14 Ɛnna ɔfaa Elia atade a efii ne ho guu fam no, na ɔde bɔɔ nsu no mu+ kae sɛ: “Ɛhe na Yehowa, Elia Nyankopɔn no wɔ?”+ Bere a ɔde bɔɔ nsu no mu no, nkakrankakra emu paee abien wɔ ha ne ha, na Elisa twae.

20 Ɛnna ɔka kyerɛɛ wɔn sɛ: “Momfa kuruwa foforo na momfa nkyene ngu mu mmrɛ me.” Na wɔkɔfa brɛɛ no.

17 na Yehowa aka sɛ: “Morenhu mframa, na morenhu sɛ osu retɔ; nanso nsu bɛhyɛ subon yi ma,+ na mobɛnom nsu afi mu,+ mo ne mo nyɛmmoa ne mo afieboa.”’

4 Afei wo ne wo mmabarima no nkɔhyɛ dan mu na monto ɔpon no mu, na hwiehwie ngo no gu nhina no nyinaa mu, na nea ɛbɛyɛ mã no, fa sisi nkyɛn.”

14 Wɔkaa saa no, ɔkɔe kɔtɔɔ Yordan mu mpɛn ason sɛnea nokware Nyankopɔn nipa no ka kyerɛɛ no no,+ na ne ho san baa ne ho ma ɛyɛe sɛ abofra ketewaa honam,+ na ne ho tewee.+

27 Ɛno nti Naaman kwata+ bɛfam wo ne w’asefo ho daa.”+ Ɛhɔ ara na ofii n’anim kɔe a kwata aguare no fitaa sɛ sukyerɛmma.+

6 Ɛnna nokware Nyankopɔn nipa no bisaa no sɛ: “Ɛhe na ɛtɔe?” Na ɔkyerɛɛ no hɔ. Ɛhɔ ara na otwaa dua bi tow too hɔ, na ɛmaa akuma no bɛtɛn ani.+

7 Ɛnna Elisa kae sɛ: “Muntie Yehowa asɛm.+ Nea Yehowa aka ni, ‘Ɔkyena sesɛɛ esiam susukora biako bo bɛyɛ dwetɛbona biako, na atoko susukora abien bo bɛyɛ dwetɛbona biako wɔ Samaria kurow pon ano.’”+