Mika

5 “Afei wode adeɛ retwitwa wo ho,

O ɔbabaa a atamfo ato ahyɛ ne so;

Wɔatwa yɛn ho ahyia.+

 2 Na wo, Betlehem Efrata,+

Wo a wosua koraa sɛ wɔbɛkan wo aka Yuda mpempem* ho,

Wo mu na obi bɛfiri abɛyɛ Israel hene ama me.+

Ɔno na n’ase firi teteete, tete mmerɛ no.

 3 Enti ɔbɛyi wɔn ama

Akɔsi sɛ ɔbaa a awoɔ aka no no bɛwoɔ.

 4 Ɔbɛsɔre agyina na ɔde Yehowa ahoɔden ayɛn wɔn+

Wɔ Yehowa, ne Nyankopɔn din kɛseɛ no mu.

Na wɔbɛtena hɔ dwoodwoo,+

Na afei n’ahennie* bɛduru asaase ano.+

Na sɛ Asiria to hyɛ yɛn asaase so na ɔtiatia yɛn abandenden so a,+

Yɛbɛyi nnwanhwɛfoɔ nson, nnipa mu aberempɔn* nwɔtwe, na wɔne no adi asie.

 6 Wɔde sekan bɛyɛn Asiria asaase+

Ne Nimrod asaase+ wɔ n’apono ano.

Na sɛ Asiria to hyɛ yɛn asaase so, na ne nan tia yɛn hyeɛ so a,

Ɔbɛgye yɛn afiri ne nsam.+

 7 Yakob nkaefoɔ no bɛtena aman bebree mu

Te sɛ bosuo a ɛfiri Yehowa nkyɛn,

Te sɛ nsuo a ɛgugu afifideɛ so

A ɛmfa n’ani nto onipa so

Na ɛntwɛn nnipa mma.

 8 Yakob nkaefoɔ no bɛtena aman bebree mu,

Wɔ amanaman bebree mfimfini,

Te sɛ gyata a ɔwɔ kwaeɛ mu mmoa mu,

Te sɛ gyata* a ne ho yɛ den a ɔwɔ nnwankuo mu.

Ɔfa wɔn mu, na ɔto hyɛ wɔn so tete wɔn mu;

Na obiara nni hɔ a ɔbɛgye wɔn.

 9 Wobɛma wo nsa so wɔ w’atamfo so,

Na wɔbɛsɛe w’atamfo nyinaa.”

10 Yehowa aka sɛ, “Saa da no,

Mɛkunkum w’apɔnkɔ afiri wo mu, na masɛe wo nteaseɛnam.

11 Mɛsɛe w’asaase so nkuro,

Na madwiri wo nkuro a wɔabɔ ho ban nyinaa agu.

12 Mɛma asumansɛm a wodie no aba awieeɛ,*

Na obiara a ɔyi nkonyaa rentena wo mu.+

13 Mɛsɛe w’ahoni ne w’abosom adum afiri wo mu,

Na worenkoto wo nsa ano adwuma bio.+

14 Mɛtutu w’abosonnua* agu,+

Na masɛe wo nkuro.

15 Mede abufuo ne abufuhyeɛ bɛtwe

Aman a wɔanyɛ setie no aso.”