Yona

2 Afei Yona bɔɔ Yehowa, ne Nyankopɔn mpae wɔ apataa no yam,+ 2 na ɔkae sɛ:

“M’ahohia mu na misu frɛɛ Yehowa,+ na ogyee me so.+

Adamoa* yafunu mu na misu hwehwɛɛ mmoa.+

Na wutiee me.+

 3 Bere a wotow me too bun mu, na mekɔɔ ɛpo komam tɔnn no,+

Nsu dii kyinhyia faa me ho.

Na w’asorɔkye de ne tumi nyinaa bu faa me so.+

 4 Ɛnna mekae sɛ, ‘Wɔapam me afi w’anim!+

Ɛbɛyɛ dɛn na matumi ahwɛ w’asɔrefie kronkron no bio?’+

 5 Nsu twaa me ho hyiae beduu me kra ho;+ subun menee me.

Na nwura kyekyeree me ti.

 6 Misian kɔɔ mmepɔw ase tɔnn.

Na asase adaban kaa me hyɛɛ mu daa.

Nanso wo Yehowa me Nyankopɔn, wuyii me nkwa fii amoa mu.+

 7 Bere a me kra hodwowee no,+ mekaee Yehowa.+

Na mede me mpaebɔ baa w’anim, w’asɔrefie kronkron hɔ.+

 9 Nanso me de, mede me nne beyi wo ayɛ na mabɔ afɔre ama wo.+

Ɛbɔ a mahyɛ biara metua.+ Na nkwagye yɛ Yehowa dea.”+