Nnwom

54 Onyankopɔn, fa wo din so gye me ɛ,+

Na fa wo tumi di m’asɛm ma me.+

 2 O Onyankopɔn, tie me mpaebɔ;+

Yɛ aso ma m’anom nsɛm.+

 3 Na ananafo asɔre atia me,

Ne atirimɔdenfo a wɔhwehwɛ me kra no.+

Wɔmfaa Onyankopɔn nsii wɔn ani so.+ Sela.

 4 Hwɛ! Onyankopɔn ne me boafo;+

Yehowa wɔ wɔn a woso me kra mu no afã.

 5 Ɔde bɔne betua m’atamfo ka;+

Ma wɔnka wɔn ano ntom wo nokwaredi mu.+

 6 Meyi me yam abɔ afɔre ama wo.+

O Yehowa, mɛkamfo wo din, efisɛ eye.+

 7 Wagye me afi ahohia nyinaa mu,+

Na mede m’aniwa ahwɛ m’atamfo.+