15 Yehowa bɔfo fi soro frɛɛ Abraham ne mprenu so, 16 na ɔkae sɛ: “Yehowa asɛm ni: ‘Esiane sɛ woayɛ eyi na woamfa wo ba koro no ankame me+ nti, meka me ho ntam sɛ,+ 17 ɔkwan biara so mehyira wo, na ɔkwan biara so mɛma w’aseni* ayɛ bebree te sɛ ɔsoro nsoromma ne mpoano anwea;+ na w’aseni* bɛfa n’atamfo nkurow apon.*+

10 Na Onyankopɔn ka kyerɛɛ no sɛ: “Wo din de Yakob.+ Nanso wɔremfrɛ wo Yakob bio, na mmom wɔbɛfrɛ wo Israel.” Enti ofii ase frɛɛ no Israel.+ 11 Afei Onyankopɔn san ka kyerɛɛ no sɛ: “Mene ade nyinaa so Tumfo Nyankopɔn.+ Monwo na monnɔɔso.+ Aman ne aman asafodɔm ne ahemfo befi wo mu aba.*+

13 Na bere a Onyankopɔn hyɛɛ Abraham bɔ no, esiane sɛ na obiara nni hɔ a ɔyɛ kɛse sen no a ɔde no bɛka ntam nti, Onyankopɔn de ɔno ara ne ho kaa ntam,+ 14 na ɔkae sɛ: “Ɔkwan biara so mehyira wo, na ɔkwan biara so mɛma w’asefo ayɛ bebree.”+