ɛnya ɔhyew.

15 Ne werɛ fi sɛ obi nan bɛtumi abobɔ no,

Anaa wuram aboa bi bɛtumi atiatia so.

16 Ɔbɔ ne mma atirimuɔden; ɔyɛ wɔn te sɛ deɛ wɔnyɛ ne mma;+

Ɛnha no sɛ ɔbɛbrɛ agu.

17 Ɛfiri sɛ Onyankopɔn ama nyansa abɔ no,*

Na wamma no annya nteaseɛ.

18 Nanso sɛ ɔsɔre, na ɔbɔ ne ntaban mu a,

Ɔsere pɔnkɔ ne deɛ ɔte ne so.

21 Ɔde ne nan pempem fam wɔ bɔn mu, na ɔde ahoɔden hurihuri;+

Ɔde aniberɛ kɔ ɛko.*+

23 Agyan woso wɔ ne so,

Pea ne pɛmɛ twa yerɛwyerɛw.

24 Ne ho pere no, na ɔgye bum kɔ n’anim,*

Sɛ ɔte abɛn nnyegyeeɛ a, ɔntumi nnyina faako.*

Ɛko wɔ akyirikyiri mpo a, ɔte ne hwa,

Na ɔte asahene nteateamu ne ɛko nteamu.+

26 Wo nyansa nti na akorɔma tu fãã,

Na ɔtrɛ ne ntaban mu kyerɛ anaafoɔ anaa?

27 Anaa wo na woma ɔkɔdeɛ tu kɔ soro,+

Na ɔkɔyɛ ne pirebuo wɔ sorosoro?+

28 Bepɔ so na ɔda anadwo,

Ɔte bepɔ atifi tɔnn wɔ botan so.*

29 Ɛhɔ na ɔfiri hwehwɛ aduane;+

N’ani hunu adeɛ wɔ akyirikyiri.

30 Na ne mma fefe mogya;

Baabi a afunu wɔ no, ɛhɔ na ɔwɔ.”+