12 Na Yehowa ka kyerɛɛ Abram sɛ: “Fi w’asaase so ne w’abusuafo mu ne w’agya fi kɔ asaase a mɛkyerɛ wo no so.+ 2 Mɛyɛ wo ɔman kɛse, na mehyira wo ama wo din ayɛ kɛse, na wobɛyɛ nhyira ama nkurɔfo.+

15 Eyinom akyi no, Yehowa ka kyerɛɛ Abram wɔ anisoadehu mu sɛ: “Abram, nsuro.+ Meyɛ wo kyɛm.+ W’akatua bɛyɛ kɛse paa.”+

5 Afei ɔde no fii adi na ɔka kyerɛɛ no sɛ: “Mesrɛ wo, ma w’ani so hwɛ soro, na sɛ wubetumi akan nsoromma yi a, kan.” Na ɔkae sɛ: “Saa na w’asefo* bɛyɛ.”+

2 Ɛnna Onyankopɔn ne Israel kasae anadwo wɔ anisoadehu mu sɛ: “Yakob, Yakob!” na ogyee so sɛ: “Mini!” 3 Ɔkae sɛ: “Mene nokware Nyankopɔn no, Onyankopɔn a wo papa som no no.+ Nsuro sɛ wobɛkɔ Egypt, na mɛma woayɛ ɔman kɛse wɔ hɔ.+

7 Israelfo* no wowoe, na wɔbɛyɛɛ bebree. Wɔn ase trɛwee na wɔbɛyɛɛ den ntɛmntɛm, na wɔhyɛɛ asaase no so ma.+

32 Eyinom ne Israelfo a wɔkyerɛw wɔn din huu nnipa dodow a ɛwɔ wɔn agyanom abusuafi biara mu no. Nnipa a wɔwɔ asoɛe ahorow hɔ a wobetumi ayɛ asraafo, a wɔkyerɛw wɔn din no dodow yɛ 603,550.+