15 Sɛ mepɛ a, anka ebesi saa bere yi mateɛ me nsa de owuyare abɔ wo ne wo manfo, na mayi* wo afi asaase so. 16 Nanso nea enti a mama woda so te ase ni: mepɛ sɛ meda me tumi adi kyerɛ wo, na mema nkurɔfo bɔ me din asaase nyinaa so.+

11 O Yehowa, anyame no mu hena na ɔte sɛ wo?+

Hena na ɔte sɛ wo, wo a wo kronkronyɛ nni ano?+

Wo na ɛsɛ sɛ wosuro wo na wɔde nnwom yi wo ayɛ; wo na woyɛ anwonwade.+

10 Ɛnna Yetro kae sɛ: “Ayeyi nka Yehowa; ɔno na wagye mo afi Egypt ne Farao nsam, na ɔno na wayi nkurɔfo no afi Egypt nkoasom mu. 11 Sɛ mehwɛ nea Yehowa de baa Egyptfo so bere a wɔredi Israelfo so ahantansɛm no a, ama mahu sɛ ɔso sen anyame a aka no nyinaa.”+

9 Na ɔka kyerɛɛ wɔn sɛ: “Minim sɛ Yehowa de asaase yi bɛma mo,+ na mo ho hu atɔ yɛn so.+ Mo nti, asaase yi sofo nyinaa abɔ hu,+ 10 efisɛ yɛate sɛnea Yehowa maa Ɛpo Kɔkɔɔ no yowee wɔ mo anim bere a mufi Egypt reba no,+ ne nea mode yɛɛ Amorifo ahemfo baanu, Sihon+ ne Og+ a mosɛee wɔn wɔ Yordan agya* no.