Nnwom

11 Yehowa ne me guankɔbea.+

Ɛyɛ dɛn na moka kyerɛ me kra sɛ:

“Guan sɛ anomaa kɔ mo bepɔw so!+

 2 Na hwɛ! nnebɔneyɛfo akuntun agyan mu,+

Wɔde dua no asi agyan hama no so

Sɛ wɔrebɛtow wɔ sum mu awɔ komam teefo.+

 3 Bere a fapem no asɛe+ yi,

Dɛn na ɔtreneeni betumi ayɛ?”

 4 Yehowa wɔ n’asɔrefie kronkron no mu.+

Yehowa de, n’ahengua wɔ soro.+

N’ani tua biribiara, n’aniwa na ɔde pɛɛpɛɛ nnipa mma mu.+

 5 Yehowa na ɔpɛɛpɛɛ ɔtreneeni ne ɔdebɔneyɛfo mu,+

Na obiara a n’ani gye awudisɛm ho no, Ne kra kyi no koraa.+

 6 Ɔbɛma mfiri ne ogya ne sufre+ atɔ agu nnebɔneyɛfo so,

Ɛne mframa a emu yɛ hyew, na ɛno ne kuruwa a wɔbɛnom.+

 7 Yehowa teɛ;+ ɔdɔ adetrenee.+

Teefo na wobehu n’anim.+