14 “Sɛ wunya kɔfa asaase a Yehowa wo Nyankopɔn de rema wo no tena so, na woka sɛ, ‘Ma minsi ɔhene na onni me so te sɛ aman a atwa me ho ahyia+ no nyinaa’ a, 15 ɛnde obi a Yehowa wo Nyankopɔn beyi no na ɛsɛ sɛ wode no si wo so hene.+ Ma wo nuanom no bi nni wo so hene. Worentumi mma ɔhɔho a ɔnyɛ wo nua nni wo so.

19 Na mo de, mo Nyankopɔn a ogyee mo fii mo haw ne mo amanehunu nyinaa mu no, ɛnnɛ moapo no,+ na moaka sɛ: “Daabi, yɛpɛ sɛ wusi yɛn so hene.” Enti afei mummegyina Yehowa anim mmusuakuw mmusuakuw ne apem apem.’”*

43 Ahemfo a wodii Edom+ asaase so ansa na Israelfo*+ rebenya ɔhene adi wɔn so ni: Beor ba Bela; ná ne kurow din de Dinhaba. 44 Bela wui no, Sera a ofi Bosra+ ba Yobab bedii n’ade. 45 Bere a Yobab wui no, Husam a ofi Temanfo asaase so no bedii n’ade. 46 Husam wui no, Bedad ba Hadad a odii Midianfo so nkonim wɔ Moab asaase so no bedii n’ade, na na ne kurow din de Awit. 47 Hadad wui no, Samla a ofi Masreka bedii n’ade. 48 Bere a Samla wui no, Saul a ofi Rehobot a ɛwɔ Asubɔnten no ho no bedii n’ade. 49 Saul wui no, Akbor ba Baal-Hanan bedii n’ade. 50 Bere a Baal-Hanan wui no, Hadad bedii n’ade; ná ne kurow din de Pau. Ná ne yere de Mehetabel, na Mesahab ba Matred na ɔwoo no.