Yesaia

 2 Adɛn nti na mokɔ so te sika tɔ deɛ ɛnyɛ aduane,

Na adɛn nti na mosɛe sika a moabrɛ anya* wɔ biribi a ɛmmee ho?

Monyɛ aso ntie me, na monni adepa,+

Na mobɛdi* aduane pa* ama mo ani agye paa.+

Montie, na mobɛnya* nkwa,

Na sɛdeɛ ɛteɛ biara me ne mo bɛyɛ daa apam;+

Ɛfa ɔdɔ a ɛnni hwammɔ a mehyɛɛ Dawid bɔ sɛ mɛda no adi akyerɛ no no ho. Saa bɔhyɛ no, sɛdeɛ ɛteɛ biara, ɛbɛba mu.*+

 4 Hwɛ! Mede no yɛɛ danseni+ maa amanaman,

Amanaman panin+ ne ɔsahene.+

 5 Hwɛ! Wobɛfrɛ ɔman a wonnim wɔn,

Na ɔman a wɔnnim wo de mmirika bɛba wo nkyɛn,

Yehowa wo Nyankopɔn, Israel Kronkronni no nti,+

Ɛfiri sɛ ɔbɛhyɛ wo animuonyam.+

 7 Ma ɔbɔnefoɔ nnya ne kwan,+

Na onipabɔnefoɔ nsakra n’adwene;

Ma ɔnsan mmra Yehowa nkyɛn, na ɔbɛhu no mmɔbɔ,+

Ɔmmra yɛn Nyankopɔn nkyɛn, na ɔde bɛkyɛ no aboro so.*+

 8 “Ɛfiri sɛ ɛnyɛ m’adwene ne mo adwene,+

Na ɛnyɛ mo akwan ne m’akwan,” Yehowa asɛm nie.

 9 “Na sɛdeɛ ɔsoro korɔn sene asaase no,

Saa ara na m’akwan korɔn sene mo akwan,

Na m’adwene korɔn sene mo adwene.+

10 Sɛdeɛ nsuo ne sukyerɛmma tɔ firi soro gu fam

Na ɛnsan nkɔ hɔ bio, gye sɛ ɛfɔ asaase ma nneɛma fifi na ɛso,

Na ogufoɔ nya aba, na odifoɔ nya aduane no,

11 Saa ara na m’asɛm a ɛfiri m’anom bɛyɛ.+

Ɛrensan mma me nkyɛn kwa.+

Mmom, sɛdeɛ ɛteɛ biara, ɛbɛyɛ deɛ mepɛ,+

Na deɛ ɛbɛyɛ biara, ɛbɛwie deɛ enti a mesomaa no no.

12 Mode anigyeɛ bɛkɔ,+

Na wɔde mo bɛba asomdwoeɛ mu.+

Mmepɔ ne nkokoɔ de anigyeɛ bɛbɔ ose wɔ mo anim,+

Na wuram nnua nyinaa abɔ wɔn nsam.+

13 Na papao dua bɛfifi wɔ nkasɛɛ ananmu.+

Dua a ɛyɛ hwam bɛfifi wɔ nsansono ananmu.

Na ɛbɛgye din ama Yehowa,+

Na ɛbɛyɛ sɛnkyerɛnne daa a ɛrensɛe da.”