1 Beresosɛm

5 Israel ba panyin+ ne Ruben,+ nanso oguu ne papa mpa ho fĩ,+ enti wɔde mpanyinni no maa Israel ba Yosef+ mma, na wɔankyerɛw ne din sɛ abakan. 2 Ná Yuda+ yɛ kɛse wɔ ne nuanom mu; ne mu na na ɔkannifo no befi aba,+ nanso Yosef na wɔde abakan no maa no.+ 3 Israel ba panyin Ruben mma ne Hanok,+ Palu+, Hesron, ne Karmi.+ 4 Yoel mma no bi ne Semaia, na Semaia ba ne Gog, na ɔno nso ba ne Simei, 5 na ɔno nso ba ne Mika, na ɔno nso ba ne Reaia, na ɔno nso ba ne Baal, 6 ɔno nso ba ne Beerah; ɔno na Asiria hene Tilgat-Pilneser+ de no kɔɔ nkoasom mu no; ná ɔyɛ Ruben asefo mu ɔbapɔmma. 7 N’agyanom abusua mu no, ne nuanom din, sɛnea wɔn mmusua te+ ni: Yeiel na odi ti, afei Sakaria, 8 ne Yoel+ ba, Sema ba, Asas ba Bela​—ɔno na na n’asefo tete Aroer+ kɔpem Nebo+ ne Baal-Meon+ no. 9 Apuei fam nso, wɔtena de kosii asubɔnten Eufrate+ sare no ano, efisɛ na wɔn nyɛmmoa dɔɔso Gilead+ asase so. 10 Na Saul nna no mu no, wɔne Hagrifo+ koe na wodii wɔn so nkonim; enti wɔtenatenaa wɔn ntamadan mu wɔ Gilead apuei fam mantam no mu baabiara.

11 Na Gad+ mma a wɔtoa wɔn so no de, wɔtenatenaa Basan+ kosii Saleka.+ 12 Yoel na odi ti, na Safam to so abien, ansa na Yanai ne Safat aba, ná wɔwɔ Basan. 13 Na wɔn nuanom a wofi wɔn agyanom abusuafie ne Mikael, Mesulam, Saba, Yorai, Yakan, Sia, ne Eber; wɔyɛ baason. 14 Eyinom ne Bus ba, Yado ba, Yesisai ba, Mikael ba, Gilead ba, Yaroa ba, Huri ba, Abihail mma: 15 Guni ba Abdiel ba Ahi, a ɔyɛ wɔn agyanom abusuafie panyin. 16 Wɔtenatenaa Gilead+ a ɛwɔ Basan+ ne ɛho nkurow+ mu ne Saron mfikyisase nyinaa so kosii n’ahye so. 17 Wɔkyerɛkyerɛw wɔn nyinaa din sɛnea wɔn mmusua te, Yuda hene Yotam+ ne Israel hene Yeroboam*+ nna no mu.

18 Na Ruben mma ne Gadfo ne Manase abusuakuw no fã no, ná wɔn mu mmarima akokodurufo+ a wokura akyɛm ne nkrante a wonim agyan tow na wonim akodi no yɛ mpem aduanan anan, ahanson aduosia a wɔkɔ ɔsa.+ 19 Wɔne Hagrifo+ ne Yetur+ ne Nafis+ ne Nodab koe. 20 Wɔboaa wɔn ɔko no mu, enti wodii Hagrifo ne wɔn a wɔka wɔn ho nyinaa so nkonim, efisɛ Onyankopɔn na wosu frɛɛ no+ ɔko no mu, na wɔde wɔn ho too no so, enti otiee wɔn.+ 21 Na wɔfaa wɔn nyɛmmoa:+ yoma mpem aduonum, nguan mpem ahanu aduonum, mfurum mpem abien, ne nnipa, akra mpem ɔha.+ 22 Bebree totɔe, efisɛ na ɔko no yɛ nokware Nyankopɔn dea.+ Na wɔfaa wɔn nkurow tenatenaa mu kosii nkoasom bere no.+

23 Manase abusuakuw no fã+ tenatenaa Basan+ kosii Baal-Hermon+ ne Senir+ ne Bepɔw Hermon+ ho. Ná wɔdɔɔso. 24 Eyinom ne wɔn agyanom abusuafie mpanyimfo: Efer, Yisi, Eliel, Asrel, Yeremia, Hodawia ne Yadiel, mmarima akokodurufo a wɔn ho yɛ den na wɔwɔ din; wɔn nyinaa yɛ wɔn agyanom abusuafie mpanyimfo. 25 Na wɔanni wɔn agyanom Nyankopɔn nokware, na mmom wɔne asase no so aman a Onyankopɔn sɛee wɔn wɔ wɔn anim no anyame+ kɔbɔɔ aguaman.+ 26 Enti Israel Nyankopɔn hwanyan Asiria+ hene Pul,+ kyerɛ sɛ, ɔhwanyan Asiria hene Tilgat-Pilneser+ honhom,+ ma ɔfaa Ruben ne Gad asefo, ne Manase abusuakuw no fã kɔɔ nkoasom+ mu wɔ Hala+ ne Habor ne Hara ne Gosan asu ho de besi nnɛ.